ألف مبروك ربنا يباركلك فيها ويرزقك خيرها ويكفيك شرها
عرض للطباعة
ألف مبروك ربنا يباركلك فيها ويرزقك خيرها ويكفيك شرها
الف الف الف مبروك اختيار موفق وربنا يباركلك فيها ويديك خيرها ويكفيك شرها
بالنسبة للإستفسارات بتاعتك
1. أثر على التيل الخلفى اكنك فضلت دايس فرامل لمدة نصف كيلو متر :) وهتحتاج ترجلشة لو مهتم باليد فى الصيانة مع العلم انة كدة قل كتير عن الاستندرد اللى كان نازل بية بس مشم مشكلة أخرك خالص تغيرة مش هيعملك ازمة ومش أثر تأثير سئ يعنى العادى اكنك استهلك تيل شوية زيادة
2. مش هتسبب معاك مشاكل غير انها هتاخد شوية بنزين زيادة هههههههه وفيه حل طبعا حاول تاخد العربية فى مكان فاضى وتبدى تقف وتطلع بيها وتخلى عينك على ال أر بى أم لغاية متطلع بيها من غير متسمع صوت وشوف فى طلعتك ديه ال أر بى أم كان كام وافضل اركن واطلع بيها وانتة باسس على ال أر بى ام لغاية متلاقى نفسك كل مرة بتطلع من غير متسمعلها صوت وال أر بى أم مظبوط عند الرقم اللى لقيت انة احسن طلعة للعربية :) وبعد كده هتلاقى نفسك بتطلع بيها أوتوماتيك وانتة متعود انك متسمعش صوت وهكذا :) لو مرة لقيتها هتستهبل بص على ال أر بى ام وخلية مثلا لو افترضنا عند 1 و 3 من عشرة واطلع بيها عادى أستخدمة كوسيلة مساعدة لحد متتعود عليها ومتقلقش الموضوع مش هياخد منك اكتر من 1000 كيلو وهتكون متعود على الموضوع ده :)
3. الطبيعى هتلاقى ان ال أر بى أم على 1 و 2 من عشرة وهيفضل يقل يوصل ل 0.8 أول ما درجة الحرارة توصل لطبيعتها :) وطبيعى جدا انه يبقى عالى وانتة بتسخنها
4. المفروض التلين الصح ال أر بى أم بتاعك يكون بين 2 إلى 4 :) أر بى ام ودمزودش عن 90 كيلو :) سرعة وطبيعى جدا انك تنقل على 3 او 2 او 3 و نص لغاية 4
5. عادى مش هيعمل أزمة حاول تفضى التك بس مش على الأخر وفول 92 واستمر على كده :)
6. انا بريح نفسى وكل فترة بغسل العربية فى البنزينة وجايف فوتة اسمها فوتة زفرة بتنضفها اكنها مغسولة تانى :)
7. أه فيها مشكلة انك لا قدر الله لو حصل اى مشكلة فى ضفيرة الكهربا الضمان بتاعها بيعتبر لاغى وبتتحمل انة اى مشاكل تحصلها :)
8. معتقدش هوة الفكرة ان الموتور يتفتح معاك :) وطالما اتفتح على 5000 كيلو على 10000 على أى رقم هتلاقى اداءة اتحسن :) معاك فالناس اللى بتقول انة بعد التلين او بعد 5000 كيلو الفكرة انك بتكون عودتها على الجرى وكدة فبيكون أداءة أحسن
9. مش عارف بس بصراحة هيا نور الفرامل بتاعها بيعمى اللى وراك ومش محتاجة خالص لمبة أستوب
10. مش عارف
ياريت أكون قدرت أساعدك بالمعلومات البسيطة اللى عندى
الف مبروووك ربنا يديك خيرها ويكفيك شرها :w6266d
ربنا يوفق
الف مبروك ..ربنا يباركلك فيها
استلمت اية اضافات مع العربية غير الكاتلوج؟
والنترا 93000الف التكييف فيها تاتش ولا بكر وفيها الة رفع ولا؟
والف مبروووووووووووك وربنا يباركلك قيها انشاءالله
مبروك يا مان وعقبال يارب أول سفرية بيها
تروح وترجع بألف سلامة
أولاً مليون مبروك على العربية و ربنا يديك خيرها و يكفيك شرها و إختيار موفق بإذن الله.
ثانياً العضو الفاضل بيشوي كان وافي جداً في رده بس أحب أرد أنا كمان لإن في إختلافات بسيطة.
1- إن شاء الله ميكونش حصل حاجة من موضوع فرامل اليد لإن لو الموضوع وصل لدرجة حدوث ضرر كنت على الأقل شميت ريحة شياط من التيل.
2- بالنسبة للأبعاد، هيا فعلاً أبعادها صعبة قوي بس أنا ركبت حساسات ركن خلفية و دي ساعدت كتير قوي في الركن بس برضه العربية ما زالت عريضة جداً بالنسبة لي.
3- صوتها طبيعي جداً يكون عالي عند التسخين علشان الشفاط الأوتوماتيك بيكون شغال و بينزل سنة سنة لحد ميوصل للـ Idle Speed و هي في الإلنترا 700 لفة في الدقيقة.
4- بالنسبة للأر بي إم مكتوب في الكتالوج صراحة إن فترة أول ألف كيلو الأر بي إم يكون بين 2000 و 4000 يعني أقل مش كويس لإنه بيعمل Engine Lagging و أكثر بيعمل Over Revving في الفترة الأولى و على فكرة الأر بي إم على 4000 ممكن يديك سرعة أعلى من 140 كم/ساعة في الأوتوماتيك و على الخامس في المانيوال و ده مفيهوش أي مشكلة بالمرة.
5- بالنسبة للبنزين معتقدش في أي مشكلة بس ممكن أعضاء أفاضل تانيين يردوا رد فني أحسن مني في النقطة دي.
6- بالنسبة للتنظيف أعتقد كده كويس بس تاخد بالك متمسحش العربية جامد و عليها تراب.
7- الفوجات الأصلي بالدراع ممكن توصل لـ 1400 جنيه في التوكيل لإنها بتيجي بدراع نور كامل فيه سنة لتشغيل الفوجات بس ممكن تعملها زار منفصل و توفرلك بتاع 400 جنيه منهم و ممكن تجيبهم تايواني أو صيني من شارع دمشق بس إسأل في التوكيل الأول علشان الضمان.
8- عن نفسي مش بقتنع أوي بصراحة بموضوع الموتور بيفتح و الكلام ده..
9- سمعت إن لمبة الستوب الخلفية في التوكيل من أحد اعضاء هنا بتركب في غبور بحوالي 200 جنيه أو أكتر حاجة بسيطة و سهل تسأل في الرقم المختصر لغبور.
10 معرفش موضوع اللوحات ده.
الف شكر حضرتك على المساعدة و ان شاء الله تكون الفرامل ما عملتش حاجة و يطمنوني في الصيانة
و انا ما كنتش متضايق من موضوع ان صوتها يعلى و انا طالع اللي كان مضايقني بس انها ساعات بتقف مني بس دلوقتي خلاص بقيت بعرف امشيها من غير ما تقف باني بضغط بنزين لحد 1.5 ار بي ام كده و اخفف الضغط على الدبرياج بالراحة بس ما اشيلش رجلي خالص الا بعد العربية ما تتحرك كويس
و كنت عايز اعرف الفوطة الزفرة ديه اشتريها منين او اعملها ازاي ؟
شكرا على الاضافات حضرتك و لو قعلا لمبة الاستوب بالتمن ده يبقى كويس اوي و ممكن اركبها في صيانة الالف كم
و فعلا ياريت حد يفيدني في موضوع اللوحات ده لأن اللوحة اللي عندي مضايقاني جدا و شكلها يقرف
العربية جديدة يعني المفروض كنت اخد لوحة جديدة مش قديمة و مقرفة زي ديه و انا عايز اغيرها بأي طريقة