اقتباس:
السلام عليكم
الحمد لله استلمت النترا 2009 من اسبوعين بس اعذروني كنت مشغول شوية فمعرفتش ادخل على المنتدى الا النهاردة
المواصفات : مانوال .. اللون فيراني
السعر : 93000
مشيت بيها لحد دلوقتي حوالي 400 كم
الف الف مبروووووك يا باشا و ربنا يباركلك فيها...
استفسارات بقى ياريت تجاوبوني عليها
1/ انا جديد في السواقة زي ما قولت و النترا هي اول عربية جديدة اركبها كنت بتدرب على عربيات قديمة .. و فجأة لقيت صاحب المعرض بيديني المفاتيح و بيقولي اتفضل يا بشمهندس و العربية مركونة برة فطبعا كنت مخضوض منها اوي لدرجة اني نسيت فرامل اليد مرفوعة حوالي نصف كيلومتر .. فهل ده ممكن يكون اثر على العربية في حاجة ؟ لاني قلقان جدا من الحكاية ديه
متقلقش خالص.. مفيش اي مشكلة بس خد بالك بعد كده...
2/ انا الحمد لله اتعودت بسرعة على ابعادها و بقيت بسوقها بسهولة جدا ما عدا حتة بتكسفني لو قدام حد .. اني لسة مش متعود على طلعة البداية و مش متعود على دواسة البنزين الناعمة اوي ديه فساعات بتقف مني او صوتها يعلى .. لو الحكاية ديه اتكررت لحد ما اتعود ممكن تسبب اي مشاكل ؟
و ممكن اتخلص منها ازاي ؟
مفيش اي حاجة تكسف.. كلنا كنا كده أول ما اتعلمنا.. بس واحده واحده و متحطش في دماغك الناس و ادي لنفسك الفرصة تتعود على العربية براحتك و متستعجلش... شعر للبنزين و ريح رجلك من على الدبرياج واحدة واحدة ولما تلاقيها سحبت اتحكم في سحبها بالدبرياج من غير متزود بنزين و شيل رجلك من على الدبرياج واحدة واحدة.. و بعدين هات التاني و متخليش ال RPM يزيد عن 3.5 -4 لو مش عايز تسمع صوت الموتور عالي.. و هاكذا..
3/ هل طبيعي ان صوتها يبقى عالى شوية اثناء ما انا بسخنها ؟
طبيعي عشان الموتور اوتوماتيك اثناء التسخين بتزيد عدد لفاتة لـ 1000 RPM و بعد ما بتسخن بترجع لـ 500- 600 RPM فالصوت بيخف
4/ مرة او مرتين بس زاد عداد ال rpm عن 3 اثناء التليين .. هل ده ممكن يكون سبب اي مشكلة ؟
مفيش اي مشكلة بس حاول متكسرش الـ3 RPM تاني و متزودش عن 80كم/ساعة...
5/ اول لما جت ما كانش فيها بنزين كتير و كنت عايز احطلها بنزين 92 دايما بس لسوء الحظ ما كنش فيه غير بنزين 90 ساعتها و عشان اروح بنزينة بعيدة ما كنش فيه بنزين كفاية فاضطريت احطلها 90 فأعمل ايه عشان احط 92 المرة الجاية ؟ المفروض اخلص التانك كله الاول و لا اعمل ايه ؟
بردو مش مشكلة بس بعد كدة حطلها 92 على طول و من غير ما تخلص التانك عشان الشوائب متدخلش على الموتور و حط في اي وقت 92 على طول
6/ بالنسبة لتنظيف العربية انا جبتلها فوطة صفراء كده و ذراع تانية كده فيها خيوط بتنظف التراب بس لو فيه اي اوساخ مش بتنضف و لو حتى بالفوطة الصفراء فالمفروض اعمل حاجة في الفوطة ديه قبل ما استخدمها مباشرة كده ؟ و هل فيه طريقة احسن لتنظيف العربية من جوة و برة ؟
ممكن تلاقي في ON THE RUN حاجات كويسة و خاماتها كويسة جداا..
7/ انا عايز اركبلها فوجات بس سمعت ان ثمنها في التوكيل خوالي 600 جنيه او اكتر .. لو ركبتهم برة فيها مشكلة ؟ و سعرهم كام برة ؟
مفيش مشكلة لو ركبتهم برة بس يكون واحد فاهم... الانتراوية يجاوبوك على بكام و مين الأفضل يركبة, همة ادرى مني :S_thum1[1]:
8/ انا سمعت ان اداءها بيبقى احسن كتير بعد التليين .. هل ده صحيح ؟ مع اني مش متوقع اداء اروع من كده بصراحة
طبعا... حتى أداء التكييف هيكون أفضل بعد التليين(1000كم) و الأفضل كمان هيكون بعد 5000كم..
9/ ممكن اركبلها لمبة استوب خلفية و لا لأ في التوكيل ؟ و بكام ؟
ممكن بس مش عارف ينفع في التوكيل ولا لأ...
10/ ممكن اغير لوحة العربية اثناء فترة الترخيص و لا لأ ؟ لانه للأسف مفيش لوحات ارقام جديدة في المرور هنا و انا عايز اركب لوحة جديدة
انت اكيد جيزة... اللوح هتيجي بعد شهر ان شاء الله و ممكن ساعتها تغير النمر عادي و تركب الجديدة و مش هتدفع غير رسوم التغير فقط على ما اعتقد