مقابله الاسكندرانيه وكل اللي يحب ييجي من انحاء الجمهوريه (مايو-2009)

**SHNORY** · 06-05-2009 11:07 AM

المشاركة الأصلية كتبت بواسطة oka

ماشى يا محمد انا اشوف حتاكلونا ايه بس بقولك انا مش بحب البصل فى الاكل ولا بحب اللحمه كتير ولا وراك الفراخ باختصار حجيب فطيره وجبنه ومايكل يجيب شيبسى والشيشه وحاكل واللى عاوز يشرفنى ف اكلى انا موافق

بص
متاكلش لحمه وبصل وعضم ووراك علي عيني وراسي
انما مايكل يتحول لكائن بطاطساوي وكل مقابله نقعد نحشيه بطاطس فدي انا مقبلهاش عليه ههههههههههههههههههههههه
كفايه اللي عملناه في بعض انا وهو المره اللي فاتت
والعذاب الي حيعذبهولي في مقابله رمضان

المشاركة الأصلية كتبت بواسطة جمال

فطير مشلتت

:k31:
فكرة ايه رأيك تجيب لنا شوية فطير مشلتت من اللى قلبك يحبهم للمجموعة كلها على شوية جبنة قديمة و مش و عسل و قشدة
يـــــــــــــــــــــاه نفسى فيها من زمان

اخي الاكبر استاذ جمال
حضرتك مليكش حق انك تطلب او تقترح
معاليك تأمر وبس
واحنا ننفذ اللي انت تأمر بيه
انت متتخيلش فرحتي لما بعرف انك حتيجي وحنقعد معاك تاني
علشان المره اللي فاتت معرفتش اشبع منك ولا اقعد معاك كتير

المشاركة الأصلية كتبت بواسطة Mohamed_Abd_Elrahman

والله عيب ياباشا بقى تيجي اسكندرية عندنا برضه وناكلك فطير .. لا لا لا لا لا لا انت فاهمنا غلط خالص

انت مش هتاكل اصلا .. واي حاجة معاك هتيجي بيها هترجع من غيرها .. يعني من الاخر هتتقلب

عععععععععععععهههههههههههه هههههههههههه

:k49:

حبيبي يا ابن عبد الرحمن
انت يبني خلاص انا مش بعرف ارد بعدك بتاخد الكلام من علي لساني
كمان انا شايف اننا ممكن نفرمه في قلب بعضه كده ونعمله كفته
هو رفيع انما مش مشكله
علي الاقل حنبقي عارفين احنا بناكل ايه
بدل المفروم اللي بنجيبه من السوق ومش عارفين هو بلدي ولا وولف

المشاركة الأصلية كتبت بواسطة Michael_Lanos

انا مستني بفارغ الصبر

حبيبي مايكل بيك
طبعا انت اتظلمت كفايه المره اللي فاتت
المرادي انت حتقعد تاكل وتمزمز ولما تخلص اكل يا سي السيد احنا نبقي ناكل علشان منعكرش مزاجك
واوعي تقول انك حتجيب شيبسي تاني هههههههههه
واحشني كتير يا واد

المشاركة الأصلية كتبت بواسطة abou_ruqi

يا راجل ده احلى حاجة في المقابلة ... الكلام عنها , لاحظ إننا لما حنتقابل الموضوع ده حيتقفل ! وحنفقد جزء من المتعة

يا باشا احنا بنلحم المقابلات في بعض فما تقلقش
بعد المقابله التقرير والنتيجه
حنقعد اسبوعين مثلا نتكلم فيه
ونفوت اسبوع وحتلاقي اعلان المقابله اللي وراها علطول
البلد بلدنا وحبايبنا ما شاء الله ربنا يخليهملنا ويسعد ايامهم وايامنا بيهم