الموضوع: ازاى نقدر نحافظ على نظافة السيارات السوداء؟

عن تجربة عدة سنوات مع سيارة لانوس سوداء :
1-اسوء شيىء بيدمر الدهان ويخليه خفيف وبعد كده تلاقيه بداء يكشف ويظهر المعجون ال تحته هو الكمباوند وخاصة اذا كان طلاء السيارة قديم نسبيا .

2-البوليش العادى ليس له اى فائدة سوى تلميع السيارة وطبعا التلميع ده بيضيع بعد غسلتين او ثلاثة بالكتير .

3- الشمع بيحل محل البوليش لأنه بيلمع جسم السيارة و بيترك طبقة رقيقة جدا على جسم السيارة تساعد فى الحفاظ على الدهان من العوامل الجوية والخدوش البسيطة وبالتالى هو افضل الخيارات .

4- يفضل استخدام الشمع على فترات متباعدة حتى لا يؤثر على دهان السيارة لأنى لما لمعت السيارة اتكشفت كل الخدوش ال كنت عالجتها بقلم الدوكو وطلع الدهان بتاعها.

5- وطبعا لازم تاخد بالك من طريقة تنضيف البوابين للعربية لأنهم اقوى من الكمباوند فى تدمير طلاء السيارة والفضل كله يرجع للفوطة الزفرة ال شايله جواها كيلو تراب وكمان للجاز ال بيرشوه على الفوطة يوميا علشان تلم التراب وكمان غسيلهم للعربية بأستخدام منظفات الملابس ال بتخلى الدهان يبهت على المدى الطويل واستخدامهم للفرش والأقمشة الخشنة .....الخ

6- افضل طريقة للمحافظة على السيارة السوداء نظيفة دائما هى استخدام غطاء السيارة بس لازم تنضف السيارة قبل ما تغطيها علشان الغطاء ما يلمش تراب ويخربش العربية فيما بعد والتنضيف يكون بفوطة ناعمة و 5 لتر ماء فقط بدون اى منظفات .

المشاركة الأصلية كتبت بواسطة waleed_home

4- يفضل استخدام الشمع على فترات متباعدة حتى لا يؤثر على دهان السيارة لأنى لما لمعت السيارة اتكشفت كل الخدوش ال كنت عالجتها بقلم الدوكو وطلع الدهان بتاعها.

بايد كلامك 100% لان الواكس عبارة عن بوليش ناعم جدا + الشمع يعني يفضل يتعمل من 2:4 مرات بالكثير بالسنة والانواع الكويسة منه بتحمي الدوكو لفترات طويلة