نادي حاجزي النيو سيراتو New Cerato

**ahmedsaeed1966** · 11-05-2009 10:05 AM

الشحنة الاولي اللي حتدخل هي للفئة Ex وما تحتها انما الثلاث فئات العالية في الشحنة اللي تليها
اعرف ناس زهقت وناوية تشوف حاجة تانية و انا عن نفسي بدات اشاور عقلي بس مش عارف اجيب ايه
مفيش غير اللانسر والالينترا في نفس حدود السعر بس المشكلة انهم ماليين الشوارع
فعلا حاجة تزهق

**TeMoON** · 11-05-2009 01:37 PM

المشاركة الأصلية كتبت بواسطة dasboot

تقريبا كده ان انا و انت حاجزين في شحنة واحدة و إللي اعتقد انه فعلا هيكون التسليم خلال اليومين دول علشان انا عرفت من مصادري الخاصة ان في حاويتين دخلوا الميناء من ساعتين تقريبا و التفربغ هيبدأ بكره الصبح :)

لكن الأستاذNahhaswael تقريبا في الشحنة القادمة

يارب يا مسهل ان انا وانت فى شحنة واحدة دا القلوب عند بعضها يباشا ويا مسهل نستلم انا وانت ونتقابل ونظبط كدا ونعيش الحياه من جديد بس ربنا يسهلها كدا ونستلم الاول واحنا ونصيبنا

**ahmedsaeed1966** · 12-05-2009 01:04 PM

يا جماعة انا قلقان من العفشة لان اللي استلموا كلهم قالوا انها ناشفة والموضوع دة حيكون واضح طبعا في الجنط ال17 اكتر
هل دة حيكون مناسب للطرق يتاعتنا . ايه رايكم؟

**dasboot** · 12-05-2009 05:43 PM

المشاركة الأصلية كتبت بواسطة ahmedsaeed1966

يا جماعة انا قلقان من العفشة لان اللي استلموا كلهم قالوا انها ناشفة والموضوع دة حيكون واضح طبعا في الجنط ال17 اكتر
هل دة حيكون مناسب للطرق يتاعتنا . ايه رايكم؟

هي العفشة فعلا كل الناس بتقول عليها ناشفة و ده بسبب ان الجنوط ال 17 علشان تنفع لطرق ممهدة محتاجة نوع معين من اليايات غير الياي التقليدي إللي في السيراتو

لكن خد بالك بردو ان العربية جديدة و لسه هتلين مع الوقت, يعني 5000كم كده و ابدأ قيم اخر العربية

**Ahmed Samy** · 12-05-2009 06:06 PM

أنا حجزت واحدة هاي لاين خليجي لأني مش هاقدر استنى الوكيل ....

سيراتو خليجي أحسن ما اشتري عربية مش عايزها بسبب الوقت

الخليجي أغلى من بتاعة الوكيل بخمسة ألاف تقريبا

اتسليم المفروض أخر الأسبوع ده بعد تاني تأخير

ربنا يستر

**nahasswael** · 12-05-2009 06:29 PM

على فكرة انا سمعت ان اللى فى المينا دلوقتى الex بس وشحنه الsx جايه على شحنتين الاولى الشهر اللى جاى والثانيه اللى انا اعتقد انى فيها فى شهر 7 وربنا يستر ونفسى يكون كلامى غلط ونستلم كلنا الشهر دة

**enas75** · 12-05-2009 07:23 PM

بصو ياجماعه فيه معرض اتصل بيا كان فاكر ان انا لسه مجبتهاش اسمه القاضي في اخر شارع الحجاز
ما تحاولو تشوفوه يمكن يعرف يتصرف للي عاوز بس للاسف نمرته مش معايا

**dasboot** · 12-05-2009 09:40 PM

المشاركة الأصلية كتبت بواسطة enas75

بصو ياجماعه فيه معرض اتصل بيا كان فاكر ان انا لسه مجبتهاش اسمه القاضي في اخر شارع الحجاز
ما تحاولو تشوفوه يمكن يعرف يتصرف للي عاوز بس للاسف نمرته مش معايا

أولا أهلا بيكي يا سيادة مالكة النيو سيراتو في نادي الحاجزين البؤساء (ده مش قر علي فكرة ده حسد بس P: )

ثانيا الموضوع بتاع ان في حد يتصرف لنا ده كان ممكن يخلص قبل كده لما كان في سيارات في السوق لكن التجار لسه خافينها لسبب من الأسباب

لكن حاليا حتي موزع زي الطارق باع السيارات إللي كانت واقفة عنده للعرض و مبقاش في ولا سيارة تحت يد أي موزع
الناس بقوا بيحجزوا عمياني او من علي صور النت

و عموما انا تعرفت علي واحد مهندس شغال في KHM في كوريا من علي ال Facebook هو صحيح تعبني لكن إن شاء الله بكره هقول لكم علي نواعيد وصول السيارات تحديدا (شغل استخبارات 100%) بس انتوا ادعوا

**ahmedsaeed1966** · 15-05-2009 02:23 PM

اتا كنت غند الطارق و اتاكدت ان الشحنه اللي جايه هي Ex فقط انما الsx اللي ب116 الف حتكون اخر شهر 6 او اول 7

**TeMoON** · 15-05-2009 02:28 PM

انا امبارح اتصلت ب ناشيونال موتورز وسألتهم عن استلامى للهاى لاين قالولى اول 6 بس فى الغالب هيستلمو بعد اسبوعين واتمنى من الله انهم يصدقو معايا واستلم لانى اتخنقت ومليت من الانتظار

الموضوع: نادي حاجزي النيو سيراتو New Cerato

LinkBack

أدوات الموضوع

عرض

-

-

-

-

المواضيع المتشابهه

نادي وادي دجلة vs نادي القطامية (بتروسبورت)

كيا سيراتو كوبيه موديل 2011 kia cerato koup

ليه الناس بتبيع النيو Cerato كتير كدة

النيو النترا ولا النيو سيراتو

مالكى النيو سيراتو وحاجزى النيو سيراتو

الكلمات الدلالية لهذا الموضوع

المفضلات

المفضلات

ضوابط المشاركة