لو لقيت بولونيز حالتها كويسه يبقى زي الفل
عرض للطباعة
لو لقيت بولونيز حالتها كويسه يبقى زي الفل
يا باشا هاتلك 127 ايطالى وانسى الباقى .....عربية صغيرة حجما... وصالونها واسع... وموفرة فى البنزين ..........وبتاعة غرز وبتركن فى اى حتة ......وقطع غيارها معمرة ......الحاجة هاتركبها مرة وتنساها .....بس لو اصلى......بس بلاش فيورا.....ولا سوبر فيورا......عشان ضعيفة والشاسيه ضعيف والصاج اضعف.....وبلاش ال127 ال1050 علشان موتورها بياكل بنزين كتير وبعض قطع غيارة مش موجودة .....خليك فى ال900سى سى الايطالى عربية وحش على الطريق بجد........وبتشيل 3افراد فى الخلف و2 قدام عادى جدااااااا............وانا موطيها كمان.....واى استفسار .....انا تحت امرك.......
اول حاجة انت بتقارن بين 3 حاجات مختلفة وانا مش فاهم بتقارن بينهمعلى اى اساس
يعنى ايه ضعف الشاسية بصراحة اول مرةاسمع الكلام ده
اول حاجة انا معى فيورا من سنة ونص عربية موفرة فى البنزين قطع غيارها رخيصة ومناسبة لشاب مش لعائلة
تانى حاجة انا راى لو هو شاب بطوله يتوكل على الله ويجيب 127 ولو عائلة ياريت يدور على ريجاتا بلاش 132
مميزات ال 127 عن ال132
1- وفر البنزين (ال 132 بتمتاز بانها حمارة بنزين-ربنا يكون فى عون اصحابها)
2-قطع غيارارخص
3- مش على كرونا وتصليح الكرونا مكلف
4 - سهولة الركن والمناورة
5- مش عالية عن الارض زى ال 132
مميزات ال 132 عن ال 127
1- اوسع
2 -موتور اكبر و بالتالى عزم وسحب اكتر
3- الموديل ال 2000 سى سى كان نازل بتكييف وباور
نصيحة منى لو بتفكر فى الكبير فكر فى الريجاتا
ألف شكر علي الرد الكافي بالنسبة لل 127
بس أنا وضحت في الأول إني بقارن من حيث إماكانياتة المادية " الفلوس " لأن التلاتة قريبين من بعض في السعر
ثانيا أنا سمعت من أكتر من واحد من ملاك ال 127 إن فعلا الشاسية بتاعها ضعيف
و الف شكر تاني علي الرد بس ليا سؤال هل في فروق كبيرة بين الفيورا و السوبر فيورا و التوب و باقي تقسيماتها ؟؟؟؟؟ وشكرا
انا مش فاهم يعنى ايه ضعيف ؟؟؟؟يعنى قصدك بتفتح شاسية زى ال 128
الفرق بين الفيورا والسوبر
1- غيار خامس
2- مساحة وراء
3- عداد ديجتال لحساب استهلاك البنزين (غالبا بيكون مش شغال)
وفيه النصر ال 127 العادية ودى الفرق بينها وبين الفيورا والسوبر ان النصر مفيهاش rpm
النصر( تقريبا) لحد سنة 1983
الفيورا من 1984 الى 1986
السوبر فيورا بتبقى موديل 1987 وعربيات قليلة اوى موديل 88 وبعد كده اتوقف انتاجها فى مصر
يعني رأيكم ال 127 أفضل منهم ؟؟؟؟؟؟؟؟؟
انا مش فاهم برضه ال127 افضل من العربيات السابقة من ناحية ايه ؟
حضرتك لازم توضح انت عاوز عربية صغيرة ولا كبيرة للعائلة و السفر وكده.....
لو عاوز عربية صغيرة لشاب او اسرة صغيرة و محتار تجيب 127 و لا 128 يبقي اشتري ال127 و حتعجبك جدا ...... اما لو عاوز عربية كبيرة علشان عائلة كبيرة و عاوز شنطة كبيرة في العربية تنفعك في السفر و كده يبقي اشتري 132 او ريجاتا زي ما احد الاخوة قالك برضه و ممكن برضه تشتري لادا 2105 عربية عملية جدا بس ناشفة شوية في السواقة بس برضه ارحم من البولونيز من الناحية دي .....
ما ينفعش تقارن ابدا بين عربية موتورها 900 سي سي و عربية موتورها 1600 سي سي .... دي حاجة و دي حاجة تانية خالص !!
بالنسبة لموضوع الشاسيه في ال127 هو طبعا ضعيف لو قارنته مع شاسيه ال132 و البولونيز العربيات دي تعتبر دبابات بالنسبة لل127 ...... والشاسيه يعتبر ضعيف بمعني انه لا قدر الله لو تعرضت ال127 لحادث جامد طبعا الشاسيه بتاعها بيتاثر جامد بس لو كنت بتتكلم عن موضوع المطبات و فتح الشاسيه فال127 كويسة اوي و الشاسيه بتاعها مش بيفتح بسرعة لو انت خايف من موضوع فتح الشاسيه في المطبات....
البولونيز خصوصا ان موديلاتها احدث من 127 و132 دورلك علي بولونيز موديل 1990 عربيه جميله اما 132 فقد اكل الدهر منها وشرب يااخي دي موديل 1973
ألف شكر ليكم جميعا
بس كنت قلت في الأول إنها لشاب و المقارنة كانت لإمكانياتة المادية