يا سيدى الفاضل البولونيز لا احدث ولا حاجة هى عبرة عن شكل جديدة لل 125 لااكتر ولا اقل
عرض للطباعة
انا معايا بولونيز 1991 1600 و الحقيقة العربية فوق الممتازة و قطع غيارها موجوده و كفاية الصاج بتاعها ... للاسف انا عايزة ابيعها عشان اجيب حاجة مكيفة بس ل حد دلوقتى مش لاقيه عربية فى قوتها ... و كان حصل معايا حادث من قبل و هى عربية فيورا تخرج بسرعة من شارع جانبى .. اللى حصل انى لقيت كبوت الفيورا اتفتح و اتعوج و الاكس بتاع الفيورا اتكسر و الاكصدام برضه و انا نفسى حسيت ان الفيورا دخلت فى قطر .. اما عربيتى عربيتى لقيت غطاء الفانوس البلاستك هو اللى اتكسر و يدوبك الاكصدام حصل فيه زى جرح بسيط ... حقيقى البولونيز عربية فوق الممتازة و انا ب اشجعها 100%
طيب اسمحولى اتدخل فى الموضوع
واسألكوا كخبراء عن سعر ال127 دلوقتى فى حدود كام علشان برضه اقدر احدد امكانياتى الماديه
وايه رأيكوا فى السيارات الملاكى احلال التاكسى المنتشره دلوقتى فى السوق بأسعار متهاوده؟
واسفه للإطاله
ال 127 من 10 الاف إلى 17.500
مع فرق الموديل والحالة
أعذرنى انا اقصد ال 127 التوب الايطالى
باب واحد
مش الفيورا
ياريت تفيدونى
وتنصحونى بيها ولا لاء للإستخدام الشخصى مش لعائله؟
وياريت لو سمحتوا تقولوا لى ايه رأيكم فى سيارات الملاكى احلال التاكسى
ماشى حالها ولا ايه؟
الـمـــاركـــــــــــة : بولونيز
الـمــــوديـــــــــل : 1991
الـســــــعـــــــــر : 24000
سعــــة المحــرك : 1600 سى سى
الدهان الخارجى: ابيض
الدهان الداخلى : فابريكة
الـعــــــــــــــــداد : 65000
الـغـيــــــــــــــــار : 5
البطاريـــــــــــــه : جافة acdelco
الكاوتــــــــــــش : تيوبوليس جديد
الحالـــــــــــــــــة: جيدة جدا (استخدام عائلى)
المـلكيـــــــــــة : اول يد
انتهاء الترخيـــص : حتى سبتمبر 2009 مرور مصر الجديدة
رقــم التليفــون : 0124153316
منطقة المعاينة : مصر الجديدة
البولونيز طبعا وحش ع الطريق و ممكن تفكر في لادا
من إللي قال إن البولونيز مافيش ميكانيكية وقطع غيار ليها زي 132 أنا معي بولونيز وفخور جداً بالعربية دي وللعلم أني كان معي عربية 128 قبل البولونيز لكن أعتقد أن البولونيز مزاياها كثيرة جداً [شنطة واسعة جداً - إمكانية طي الكنبة الخلفية - تمتاز بموديلاتها العالية التي تصل إلى 1993 - ممكن تسقط لها موتور 132 يكون 1600 سي سي هتمشي معاك آخر حلاوة] ده غير العفشة إللي عاملة زي النصف نقل وده إللي ينفع في بلدنا مع كثرة المطبات - ثبات كبير جداً على الطريق
وعموماً في النهاية أنا فخور جداً بهذه السيارة التي يطلق عليها المدرعة الملاكي
لا يافندم
فرق السما والارض بين الفيات 125 والبولونيز وبلاش نخلط الاوراق عشان مش معنى ان بعض موديلات من الطرازين كانت بتتصنع فى نفس المصنع ببولندا فيبقوا الاتنين حاجة واحدة
انا ما انكرش ان فيه قطع غيار ميكانيكية مشتركة كتير بس فرق التصميم والتعديلات اللى ادخلت عليها فرقت كتير
نصيحتى لصاحب الموضوع يختار البولونيز طبعا بس ربنا يسهله ويقع على عربية حالتها كويسة من مو 88 وانت طالع بلاش قبل كده عشان اللعب فيها كتير