عربيتى لانوس وعريسها مش دايس !!

**abo_lamar** · 07-06-2009 12:31 AM

اتكل لى الله يا باشا و ماتخفش من العربية او من السواقة واهم حاجة زي ما الجماعة قالولك سوق بالنهار وعلى مهلك وركز في الطريق قدامك وبص في المرايات الجانبية

**Eslam.Elrefaey** · 07-06-2009 02:09 AM

أهم حاجة تلبس الحزام صدقنى فى الأول بس وبعد كدة عند اللجنة وأكيد لازم تمشى فى حتت فاضية ومتخافش من العربية خوفها إنتا ومرة فمرة شدها شوية كدا (سرع-فوت-........) كدا يعنى وأهم حاجة الجرئة والسواقه بمزاج على فكرة المزاج يعنى مش تشرب معسل وبعدين تسوق وأتمنى إنك تسوق كويس وتواظب على السواقة

**zikoofire** · 07-06-2009 11:46 AM

ياجماعة متشكر ليكم بجد
انا فعلا الحمدلله بتحسن كتير خصوصا مع مشاوير الشغل اليومين والدنيا بقت احسن الحمدلله
ناقصلى بس احفظلى شوية طرق كدا عشان العملية تتظبط عن كدا

**elhathoti** · 16-06-2009 09:47 PM

سلام عليكم يابشوات ياركيبة الانوس
انا زى الاخ صاحب الموضوع وان كان هو سبقنى وعدانى بمراحل وممكن علشان انا شغلى واخد معظم وقتى مش فاضى اتعلم بس هتعلم غصب عنى لانى مش معقول جايب العربيه علشان ارميها كده قدام البيت بس هفضى كده وهحط كل نصايحكم الغاليه امامى وهطبقها وربنا يسترها

**Lion_Heart** · 17-06-2009 01:12 AM

بالاضافة لكل هذه النصائح ... السواقة ما هى الاممارسة

**fofocom4** · 21-06-2009 09:44 AM

ماشى ياجميل ربنا يكفيك شرها وكفيها شرك من الخبطات وغرها
انت شكلك بتسوق عربية منول عموما انت مستعجل شويتين
نصحتى لس بدرى على موضوع انك تسوق بين العربيات اصبر شوية
عوزك تسوق فى اماكن فضية وتوقف العربية وتطلع بيها اكتير ومتهتمش بالسرعة خالص على مهلك
محدش بيجرى وراك انت لوحدك فى الشارع
لغاية لما تنسى موضوع دوس فرامل امتى وبنزين ازى ودبرياش مع ايه انا عوزك تتعود على الموضوع ده ويكون بنسبالك بدون تفكير
نيجى للجزء المهم تحود الدركسيون اد ايه عشان تحود العربية وتلم الدركسيون ازاى وده هيكون بشكل تانى انك تمشى فى شوارع وتحود وبعدين تحاول تلف اى صنية كذا مرة
تيجى لصعب ازى ترجع بظهرك وتستعمل المريات وده الاول فى شارع فاضى بجد وواسع وببطئ وهتاخد وقت كتير اصبر
بعدين ازى تركن العربية بوشك الاول وبعدين بظهرك
تركن بظهرك ما بين شيئين
اعمل الى انا بقلك عليه ولوحدك فاهم لوحدك هتلاقى نتيجة سريعة فى كام يوم هتبقى سويق
بعد كده ابدا سوق بين العربيات وسعتها نصحتى امشى فى حارة والتزم بيها ومتحولش تتخطى حد خالص وحدوحد هتتعود
يعنى بعد فترة ممكن تشوف طريق فاضى وتجرى بالعربية شوية بس متزودش عن 80كم\س الانس خفيفة اوى خلينا عقلين ويرات يكون معاك حد بيسوق يجرب الاول وبعدين تجرب زيه بنهار

**ahmedhilmy** · 21-06-2009 08:19 PM

كلنا كنا كده تدريجيا هتبقي زي الفل و هتفتكر نفسك و انت لسه ماشي تاتا تاتا بس خليك تاتا تاتا دلوقتي و اعمل كل مرة تخلص فيها سواقة تقييم لنفسك و للاخطاء اللي وقعت فيها و للايجابيات اللي عملتها علشان تتفاداها في المرات التالية و بالتوفيق

**zikoofire** · 21-06-2009 11:56 PM

المشاركة الأصلية كتبت بواسطة ahmedhilmy

كلنا كنا كده تدريجيا هتبقي زي الفل و هتفتكر نفسك و انت لسه ماشي تاتا تاتا بس خليك تاتا تاتا دلوقتي و اعمل كل مرة تخلص فيها سواقة تقييم لنفسك و للاخطاء اللي وقعت فيها و للايجابيات اللي عملتها علشان تتفاداها في المرات التالية و بالتوفيق

اشكرك ياباشا
واشكر كل الناس بجد
الحمدلله انا بسوق دلوقتى بقالى بتاع شهرين وصحيح ماسلمتش من خبطة كدا وكام حكة فى الاول
بس الحمدلله الدنيا احسن كتير وكل يوم بتعلم حاجة جديدة وثقتى بتزيد
وفعلا انا اؤيد بشدة موضوع التقييم بعد كل يوم سواقة ونا دايما لما بغلط فى حاجة بحاول اشوف انا عملت ايه بالظبط وكان مفروض اعمل ايه وازاى بعد كدا اخد بالى ، والموضوع دا اكبر حاجة بتجيب معايا نتيجة .
اشكركم مرة تانية جميعا