اهل الخبرة يقولولي

**Os_man** · 20-04-2009 09:06 PM

انا في قطر و عندي سيارة بيك اب ايسوزو 2001 في مشكلتين
1- عداد الحرارة مش شغال و لمبة تشيك انجن علي طول منورة هل ده يكون السبب ا ن عداد الحرارة مش شغال
2- كتاوت العربية عايزة تظبيط لان مع دوسة البنزين الصوت يبقي فيه زنة وفيه زنة علي طول مع السماعات و الراديو ازاي اظبطها و لا لازم كهربائي يعملها
3- دي مش مشكلة ده استفسار العربية لما تتحمل بتعوم بطريقة فظيعة الحل في ايه و كمان لما اختبر سوست العربية بالضغط المتقطع حلوة الضغط المطقطع دي - علي احد جوانب العربية ايه الي المفروض يكون صح ان العربية تعوم اوي ولا السوست تبقي ناشفة ولا متوسطه ولا ايه

ياريت ترودو علي طول وشكرا مقدما

**samirayad** · 20-04-2009 10:34 PM

انا في قطر و عندي سيارة بيك اب ايسوزو 2001 في مشكلتين

على فكره دول أكتر من أثنين

عداد الحرارة مش شغال

أطمن على جودة توصيل الكابلات بين سندر (راسل ) الحراره والعداد....[QUOTE][و لمبة تشيك انجن علي طول منورة هل ده يكون السبب ا ن عداد الحرارة مش شغال /QUOTE] لمبة التشيك فى دايرة الكنترول ......والكنترول ملوش علاقه بقياس الحراره .....وبالتالى فيه سبب آخر .....مثل فيش حساسات مهزوزه ومفصوله على طول وليكن حساس الحراره مثلا ....بس ده حاجه تانيه غير بتاع عداد الحراره

- كتاوت العربية عايزة تظبيط لان مع دوسة البنزين الصوت يبقي فيه زنة وفيه زنة علي طول مع السماعات و الراديو ازاي اظبطها و لا لازم كهربائي يعملها

لو مية البطاريه كويسه ومبتنقصش يبقى كتاوت الدينامو سليم........وممكن يكون العيب من السماعات نفسها (مبقتش بتتحمل القدره الزايده اللى خارجه من الدينامو مثلا )......والمفروض تشوف كهربائى يراجع على السماعات

- دي مش مشكلة ده استفسار العربية لما تتحمل بتعوم بطريقة فظيعة الحل في ايه و كمان لما اختبر سوست العربية بالضغط المتقطع حلوة الضغط المطقطع دي - علي احد جوانب العربية ايه الي المفروض يكون صح ان العربية تعوم اوي ولا السوست تبقي ناشفة ولا متوسطه ولا ايه

ممكن تكون بتحمل العربيه بأحمال أكتر من اللازم ......والمفروض تستشير بتاع عفشه فى النقطه دى.....يمكن تحل المشكله بتزويد ورقة سوسته للسست الخلفيه....طالما الأحمال زايده.............هذا والله أعلى وأعلم