اسوبارو القديم موديل الثمانيات

**AhmedTareq** · 21-04-2009 02:14 AM

ياريت اللي عنده سوبارو قديم موديل الثمانيات يدخل ويقول لنا تجربته وقطع الغيار بيتصرف فيها ازاي والاعطال اللي دائما تحصل معاها وهل الماتور بتاعها بيتعمر ولا لازم نجيب ماتور استيراد وشكرا:k49:

**ouba2** · 21-04-2009 03:06 AM

انا عندي ليوني 1982 1300 سي سي و الكبالن هي المشكلة الابدية و سلك الدبرياج بيقطع كتير و عملت عمرة عادي بس اعتقد ان لو جبت موتور استيراد يبقي احسن و نصيحة لو حتي عايز تجيب جديد اوعي تبيع السوبارو او تستغني عنها عشان هي فعلا عربية حمالة قسية و موفرة في البنزين (ساعات بتعمل 350 في الصفيحة ببنزين 80) وثابتة جدا و شافت مني بهدلة مافيش عربية تانية تستحملها و للعلم احنا عندنا عربيتين ليوني 1982 واحد بتاعتنا و واحدة بتاعت عمي
بتاعتنا عاملة 195 الف كيلو و لسة عاملين عمرة من مدة بسيطة (شهرين تقريبا )
و عربية عمي عاملة 460 الف كيلو و ماعملتش عمرة و موتورها لسة زي الفل
المشاكل المشتركة بين العربيتين هما الكبالن و سلك الدبرياج

**AhmedTareq** · 21-04-2009 05:20 PM

فعلا هي عربية ممتازة وبتستحمل جامد جدا وبالنسبة لسلك الدبرياج انا حليت مشكلته وباستخدم سلك دبرياج كيا برايد العصفورة هو ثمنه 30-35 جنية الاصلي الكوري هذا بالاضافة اني عملت تعديل بسيط ناحية دواسة الدبرياج وبقي ممتاز جدا
أما بالنسبة الي الكبالن هناك اقتراحين : أولا : تبديل الكبالن لتصبح مثل البيجو 305 و 304 وكان في واحد بتاع كبالن نصحني بذلك وعملية التحويل تتكلف 400 جنية
ثانيا : ممكن استعمال كبالن هيونداي اكسل بعد تعديل في السنون وغير ولغاية دلوقت انا محتار اعمل من فيهم
وبالنسبة للعمرة ياتري تكلفتها كام والحاجات بتاعتها مثل السبايك وتقسيمة الماتور هل فيها مشكلة قابلت الميكانيكي وياريت حضرتك تديني عنوان الميكانيكي اللي عملت عنده العمرة. معلش نسيت ياتري بتستخدم تيل فرامل تيوتا 1980 ولا حاجة تانية. وايضا طلمبة البنزين اللي راكبة عندي مكتوب عليها متسوبيشي وهي الحمد لله شغاله كويس وان اشاء الله كل ما اكتشف حاجة سوف اطلعك عليها وشكرا جزيلا

**ouba2** · 21-04-2009 06:18 PM

المشاركة الأصلية كتبت بواسطة AhmedTareq

فعلا هي عربية ممتازة وبتستحمل جامد جدا وبالنسبة لسلك الدبرياج انا حليت مشكلته وباستخدم سلك دبرياج كيا برايد العصفورة هو ثمنه 30-35 جنية الاصلي الكوري هذا بالاضافة اني عملت تعديل بسيط ناحية دواسة الدبرياج وبقي ممتاز جدا
أما بالنسبة الي الكبالن هناك اقتراحين : أولا : تبديل الكبالن لتصبح مثل البيجو 305 و 304 وكان في واحد بتاع كبالن نصحني بذلك وعملية التحويل تتكلف 400 جنية
ثانيا : ممكن استعمال كبالن هيونداي اكسل بعد تعديل في السنون وغير ولغاية دلوقت انا محتار اعمل من فيهم
وبالنسبة للعمرة ياتري تكلفتها كام والحاجات بتاعتها مثل السبايك وتقسيمة الماتور هل فيها مشكلة قابلت الميكانيكي وياريت حضرتك تديني عنوان الميكانيكي اللي عملت عنده العمرة. معلش نسيت ياتري بتستخدم تيل فرامل تيوتا 1980 ولا حاجة تانية. وايضا طلمبة البنزين اللي راكبة عندي مكتوب عليها متسوبيشي وهي الحمد لله شغاله كويس وان اشاء الله كل ما اكتشف حاجة سوف اطلعك عليها وشكرا جزيلا

تيل الفرامل الاصلي بتاعها بيتجاب من السعودية و كنت غيرت طنابير مرة برضة و جبتها من السعودية و فعلا الطلمبة بتاعة البنزين ميتسوبيشي و احنا كنا مغيرين طقم شمبر بس مش عمرة كاملة و كانت ب 500 جنية بس كنت جايب كل حاجة من السعودية (سبايك و شنابر ) و الميكانيكي في قليوب و شهرتة فلفل ( بصراحة مش عالرف اسمة اية لان والدي هو اللي بيروحلة و لية تعامل معاة ) و خلي بالك من طلمبة الزيت و هو بيفكها عشان كانت اتكسرت مننا و طلعت روحنا علي ما عملناها و هادور لحضرتك علي رقمة بس اعزرني ممكن اتاخر شوية لاني مشغول جدا والله و تحت امرك في اي حاجة

**AhmedTareq** · 22-04-2009 02:45 PM

الف شكر علي الرد السريع اليوم عندي خبر كويس الكبالن جديدة عند محلات سرور في شارع زكي بالتوفيقية ثمنها 550 جنية. وكما ورشة الصغير في شارع معروف عنده استيراد وبيركبهم ويظبطهم تمام.
طقم اصلاح الكربراتير بتاع المازدا 323 وحشو طلمبة المياة بتاع الديهاتسو هذه المعلومات جبتها من مهندس يمتلك السيارة من 1982 وكان جايبها معاه من الخليج. وبعد 275 الف كيلو غير الماتور الشهر السابق في بورسعيد حيث اشتراه 2500 جنيه وباع القديم لنفس المحل ب 700 جنية وركبه هناك هذه كل المعلومات حاليا ويبقي التواصل والسلام عليكم

**فادى محمد** · 21-06-2009 01:10 PM

علي فكره حاجه العربيه دي موجوده بوفره في سيناء لانها منتشره انتشار غير عادي في فلسطين المحتله وانا كنت راكب نفس الموديل وبكيت بالدموع وانا ببيعها

**فادى محمد** · 23-06-2009 03:08 PM

للاسف ياباشا ماكنش ايامها معايا موبايل بكاميرا . انا من كتر حبي للعربيه دي كنت كل مانزل القاهره احس اني هشوفها في الشارع وانا بايعها هناك وبسافر اتسوق لشغلي كل اسبوع القاهره لغايه ما ربنا حققلي حلمي وشفتها راكنه امام جراج الاوبرا وقفت جمبها ساعه وربع استني صاحبها اللي ماكنتش اعرفه لانها اتباعت مره تانيه وقعدت اوصيه عليها وخدت تليفونه - وانا الوقتي اوبلاوي انما بياخدني الحنين اليها فبدخل قسم سوبارو اهو حاجه من ريحه الحبايب . سامحوني علي الاطاله .

**khalid_adel** · 23-06-2009 04:04 PM

المشاركة الأصلية كتبت بواسطة hellboy

وانا الوقتي اوبلاوي انما بياخدني الحنين اليها فبدخل قسم سوبارو اهو حاجه من ريحه الحبايب . سامحوني علي الاطاله .

يا باشا ده انت تنور قسم السوبارو كله بوجودك
وكفايه انك X.Subaru برضو وبتقولنا عن تجاربك وشعورك الجميل ده

**فادى محمد** · 23-06-2009 07:30 PM

شكرا يا خالد باشا وربنا يديم المعروف بينا وتحت امركم في اي حاجه بخصوص الليون 82

-

الموضوع: اسوبارو القديم موديل الثمانيات

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب ميكروباس اجرة شرقية يكون موديل بعد الثمانيات الى 2010

مفيش crx موديل 90-91 الشكل القديم للبيع؟

موديل السيراتو القديم 2008

كيف احول البيتلز القديم الى موديل السبعينات

هاااام جدا بجد بخصوص اكسنت موديل 2006 الشكل القديم

الكلمات الدلالية لهذا الموضوع

المفضلات

المفضلات

ضوابط المشاركة