ايه رايكوا ياجماعه في بونتو 95

**aymanamr** · 21-04-2009 04:06 AM

عايز حد يفيدني عن البونتو 95 وياتري هي احسن ولا الابيزا 94 وهما في نفس الفئه السعريه تقريبا هي عجباني عشان عربيه كامله لكن الابيزا عجباني شكلا اكتر بس عيبها البور والتكيف والبونتو بحس انها بناتي شويه انا شاب عندي 21 ياريت حد يفيديني؟؟؟؟؟؟؟؟؟؟؟؟؟؟؟؟؟؟ ؟؟؟

**zeyad1810** · 22-04-2009 03:28 PM

البونتو عربية كويسة وهى شغالة معايا تمام ومشاكلها قليلة جدا بس اهم حاجة تكون حالتها كويسة ودة شىء لابد منة فى اى عربية مستعملة هتشتريها لازم تكون حالتها كويسة
والابيزا برضة عربية جميلة فانت ممكنت تدور على الاتنين واللى تلاقى حالتها احسن قدامك توكل على الله واشتريها بعد الكشف عليها

**aymanamr** · 23-04-2009 03:16 AM

انت كده علي فكره حيرتني اكتر

**caysersosaih** · 23-04-2009 06:07 AM

الأبيزا قطع غيارها غالية جدا وكمان مش أي حد يلعب فيها
لكن البزنتو أجمد وقطع غيارها أرخص بكتير والميكانيكا بتاعتها سهلة

**zeyad1810** · 23-04-2009 04:33 PM

المشاركة الأصلية كتبت بواسطة aymanamr

انت كده علي فكره حيرتني اكتر

مفيش حيرة ولا حاجة
انا ماجربتش الابيزا بس اصحابها بيشكروا فيها علشان كدة بقولك انها كويسة بس بردة اهم حاجة الحالة
بالنسبة للبونتو انا مجربها ومعايا من سنتين واقدر اقوللك بعد التجربة انها عربية كويسة جدا جدا جدا فى كل حاجة يعنى اسعار قطع غيارها معقولة وفى منها الصينى والتركى والايطالى يعنى متوفرة وبالنسبة لاستهلاكها فى البنزين موفرة جدا وكمان قطع غيارها معمرة والعربية تقريبا نادرة الاعطال ومشاكلها قليلة جدا فانت لو حابب شكلها يبقى وتوكل على الله ودور على عربية واكشف عليها كويس وتوكيلها فى جسر السويس هيعملك ليها كشف مفصل
لو عاوز تدور يبقى افضل حاجة عن طريق جريدة الوسيط بتشترى من البائع مباشرة مش من تاجر او معرض

**aymanamr** · 24-04-2009 04:12 AM

انا لو شكلا فالابيزا شكلها عاجبني اكتر بس هي عربيه مش كامله ولا بور ولا تاكيف ولو فيها بيكون متركبلها لكن انا باصص للبونتو انها عربيه كامله وبرده شكلها مش وحض يريت تقولي هي كعربيه في الشد وكده ايه نظامها مش عارف بحس انها صغيره قوي او مش قويه بس انا مركبتهاش ولا حد قالي عنها كده بس دي اللي بيجي في ذهني لما بشوفها وبحس ان الابيزا اقوي بكتير ويايرت لو تعرف هي دلوقتي تعمل كام بونتو 95

**amrbakly** · 24-04-2009 04:24 AM

عربية ممتازة بجد

لكن تلاقي منها فين حالتة كويسة

دية مشكلة البونتو

كل اللي ركبوها شباب ففركوا العربية علي الأخر، أنا شخصيا اتسحلت شهرين بدور علي واحدة كويسة و ملقتش خالص كلة متهان

و نصيحة ابعد عن الإيبيزاـ جاري كان معاه واحدة شاف منها الويل بسبب غلو قطع غيارها و صيانتها المكلفة، و بصراحة شكلها مش حلو خالص، جنب البونتو متساويش حاجة

**aymanamr** · 24-04-2009 04:07 PM

شكرا علي الردود بس هي شكلها حلو وشبابي فعلا انا بحس انها بناتي ولا احساسي ده غلط؟؟؟؟؟؟؟؟؟؟؟؟؟؟؟؟؟؟؟؟؟؟

**amrbakly** · 25-04-2009 02:38 AM

في الحقيقة انا مش بفهم الكلمة دية

شكلها بناتي

في الحقيقة ملقتش عربية قبل كدة زرايرها يمين أو البادي بتاعها ليكرا

او جايز الشاسية بينك

**zeyad1810** · 25-04-2009 02:51 PM

المشاركة الأصلية كتبت بواسطة aymanamr

انا لو شكلا فالابيزا شكلها عاجبني اكتر بس هي عربيه مش كامله ولا بور ولا تاكيف ولو فيها بيكون متركبلها لكن انا باصص للبونتو انها عربيه كامله وبرده شكلها مش وحض يريت تقولي هي كعربيه في الشد وكده ايه نظامها مش عارف بحس انها صغيره قوي او مش قويه بس انا مركبتهاش ولا حد قالي عنها كده بس دي اللي بيجي في ذهني لما بشوفها وبحس ان الابيزا اقوي بكتير ويايرت لو تعرف هي دلوقتي تعمل كام بونتو 95

موضوع الشكل دة اذواق يعنى ممكن اللى يعجبك مايعجبش غيرك فانت اللى هتركب العربية يبقى شوف اية اللى يعجبك واشترية
بخصوص الشد وكدة فانا ماقدرش افيدك فية لانى مابعملش كدة انا بسوق العربية علشان اعمل بيها مشاويرى وشغلى واتفسح بيها وهى معايا فى كدة كويسة جدا بس انما الشد الوهش لازمة وللا هيزدلى العربية فى حاجة بالعكس دة كلة اذى

بخصوص الحجم العربية حجمها كويس و بتشل 4 غير السواق مرتاحين بس طبعا لو العربية فيها اربعة غيرك راكبين هتلاقيها واطية اوى واعتقد ان الابيزا فيها نفس الحكاية هى وعربيات تانية كتير

موضوع القوة بيتهيالى البونتو عربية حلوة جدا لان موتورها 1300 وهى ثابتة لحد 120 كيلو واستهلاك بنزين كويس جدا