الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة white_rock

طب ممكن حد يشرح لي ارفع الصورة ازاي؟ لاني فعلا مش عارف

المشاركة الأصلية كتبت بواسطة elawany13

هعملك موضوع فيه شرح تفصيلى

تسلم ايدك يا باشا وجزاك الله خير على الشرح والبرنامج قدرت بعد معاناه فترة شهرين اتعامل وارفع الصورة اليتمية اللي عندي :)

المشاركة الأصلية كتبت بواسطة elawany13

أخوانا الأعزاء

الشاهين بتتشحم ؟؟؟

أن كنت سألت الميكانيكى عن تشحيم الشاهين قالى مبتتشحمش لإن البيض والمقصات والحاجات ديه الشحم جواها ومغلقه ولما بتبوظ بتتغير ... وقالى اللى بيتشحم العربيات القديمة ... قولتله انا مرة شوفت بتوع البنزينه واخدين ماكينه التشحيم وشغالين فى دوجان ومرة شوفتهم فى الفليشا ... قالى دول نصابين !!!
عاوز أعرف رأيكم فى الموضوع ده

سمسم بيقول ان عمود الكردان بيتشحم ؟؟؟

ايه رأى باقى الناس ؟

السلام عليكم
بداية انا اتفق مع استاذ علواني
كل اللي انت قلت عليه صح يعني من الاخر الحاجات اللي في الشاهين او الدوجان العفشة كاملة مفيش فيها اي تشحيم كله بيتغير باستثناء عمود الكردان وحاجة في الكرونة مش فاكر اسمها ايه بالظبط
يعني سيبك من شغل ال3 ورقات بتاع التشحيم دا لانه مش حقيقي وعلى فكرة المقصات والبيض والمتعلقات بتاع العفشة ما ينفعش تتشحم لان معنى انها تتشحم يعني تتحل الاول لاجزاء صغيرة مع الاخذ في الاعتبار كل القطع دي ما تنفعش تتحل بعد فكها من العربية

المشاركة الأصلية كتبت بواسطة Totexxxxx

ممكن يا شباب اعرف سعر طقم المقصات والسوست والمساعدين للشاهين؟

وياريت شويه نصايح لو عايز افوق الموتور لان سحبه بقا ضعيف جدا

ملحوظه : السياره كاربيراتير

وشكرا مقدما يا رجاله

اتفضل يا باشا الاسعار دي من شركة النصر للسيارات
بس على حسب ما انا فاكر في حاجات زيادة عن اللي انت طلبته
http://www.nilemotors.net/Nile/71127...post3874067028

ازيكو يا رجاله , انا هحكلكو قصه صغيره كده وعايز رأيكم ومتأسف مقدما علي تصديع دماغكم

العربيه كانت مركونه تحت البيت لمده تقريبا خمس ايام من غير ما اسخنها ولا احركها المهم جيت يوم باليل احاول ادورها مرضيتش مع وجود صوت المارش لاكن مش عايزه تدور , حاولنا نزقها ونجيب غيار لاكن ابدا , المهم جبنا كهربائي بص بصة قالي الكونتاكت ده بيهرب كهربا وراح جايب سلك حط طرف في افيز لونه ازرق تحت واحد احمر جنب الاسبراتير ووصل الطرف التاني بالبطاريه راحت العربيه دارت من اول مره , للاسف محاولتش اصلاح العيب واكتفيت اني اخد السلك من الكهربائي وده بسبب انشغالي المهم فضلت العربيه شغاله لمده 5 ايام وبعد كده واقف قدام نادي الشرطه وحلفت ما هي دايره روحت عاملت السلكه اشتغلت وقولت الحمد لله , وانا راجع البيت في نفس المشوار عملت معايا حركه نص كم خالص, وانا ماشي علي 60كم تقريبا واذا بالعربيه سرعتها تقل تدريجيا وبطريقه سريعه مع عدم استجابته لاي فعل انا بعمله ( تقريبا بطلت ) وراحت واقفه مني في طريق صلاح سالم ( وتقريبا والله اعلم شميت ريحه شياط خفيفه اوي بس انا مش متأكد من الموضوع ده) المهم عملت حركه السلكه ومشيت تاني بس لاحظت ان العربيه سحبها ضعيف جدا وزي ما تكون مش عايزه تجري خالص .

طبع المشكله دي بجانب موضوع العفشه وزي نشع زيت تقريبا علي الموتور مخليني مخنوق ومش عارف اعمل ايه في العربيه دي

دلوقتي نفسي حد يجاوبلي علي الاسئله دي : هل الكونتاكت يعمل كل الي فوق ده ؟ ولو حد يعرف سعره؟

هل موصوع نشع الزيت علي الموتور ده معناه ان في حاجة غلط؟ وايه هي؟

العربيه عامله تقريبا ميتين وستين الف هل ده معناه اني لازم اغير موتور ؟ لان العربيه سحبها ضعيف .

انا بفكر جديا اني ابيعها علي عيوبها دي وازود علي المبلغ الي هتجيبو واجيب عربيه زيرو في الصيف , الرأي ده مش عجبني عاطفيا لان العربيه معايا بقالها 14 سنه ومستحرم ابيعها , مش عارف انتو رأيكو ايه؟

والله انا عمري مكنت عملت post زي دي الا لو عارف ان انتو رجاله وبتحبو دايما تساعدو , الف شكر مقدما للمساعده