و العظيم كويس انا بدفع فى السنة الواحدة 220 جنيها موديل 1978 و انتى على الحساب دة يعنى السنة واقفة ب 280 جنيها و انتى موديل 1995.
ربنا يبارك فيها .
عرض للطباعة
اولا بالنسبه لاسعار السوق
كان الاسبوع اللى فات تقريبا الجمعه قبل الماضيه
مافيش عربيه شاهين مهما كن موديلها وحالتها تقل عن
ال30000جنيه والاغرب ان اليوم ده لاحظت ان الاسعار مجنونه جدا
وده على مستوى السيارات بانواعها خصوصا موديلات التسعينات
لاعلى لكن اقل من التسعينات اسعار واقعه
يعنى اتذكر انى شوفت شاهين موديل 98 والموتور 1300 سى سى
وكان مطلوب فيها 38000جنيه
وعموما انا كنت بدور على دوجان وبس
ويالنسبه لاسعار السيارت من مواقع النت المختلفه عملت جوله خفيفه
للبحث وانتهت بالفشل
لقيت دوجان موديل 95 مطلوب فيها 26000جنيه وطبعا قولت فرصه
وجريت عليها اشوفها اكتشفنا فيها مجموعة عيوب اهمها بارومه فى
الشاسيه نفسه غير بقية البارومه اللى فى البودى
واحده غيرها موديل 98 دوجان برضه ومطلوب فيها 30000قبل الفصال وكانت المفاجئه عن المعاينه انها عامله حادثه ومغيره ربع
ودى امثله من حاجات كتيره شوفتها واستنتجت فى الاخر
ان اى عربيه يعلن عنها بسعر رخيص ينتج عنها سوء حالتها
الى ان اكرمنى الله بعربيتى وجبتها من اقارب احد زملائى فى العمل
وبعد الكش والمعاينه اتضح انها سليمه والحمد لله ينقصها شوية تظبيط
فى حاجات عاديه زى تغيير السيور والزيوت وجوان كارتيرة الزيت
وبوجيهات وطبعا عربيه بيتى استعمال راقى
والسعر بالنسبه لحالتها كان معقول جدا
وان شاء الله هبقى اصورهالكم
واتمنى اكون نقلت الصوره كامله لحضراتكم
ألف مبروك يا هاشم و ربنا يباركلك فيها و يعطيك خيرها و يكفيك شرها
الله يابركلك يابو عمر
وعقبالك ان شاء الله
حد يعرف مقاس سير الدينامو بتاع الدوجان كام
لانى تعبت من اللف واشتريت 3 سيور ويطلع مش هو
المقاس المظبوط
مقاس سير الدينامو 9 مم
و موجود فى فيات 2000 وكمال مهران جنب جريده الجمهوريه فى شارع رمسيس
انا اشتريت سيرين واحد 950فى 800 والتانى 950فى 825
واحد طلع كبير والتانى صغير
والغريب ان القديم اللى كان راكب مقاسه اللى مكتوب عليه
10فى813 ولما سألت عنه كل بتوع قطع الغيار قالوللى
مافيش سيور بالمقاس ده والرقم ده غريب
وفى الاخر الميكانيكى ركبلى القديم تانى
ومش عارف اعمل ايه
هرجع لبحث تانى عند بتوع قطع الغيار
انا كنت بظبط السماحات فى عربيتى
ففكيت المساحة وطلعتها من المسمار اللى ماسكها
فالمسمار دا وقع جوه ومش عارف هو وقع فين ولا عارف اوصله
هل ممكن اطلع المسمار دا
يعنى حاجة تتفك لان الحتة دى زى ما انتو عارفين ملهاش مخرج فى الكبوت من جوه
هى ليها مخرج وبتتفك بس الكهربائى هو
اللى ممكن يعمل الشغلانه دى