شكرا ياباشا
وياريت حد يشاركني في الاستفسارات دي:
عرض للطباعة
شكرا ياباشا
وياريت حد يشاركني في الاستفسارات دي:
عربيه شاهين موديل 1995 و موتور 1300
اركب لها بوجيهات نوعها ايه و كام شمعه
عربيه شاهين موديل 1995 و موتور 1300
اركب لها بوجيهات نوعها ايه و كام شمعهأنصحك بال NGK شمعة واحدة كفاية والأربعة في التوفيقية ب 25 جنية ياباني:vctry:
انا النهاردة عملت حاجة جديدة في عربيتي الدوجان موديل 93 هي فيها سنتر وانا كنت مركبلها أنذار لكن الريموت كان لما يقفل طبعاُ بيقفل كل العربية يعني الأربع أبواب وكمان الشنطة لكن لما يفتح يفتح الأبواب فقط أما الشنطة كنت لازم علشان افتحها أستخدم المفتاح ودة بالنسبة لي مشكلة علشان يوميا وانا داخل شغلي العربية بالكامل بيحصلها تفتيش وطبعا كنت لازم أنزل أفتح الشنطة وورايا طابور عربيات (: المهم رحت لكهربائي شاطر ظبط الشنطة مع دايرة ألأبواب وحل المشكلة وكمان شيلت الغطيان الخضرا اللي راكبة علي لمض التبلوة وشكل العدادت باليل بقي أحسن وكمان شغلت نور الشبورة الخلفي مع الفرامل وبكدة أصبحت أضاءة الفرامل أوضح وأقوي وكمان غيرت وقويت كابل الأرضي للبطارية وغيرت القواشيط بحاجة اجمد من القديم أسمها قواشيط مصانع الواحد ب 6 جنية وعملت فحص لمراوح التبريد للكربراتير وسربنتينة التكييف يعني حوالي 4 ساعات شغل عند الكهربائي واجمالي مصنعية وقطع غيار 65 دولار مصري (: معلش طولت عليكم لكن حبيت أشارك بتفاصيل ممكن تفيد غيري علشان نتشارك خبراتنا للأ حسن لينا كلنا
مبروك على اللى عملته و ظبطته فى العربيه
و شكرا انك شاركت فى الموضوع باللى عملته لأنه مفيد جدا. انا عجبانى فكره فتح الشنطه بريموت الأنذار
بعد اذنك ممكن تشرح لنا كيف امكنك فتح الشنطه بدون مفتاح وفين
ممكن تشرح فين أضواء الشبوره الخلفيه فى العربيه لأنى عاوز اعمل كده فى عربيتى الشاهين
و أشكرك
انا سعيد ان الفكرة عجبتك هو الكهربائي مد سلك من فردة السنتر للباب الخلفي لغاية سنتر الشنطة وهو مكانة خلف مستشفي ام المصريين في الجيزة وهو فعلاً صنايعي شاطر وبالنسبة لفوانيس الشبورة الخلفية انا وضحتها ممكن تشوف الصورة
http://www.postimage.org/image.php?v=gxaPSJi
هي دي الصورة و دلوقتي كل ما أدوس فرامل كلة ينور مع اللمبة اللي في البربريز الخلفي ومراحب بأي أستفسار