الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة hrh_sameh

حصل معايا النهارده موقف رِخِم جداً:
كنت راكن العربية عند الشغل زي المعتاد من الساعة 10 ص رحت الساعة 1 ظ عشان اروح مشوار وارجع المهم لمبة الزيت طافية والمارش بيلف بس مش بتدور، فتحت الكابوت على طول وجالي ذهول الاسبراتير مش موجود
اتصلت بالكهربائي قاللي هات صيني المهم رحت للميكانيكي قالي بلاش صيني هات استيراد رحت اسأل ملقيتش المهم انا اصلاً بحب الحاجة الأصلية
رحت اشتريت اسبراتير mako تركي بـ 490 جنيه و كان عنده الصيني تقريباً بـ 190
ورحت خدت الميكانيكي ركبه وداس على سلك ساعة الزيت شغّل لمبته ورحت الورشة وانا ماشي حصل اني لقيت عداد الـ rpm بيرقص قاللي لما نظبط المهم خليته جاب مسمار ألانكيه بدل المسمار بتاع الربط (13) (قال يعني الحرامي مش هيعرف يفكّه المرة الجايه :))
بس الـ rpm بيهبّل (الموتور مظبوط العداد بس) قاللي روح للمحل اللي اشتريت منه رحت للمحل قاللي لأ مش من المشط بس اتصل على الميكانيكي فقاله ممكن وادّاني مشط تاني والميكانيكي ركبه نقس الوضع وقال ده مش في التركيب كلمت الكهربائي قالي هيظبط مع الوقت

انتو رأيكوا ايه في الموقف وفي الـ rpm

لا حول ولا قوة إلا بالله
منهم لله ولاد الحرام

اعتقد ان ماركة الاسبراتير ده محترمة
دخلت فى المتاهة بقى
ربنا معاك
وطمنا عملت ايه