العربيه كربراتير
Sent from my GT-S6500D using Forum Runner
عرض للطباعة
هو انا ليه كل لما اعد اقرا في المشاركات القديمة في الرابطة بلاقي اني مش فاهم في العربية خالص ! (ما شاء الله عليكم ) .
دلوقتي عندي العربيه عندها حول .. بمعني لما اشغل العربية الrpm بيبقي عند 500 و طبعا بتكون حتطفي .. ولما تسخن الاقي الrpm علي 1000 .
قلت اكيد الشاهين مافيهاش سخان و كنت علي طول بشغل و اثبت رجلي علي 1000rpm لحد ما تسخن و ابدا اتحرك .
فوجئت امبارح ان ا/elwani قايل ان العربية فيها سخان . وكمان شفتة مصوره في موضوع تاني !! . ونزلت النهارضة و فعلا لاقيته .
ممكن حد يقلي اشغله ازاي او اضبطه ازاي . هو فيه مسمار كده هل ده بيتعمل فيه حاجة ؟ و هل العربية بتكون دايرة و لا مقفوله خلال الضبط ؟
الف شكر و جزاكم الله خير
مش كل الشاهين فيه سخان ... اعتقد انه فى الشاهين الحديث بش مش عارف من موديل كام بالضبط
ولو مش شغال محتاج ميكانيكى أو بتاع كربراتير يبص عليه
يشوف الخراطيم واصلة كويس ولا لا ؟
فيه ساعتين راكبين على وش السلندر بينفخوا هوا والعربية باردة بيتوصل عليهم الخراطيم .. شغالين ولا لا ؟
فيها جهاز تانى اللى بيتعمل منه الرجلاش بيكون فيه كاوتشة بتبوظ بعد فترة وبتلغى عمل السخان وبتحتاج تتغير ...
شكرا لردك ا/elwani
انا اظن ان انا عربيتي نفس موديل اللي مع حضرتك . 2004 كاربراتير 1400
و طالما طلع الموضوع محتاج ميكانيكي يبقي الميكانيكي :)..
(انا افتكرت ان ليه طريقة معيته عشان يشتغل زي مثلا قرات في الفيليشيا انهم بيدوسو بنزين شوية اول ما يشغلو العربية عشان يلقط . كده يعني )
.................................................. ..
و متنساش تطمنا علي rpm
تمام عربيتك زى بتاعتى
وفيها شفاط اتوماتيك بيشتغل بالهواء
ربنا يسهل وتعرف تشغله
بالنسبة للـ rpm
لما بدور الصبح والعربية باردة الشفاط الاتوماتيك بيشتغل فورا لوحده
الـ rpm بيرتفع الى حوالى 1000 وبعدين بيزيد الى حوالى 1300 أو 1500
انا بقدر اعمل رجلاش واتحكم فيه اعليه أو اوطيه
ولما العربية بتسخن الشفاط بيفصل والـ rpm بينزل الى حوالى 600
شرف ليا ان عربياتنا طلعت نفس الموديل :ma:
و ان شاء الله حبقي اروح (اول مخلص امتحانات ) للميكانيكي عشان يشوف الدنيا عشان انا عندي الدنيا معكوسه خالص .. انا اول لما اشغلها بتكون عند 600 وبتكون عايزه تطفي .. و بعد ما تسخن بتروح عند 1000 .. طب حضرتك بتعليه و توطيه ازاي يمكن يكون عندي واطي ؟
اسف تاعبك معايا :hrm_prv:
.................................................. ....
و قلنا عملت ايه في المشكله اللي كانت عندك .. عرفت تظبط الrpm بعد تغيير الاسبراتير ؟
http://www.nilemotors.net/Nile/imgca...Nilemotors.jpg
بمفك عادة وتعمل رجلاش من هنا
بالنسبة للـ RPM
شكلك لخبطت
مش انا اللى عندى المشكلة
ده سامح
شاكر ليك جدا جدا .. و حجرب بكرة بعد الصلاة ان شاء الله و اقوك النتائج ..
و بالنسبة للخبطة .. مش عارف ازاي لخطت الاسماء .. معلش تقريبا الامتحانات مقصرة عليه ..
واتمني ا/سامح يطمني عليه
أنتظروا مني قريباً ان شاء الله موضوعين عن تعديل العربية و أدائها!!
واحد للعفشة.. و التاني للموتور...
و موضوع عن تعديل الفوانيس بطريقة سهلة و غير مكلفة!!
بس حخلص ألأمتحانات يوم 5-6 و ربنا يسهل..
و ادعو لي بالتوفيق في الأمتحانات... و كذلك في التعديلات!! :) و شكراً
بالتوفيق ان شاء الله