المشاركة الأصلية كتبت بواسطة elawany13
أويل سيل الكارونة
من سنتين لاحظت تسريب زيت عبارة عن خط رفيع من عند إلتقاء عمود الكردان بفارغة الكارونة
جريت على الميكانيكى وغيرت الأويل سيل
قبل شهر رمضان اللى فات بأسبوعين ولا تلاته لاحظت تسريب تانى من نفس المنطقة
جريت بسرعة واشتريت أويل سيل كارونة وغيرته عند الميكانيكى
وفضلت كل شويه ابص على العربية من تحت وألاحظ الكارونة
لما جه شهر رمضان والصيام والحر محطيتش فى دماغى خالص الموضوع ده
يوم الاحد الماضى سمعت صوت خشونة جايه من ورا خفيف قوى لجزء من الثانية واختفى
حاول اسمعه تانى بتغير سرعتى أو بالمشى على سرعة وأنا ممور مش عاوز يظهر
قولت فى بالى يبقى اكيد الدور على رومان البلى الخلفى
لما روحت نزلت على ركبى و بصيت على الكارونة لاقيتها سايحه فى الزيت ومسربة من نفس المكان
واضح كده ان الاويل سيل الاخير مضروب
شوفتها ركبى خبطت فى بعض وركنت العربية من يومها ومش بتحرك بيها
سألت على الفيس بوك أحد الأعضاء المحترمين اشترالى الأويل سيل من كمال مهران على اساس انه بيبيع قطع الغيار الاصلية
اشتراه بـ 15 جنيه اللى هوه فى الصورة وبعتهولى مع ميكروباص وجبته النهاردة
إن شاء الله هروح أركبه بكره عند الميكانيكى
أنا قلقان قوى وخايف على الكارونة
ربنا يستر
روحت للميكانيكى بعدها بيوم وكنت قلقان قوى على الكارونة ومتوغوش من الصوت الغريب اللى ظهر وقلقان ليكون الزيت خلص من الكارونة .... لما فكها لاقيت فيه زيت نازل من الكارونة وغيرنا الأولسيه الحمد لله وزودت حوالى 3/4 كيلو زيت عليه شوية من سيراتيك ليكوى مولى... وربنا يسهل بقى وتكون كويسه ان شاء الله ... لحد دلوقتى تمام الحمد لله الكارونة ناشفة
بالنسبة للصوت الغريب اللى كان مخوفنى طلع من علبة الشكمان الاخيره كانت بتودع
المفضلات