أنا ركبت تكييف ساندن ياباني من سنتين تقريباً أو أكثر كمان
وكلفني كثيراً
والأداء مش عجبني الصراحة
الراجل ركب كباس ساندن 508 وموتور العربية عندي 1400 سم3
ولما التكييف يشتغل بيأثر جامد
واكتشفت بعدها إن المفروض كنت أركب كباس 507 لأنه أصغر وأقل في الحمل من ال 508
منه لله اللي ضللني في هذه النقطة
التكييف لازم تظبط الهوايات على وشك
غير كده مش هتحس بيه قوي
عموماً لو حد عايز يركب تكييف للشاهين ميركبوش عند أي حد والسلام وإلا مش هيبقى مجدي خالص
وعدة نصائح لو هتركب
الكباس يكون ياباني وبلاش الصيني
السربنتينة الأمامية خليه يوفق واحدة بتاعت عربية أصلية أو اللي بتنزل في العربية الطراز المكيف
وبلاش السربنتينة الحديد اللي بيبيعوها ويركبوها وأدائها زفت
مروحة السربنتينة الأمامية بلاش الصيني اللي بيجيبوها برضه مجهولة الهوية وخليه يوفقلك حاجة إستيراد بتاعت عربية محترمة
التلاجة الداخلية وهي أهم جزء في تكييف العربية تخليه يركب أفضل وأغلى نوع وبلاش الحاجات الصيني والسنغافوري التعبانة ذات الهواء الضعيف
وتظل مشكلة سوء فتحات التهوية في طابلوه الشاهين والدوجان وال 131 مشكلة كبيرة بدون حل معقول
وإن كنت سمعت إن في ناس بيركبوا تابلوه أوبل فيكترا تسعينات تقريباً
لكن مشفتش ومجربتش
-
-
المفضلات