الموضوع: ### رابطه مالكى و عشاق الشاهين و الدوجان ###

حد فى المنتدى عاوز يبيع شاهين لانى اريد شراء عربية يكتب الماصفات للحالة والسعر اذا تكرم اخوكم مستجد

هل من مجيب اخوكم مزنوق هههههههه

انا احب ان انضم لكم ومعي دوجان موديل 1994 طبعا 1600 وانا احبها لانها اول عربيه لي وربنا يباركلي فيها وهي اصيله معي واشكركم جميعا

شاهين ام مازدا 82 انا مبتدا سواقة يعنى لسة هتعلم على عربيتى فانا لا اسامح نفسى اذا تسببت فى خسارة اى صديق فى عربيته ما راى الخبراء

السلام عليكم ورحمة الله وبركاته
اعضاء المنتدى الكرام
انا اسف جدا لغيابي الفترة اللي فاتت لكن والله غصب عني ولقيت ميل بالصدفة ورجعت المنتدى تاني
واحب اخص بالذكر الاستاذ علواني واشكره على المنتدى الجميل دا
وان شا ءالله تعالى اكون متواجد معاكم الفترة الجاية بانتظام
تحياتي
م/وليد مليك

المشاركة الأصلية كتبت بواسطة maydo mahmoud

شاهين ام مازدا 82 انا مبتدا سواقة يعنى لسة هتعلم على عربيتى فانا لا اسامح نفسى اذا تسببت فى خسارة اى صديق فى عربيته ما راى الخبراء

حليك في الشاهين عشان قطع الغيار رخيصة ومتوافرة طالما انك لسه بتتعلم
المازدا مشكلتها دلوقتي قطع غيار وبعدين مفاجاتها كتير لان غالبا هيكون عدى عليها 32 او 33 سنة

المشاركة الأصلية كتبت بواسطة osamalatef

يا جماعة لو سمحتوا عندى مشكلة فى الشاهين ظهرت النهاردة :-

* العربية بقالها يومين لما بدورها صباحا الموتور بيدور بعد مرتين او تلاتة و لما بيلقط و يدور بيكون صوتة غريب شوية و بعد المكاركة و شد مفتاح الهواء يضظبط لحد ما تسخن و ارجع مفتاح الهواء تانى ( على فكرة بيتكرر دة عادة لما يكون فية شابورة).

*و اليوم التالت و اثناء عودتى من عملى ليلا فوجئت ببرجلة فى الموتور و نتشة متكررة و كأن العربية مخنوقة و عايزة تجرى و مش عارفة و بعد كدة بثوانى راحت النتشة و التقطيع بس السحب قل بشكل ملحوظ .

*و على فكرة العربية موديل 2004 و البنزين 80
يا ريت لو حد عندة تحليل و حل للى بيحصى عندى دة و لة الشكر .

[overline]جضرنك بص على فلتر البنزين لان غالبا دا السبب انه مسدود[/overline]

السلام عليكم و رحمة الله و بركاته
عندي استفسار ارجو الرد عليه بارك الله فيكم
بداية ميزانيتي من ٣٠ الف الى ٣٥ الف
ثانيا اسكن في نجع حمادي محافظة قنا فبالتالي موش اي عربية هلاقي لها ميكانيكي و قطع غيار (اكتر حاجة بيفهم فيها الميكانيكية عندنا هي الفيات وتوابعها و البيجو )
ثالثا تحركي بيكون كتير في القرى فهحتاج لعربية حديد و مرتفعة و تستحمل البهدلة ومتسخنش خاصة الجو اللي عندنا في الصعيد ذي الفل :)
الرفاهيات بالنسبالي موش مهمة قوي يعني تكييف و سنتر و زجاج كهربة و غيرها تكون مرحلة تانية بعد المتانة و استهلاك البنزين و استحمال الدعك في المطبات الى جانب لخبطة الميكانيكية و قطع الغيار و طبعا مفيش مراكز خدمة معتمدة عندنا و لكن ان توفرت المتطلبات و الرفاهيات معا يبقى ذي الفل
محتاج عربية تكون حالتها كويسة موش محتاجة مصاريف ولف على ميكانيكية عشان ظروف وقتي ضيقة شوية

مع بحثي في موضوعات كتير و مقارنات عندي احساس ان الشاهين انسب لي حسب ظروفي ولكن خبراء المنتدى ربنا يبارك فيهم جميعا قد يكون لهم رأي اصوب ياريت يشاركوني به
لو كانت الشاهين هي الانسب فما هو افضل موديل مناسب في حدود السعر ده من حيث الامكانات و المتانة و الكماليات ان وجدت و من حيث حالة العربية
قرأت في المنتدى من احد الاخوة ربنا يبارك فيه المعلومات دي

(رأييى لو انت عايز تركب شاهين مستعمل دور على موديلات من 1997 وحتى 2003 (الموتور التمبرا والكاربوريتور الويبر) وافضلها السيارات موديل النص التانى من 2002 وموديل 2003 ، علشان تابلوهها احدث (مفتاح النور فى الدراع زى الكورى واليابانى، مفاتيح فوانيس الشبورة والإنتظار تاتش) ومزودة بفوانيس شبورة ومرايات بومبية ومجهزة لتركيب سنتر فى الشنطة
وفيه منها بالباورستيرنج والتكييف ، ومن اول 2003 فيه 1600 غير طبعا ال1400 الموجودة فى كل الموديلات)
سؤال لكم فهل موديل ٢٠٠٣ الافضل فعلا من حيث المتانة و الاعتمادية و عدم السخانة و البنزين و و و ... في حدود ميزانيتي و هل ٣٥ الف مثلا ممكن تجيب عربية حالتها كويسة و هل المبلغ ده يجيب ١٤٠٠سي سي ام ١٦٠٠ سي سي و هل بكماليات و لا لأ
آسف جدا على الاطالة و لكن اتعشم في خبراء المنتدى انهم يساعدوني ان شاء الله
ربنا يبارك فيكم و منتظر خبراتكم و معلوماتكم و لو كان فيه تصحيح لأي شيء من اللي كتبته ياريت تقولولي عشان اتعلم منكم
جزاكم الله خيرا