رخصتى اتسحبت ظلم

**hic** · 21-04-2009 03:32 PM

انا كنت فى زياره فى دمنهور و فوجئت بلجنه فى الطريق داخل البلد و امين الشرطه بيقول لى الرخص لو سمحت عطيته الرخص ونزلت للظابط لقيته بيدينى وصل مكتوب فيه سبب السحب (زفة افراح ) طبعا بعد مناوشات مع الباشا قال لى مش مشكله دول 50 جنيه ح تدفعهم فى المرور و تاخد الرخصه فسألته انت ليه سحبت رخصتى قال سيادته علشان انت لابس بدله تبقى مشارك فى الزفه تخيلوا؟؟؟؟؟؟؟؟؟؟
المهم رحت المرور تانى يوم علشان اعمل مصالحه وادفع ال50 جنيه زى ما قال سيادته فوجئت بيهم فى المرور بيقولوا لى ما ينفعش مصالحه علشان العقوبه دى فيها وقف للرخصه مده لا تقل عن شهر حسب التقرير اللى بيجى طبعا سمعت كده صعقت و كانى الدنيا لفت بيا المهم التقرير جه المرور لقيت الغرامه 150 جنيه ووقف للرخصه لمده شهر و حسبى الله و نعم الوكيل
مش عارف اعمل ايه بجد و انا مكان شغلى بيبعد عن بيتى اكتر من 40 كم
كل اللى باعمله انى بقول حسبى الله و نعم الوكيل فى كل صلاه و ان شاء الله الايام دول
معلش طولت عليكم لكن انتوا اخوانى اللى با افضفض معاهم

**sasatony** · 21-04-2009 03:42 PM

معلش انت الي غلطان من الاول لو كنت كلمت الظابط وفهمته انك فاهم وان الي بيعمله ده غلط مكنش هيحصل كده لكن انت تصرفت بسلبية سوري يعني
علي العموم قدر الله وماشاء فعل

**hic** · 21-04-2009 03:46 PM

سلبيه ازاى
انت كان ممكن تعمل ايه مع واحد واخد قرار انه يسحب الرخصه يعنى انت فاكر انى ما اتكلمتش معاه و سبته يسحبها كده بهدوء ع العموم انا نفسى انك تتحط فى مكانى و نشوف سياتك مش ح تتعامل بسلبيه ازاى

**Drift_Lover** · 21-04-2009 03:47 PM

انا كنت فى زياره فى دمنهور و فوجئت بلجنه فى الطريق داخل البلد و امين الشرطه بيقول لى الرخص لو سمحت عطيته الرخص ونزلت للظابط لقيته بيدينى وصل مكتوب فيه سبب السحب (زفة افراح ) طبعا بعد مناوشات مع الباشا قال لى مش مشكله دول 50 جنيه ح تدفعهم فى المرور و تاخد الرخصه فسألته انت ليه سحبت رخصتى قال سيادته علشان انت لابس بدله تبقى مشارك فى الزفه تخيلوا؟؟؟؟؟؟؟؟؟؟

انا مش عارف لو مكانك كان حيبقي رد فعلي أيه لكن كان استحاله أسكت عن احساسي بالظلم... وأضعف الإيمان كنت حاروح القسم أعمل إثبات حاله. وأقدم شكوي تظلم في نيابة المرور....
حتي لو مش حيحصل حاجه... بس ابقي حسيت اني ماقبلتش الوضع كده ووقفت ساكت.

كل اللى باعمله انى بقول حسبى الله و نعم الوكيل فى كل صلاه و ان شاء الله الايام دول

لا حول ولا قوة الا بالله...

**shafey** · 21-04-2009 03:49 PM

قدر الله وماشاء فعل اللى حصل حصل خلاص
و بعد كدة بطل تلبس بدل علشان المرور

**hic** · 21-04-2009 03:49 PM

كمان سيادته بعد كلام كتير بيقول لى مش مهم دول 50 جنيه مش مشكله و اتفاجئ تانى يوم انها فيها وقف للرخصه

**hic** · 21-04-2009 03:52 PM

المشاركة الأصلية كتبت بواسطة shafey

قدر الله وماشاء فعل اللى حصل حصل خلاص
و بعد كدة بطل تلبس بدل علشان المرور

المفروض الواحد يسوق بجلابيه بس ممكن يخترع لك حاجه مثلا انك بتبيع طماطم على عربيتك

**HeMa_LanCeR** · 21-04-2009 03:58 PM

يعني افهم من حضرتك انك ماكنتش في زفه فعلا
والظابط سحب الرخصه علشان انت لابس بدله
يبقي سوري في الكلمه
انت تستاهل انها تتسحب علشان اصلا مافيش عقوبه عليك وانت وقفت ساكت وخليته يسحبها
برافو عليك

**hic** · 21-04-2009 04:15 PM

المشاركة الأصلية كتبت بواسطة HeMa_LanCeR

يعني افهم من حضرتك انك ماكنتش في زفه فعلا
والظابط سحب الرخصه علشان انت لابس بدله
يبقي سوري في الكلمه
انت تستاهل انها تتسحب علشان اصلا مافيش عقوبه عليك وانت وقفت ساكت وخليته يسحبها
برافو عليك

طب انت لو مكانى كنت عملت ايه؟؟؟؟؟؟؟؟؟؟
على فكره و انا فى المرور لقيت اكتر من 3 اشخاص انسحبت منهم الرخص بنفس السبب و نفس البلد