رخصتى اتسحبت ظلم

**mrghost** · 21-04-2009 04:40 PM

المشاركة الأصلية كتبت بواسطة Terrible_DaRsH

لو حضرتك حصل معاك كده فعلا ..

تاخد ال 3 اشخاص وتطلع على مديرية الامن فورررررا و تقدموا اكتر من بلاغ .

+1111111111111111111111111111

**حلواني** · 21-04-2009 04:44 PM

حسبي الله و نعم الوكيل
حاجة تخنق فعلا

**ابوهاشم** · 21-04-2009 04:45 PM

معلش ياباشا ربنا يهون عليك المده دى وترجعلك رخصك

**hossam_elwani** · 21-04-2009 04:51 PM

انا برده حصل معايا نفس الكلام بس كنت فى زفه عربيات كانت ماشيه ورا بعضها بدون مشاكل وبدون تعطيل حركة المرور وجالى الضابط وقالى الرخص عطتهاله وقالى اركن العربية وتعالا ورايه ركنت فعلا ورحت لقيته كاتب ايصال سحب رخصة القيادة والسبب الموضح موكب افراح وملصقات مع العلم انى مكنتش ملزق اى حاجة بخلاف استيكر المرور قلته طيب ما تغرمنى بدل ما تسحب الرخص وبعدين انا معنديش اى ملصقات وروح عاين العربية تانى بنفسك قالى مينفعش وكلها خمسين جنيه تدفعها فى المرور وتاخذ الرخص واذا كان على الملصقات اهه ياسيدى حشطبهالك من الايصال وده طبعا بعد شد وجذب منى ومنه وفعلا رحت المرور بعديها بيومين لقيت الغرامة فى حدود الخمسين جنيه واياف الرخصة 3 شهور انا طبعا اتصدمت وفلت حسبى الله ونعم الوكيل وقدمت تظلم لمدير الامن حسبب الافادة من موظف المرور ولكن الرد جه من المديرية بتاكيد الايقاف 3 شهور وما باليد حيلة صبرت 3 شهور لحد ما استلمت الرخصة بعد رحلة طويلة يطول حكايتها مع المرور

وتحذير للجميع مدينة دمنهور فيها تشديد مرورى عجيب على مدار الاسبوع فى اى اوقت وفى اى مكان على مدار اليوم ويصل الى درجة الظلم والجباية لتحصيل الاموال فكل الحرص عند دخول المدينة

**hic** · 21-04-2009 06:21 PM

المشاركة الأصلية كتبت بواسطة hossamdoaaaa

انا برده حصل معايا نفس الكلام بس كنت فى زفه عربيات كانت ماشيه ورا بعضها بدون مشاكل وبدون تعطيل حركة المرور وجالى الضابط وقالى الرخص عطتهاله وقالى اركن العربية وتعالا ورايه ركنت فعلا ورحت لقيته كاتب ايصال سحب رخصة القيادة والسبب الموضح موكب افراح وملصقات مع العلم انى مكنتش ملزق اى حاجة بخلاف استيكر المرور قلته طيب ما تغرمنى بدل ما تسحب الرخص وبعدين انا معنديش اى ملصقات وروح عاين العربية تانى بنفسك قالى مينفعش وكلها خمسين جنيه تدفعها فى المرور وتاخذ الرخص واذا كان على الملصقات اهه ياسيدى حشطبهالك من الايصال

وده طبعا بعد شد وجذب منى ومنه وفعلا رحت المرور بعديها بيومين لقيت الغرامة فى حدود الخمسين جنيه واياف الرخصة 3 شهور انا طبعا اتصدمت

وفلت حسبى الله ونعم الوكيل وقدمت تظلم لمدير الامن حسبب الافادة من موظف المرور ولكن الرد جه من المديرية بتاكيد الايقاف 3 شهور وما باليد حيلة صبرت 3 شهور لحد ما استلمت الرخصة بعد رحلة طويلة يطول حكايتها مع المرور

وتحذير للجميع مدينة دمنهور فيها تشديد مرورى عجيب على مدار الاسبوع فى اى اوقت وفى اى مكان على مدار اليوم ويصل الى درجة الظلم والجباية لتحصيل الاموال فكل الحرص عند دخول المدينة

حسبنا الله و نعم الوكيل

**Samir Elshahawy** · 21-04-2009 06:27 PM

المشاركة الأصلية كتبت بواسطة hic

سلبيه ازاى
انت كان ممكن تعمل ايه مع واحد واخد قرار انه يسحب الرخصه يعنى انت فاكر انى ما اتكلمتش معاه و سبته يسحبها كده بهدوء ع العموم انا نفسى انك تتحط فى مكانى و نشوف سياتك مش ح تتعامل بسلبيه ازاى

انا هأقول لك كنت تعمل أيه: كنت ترفض تسلم الرخصة من الاول ألا لما تعرف هو عايزها ليه و أياكش اللجنة كلها تولع و يجي وزير الداخلية علشان يأخد الرخصة , أنا عن نفسي عملت كده بعد بواية السويس

كنت ماشي علي مهلي (80 كم/ساعة) علشان عارف أن فيه رادار و فعلا عند اللجنة لاقيت أمين الشرطة بيوقفني و دار الحوار التالي:
- الامين: الرخصة
- أنا : رخصة أيه ؟؟
- الامين: رخصة القيادة
- أنا : ليه ؟
- الامين : (بأستغراب) ممنوع أشوفها ؟؟
- أنا: لأ طبعا تشوفها بس من غير ماتلمسها و بعدين أعرف أنت موقفني ليه
- الامين: رادار 108 كم/ساعة

طبعا بطلت موتور العربية و قولت له مافيش رخصة و مش ماشي من هنا ألا لما أعرف صورتوا ال 108 كم/ساعة دي أزاي لأني كنت ماشي 80 كم/ساعة و عارف أن فيه رادار و رخصتي أتسحبت من يومين و دفعت الغرامة و متأكد من الكلام اللي بقوله

طبعا الظابط نزل من عربيته علشان يشوف الحكاية أيه و الامين حكي له اللي حصل , فالظابط قال لواحد تاني شايل جهاز لاسلكي شوف الحكاية أيه

عارفين .. طلعت عربية تانية كورولا سوداء هي اللي عاملة المخالفة و لما هما بلغوا لاقوني قدامهم فوقفوني و فعلا لما تأكد من الارقام وجد أنها مش عربيتي و بصوا لقوا العربية التانية جاية فوقفوها و الظابط أعتذر لي

كده بأختصار لو أحنا فاهمين حقوقنا هانعرف ندافع عنها و مانسيبش حقنا يضيع من الاول

**ahmedfawzy14** · 21-04-2009 06:28 PM

ادخل على موقع وزارة الداخلية قسم شكاوى المواطنين
واكتب الشكوى بالتفصيل ورقم موبايلك فى مكانه http://www.moiegypt.gov.eg/Arabic/co...showComplains/

انا كتبت شكوى من اسيوعين
لقيت رائد شرطة بيكلمنى من اسبوع وقالى انا مستنيك عشان اشوف شكوتك
وفعلا رحت وناس قمة فى الاحترام وخلص الموضوع مفيش 10 دقايق

**eng.octooo** · 21-04-2009 06:30 PM

ابتسم انت فى مصر

**hic** · 21-04-2009 06:36 PM

المشاركة الأصلية كتبت بواسطة ahmedfawzy14

ادخل على موقع وزارة الداخلية قسم شكاوى المواطنين
واكتب الشكوى بالتفصيل ورقم موبايلك فى مكانه http://www.moiegypt.gov.eg/Arabic/co...showComplains/

انا كتبت شكوى من اسيوعين
لقيت رائد شرطة بيكلمنى من اسبوع وقالى انا مستنيك عشان اشوف شكوتك
وفعلا رحت وناس قمة فى الاحترام وخلص الموضوع مفيش 10 دقايق

انا فعلا ح اكتب الشكوى و اقول لكم التطورات

**ahmedfawzy14** · 21-04-2009 06:42 PM

المشاركة الأصلية كتبت بواسطة hic

انا فعلا ح اكتب الشكوى و اقول لكم التطورات

إن شاء الله خير

انا مكنتش متخيل ان حد حيرد عليا اصلا

بس ابعت الشكوى لمديرية امن محافظتك
وللادارة العامة للمرور بمدينة نصر

حتلاقى الاختيارات دى فى اخر نموذج الشكوى

الموضوع: رخصتى اتسحبت ظلم

LinkBack

أدوات الموضوع

عرض

-

-

-

-

المواضيع المتشابهه

رخصتى اتسحبت بسبب الفامية

رخصتى اتسحبت

رخصتى اتسحبت يا رجالة.......الحقونى....

رخصتى اتسحبت !!!! أروح فين؟

رخصتى اتسحبت

الكلمات الدلالية لهذا الموضوع

المفضلات

المفضلات

ضوابط المشاركة