الموضوع: هوندا ولا جوليت نظام معاقين؟

أنا اشتريت عربية معاقين من حوالي سنة و ثلاثة شهور ، كانت اوبترا اعلى فئة واحسن من المصري بكتير فيها تحكم تارة و Abs و Tcs وفرش بيج وممتازة ، وكانت واقفة عليه بحوالي 65000 جنيه من غير ما افك حظرها ، المهم فضلت معايا بالحظر وماشي بيها تمام لحد ما حصل حادثة وعملتها وطلعت احسن من الأول بس بعد قانون المرور الجديد والقلق المستمر بقت مخاطره جامده اني افضل ماشي بيها كده ، المهم قلت ابيعها احسن واشتري زيرو وانا اصلا كنت عاوز اجيب حاجه عاليه زي المازدا3 او سيفيك او ليون ، وبقالي اكتر من 6 شهور عاوز ابيعها ومحدش راضي يشتريها عشان مشاكلها ، قلت افك الحظر لقيتني هتكلف حوالي 15000 جنيه عشان مصالحة الجمارك ورخصة للمعاق وشغلانه ، وفي الاخر تمنها في البيع مش هيزيد ال 15000 دول ، وكل القرف ده وانا بقول يا ريتني ما دخلت نفسي في الشغلانه دي ، ولسه يا دوب بايعها الخميس اللي فات ب 54000 بالعافيه ،
انا طولت عليك بس عشان لما اقولك اوعى تدخل المتاهة دي تعرف انا بقولك كده ليه ، نصيحة بكل اخلاص بلاش وابعد نهائي عن الموضوع ده !!!!!!!!!