على حسب عربيتك بس يفضل الأول طبعا وممكن التانى لو هتزيد السرعة
دوس بنزين بزيادة ومتسيبش الدبرياج للأخر على طول الا لما العربية تاخد سرعتها ، يعنى سيبة لحد ما العربية تبتدى تتحرك على طول وثبت رجلك على الدبرياج شوية لحد ما العربية تبتدى تمشى كويس وبعدين ابقى خف رجلك من على الدبرياج واحدة واحدة
ولما تيجى تهدى متفرملش خليك ساند بنزين برضو ودوس دبرياج بقدر ما محتاج تهدى
وممكن بنفس الطريقة توقف العربية على اى مطلع من غير ما تدوس فرامل علشان متعملكش مشكلة لما تيجى تتحرك وتلاقى العربية بتريح لورا
يعنى هتسند بنزين ، وتسيب الدبرياج يدوب عند الحتة اللى بيبتدى يحرك العربية وتقف عليها وتفضل ساندة هتلاقى العربية ولا بتتحرك ولا بترجع لورا ، هتسيبة هتبتدى تتحرك لقدام طبعا
يفضل تروح فى منطقة فاضية وتقعد تجرب الكلام دة مع نفسك علشان متتبرجلش فى الزحمة
المفضلات