الموضوع: المساعد الخلفى إنكسر

[RIGHT][COLOR="Blue"]دى صوره لأحد أنواع المساعدين اللى متاحه حاليا لدى.....وفى الصوره اليمين بيبان حركة المساعد بالقضيب بتاعه لأسفل (شوط الأنضغاط )وده بيكون موجود والعربيه طالعه على مطب عالى مثلا .........

_الصوره اللى على الشمال دى والمساعد فى شوط تمدد (شوط أنفراد )......وده بيكون موجود لما فرده من الفرد الخلفيه مثلا تنزل فى مطب واطى ....وهنا بيحصل تمدد لقضيب المساعد للخارج......

*** الهدف من الحوار اللى أنا قولته ده ...أنى عاوز أقول أن علشان يكون هناك سلاسه فى الآداء لحركة الــــــــrod

[/COLOR اللى باين فى الصوره وفى نهايته بستم المساعد ....هو الآتى.....

_ لالزم يكون التحميل على قضيب المساعد أو الــrod

RIGHT]بتاعه فى شكل عمودى معتدل تماما........والا ممكن أن يحدث حمل بين البستم بتاع المساعد وجدار قميص المساعد من الداخل .......بيحصل دقره ( قفشان بين قرص البستم الداخلى والقميص من الداخل )......

**ومع حركة المساعد فى مشوار التمدد والأنكماش زى ماقولنا ....بيبدأ مشوار تلف المساعد.....وممكن ميشتغلش كويس ويحصل تفويت داخلى ....دا غير العوجه اللى ممكن تحصل زى ماحصلت معاك يا أيمن باشا.........._ وحاليا أنا مقنع برضه من الناحيه الفنيه ....أنك لو كشفت على القميص من الداخل حتلاقى فيه تأثر شديد لجسم الشميز من الداخل (تآكل على السطح الداخلى اللى كان بيمشى البستم جواه)........

_ الصراحه ده اللى قدرت أفسره فنيا من ناحية أحتمالات الأعوجاج اللى حصلت عندك........

_علشان كده ياريت تكشف على الشميز برضه من الداخل بالرؤيه البصريه ....علشان تشوف مدى التآكل اللى موجود والتشوه اللى حصل للجسم من الداخل بسبب خطأ الحمل اللى كان على المساعد......

_ دى مجرد وجهة نظر فنيه لحين التحقق عن طريقك.......

_ وبرضه علشان الكلام يكون فيه فرجه شويه......ممكن يكون تلف القضيب ده بسبب عيب فى الماده (وده عمرها الأفتراضى ).......ولو أننى أميل الى السبب الأول ( وهو أنك حتلاقى فيه تجريحات شديده على جسم الشميز من الداخل )........................

_ طبعا هي حاله غريبه.....بس لازم نفكر فى أبعادها ونتعرف على الأسباب بقدر الأمكان.................

___ وفعلا وبدون نفاق المشاكل دى من أهم الأسباب اللى محببانى فى نايل موتورز......ودايما بتولد أفكار جديده مع معاصرة المشاكل اللى زى دى.........

__ فى أنتظار ردك يا أيمن باشا .....بعد الكشف على الشميز من الداخل......لأن الكوره معاك أنت دلوقتى .....ومنتظر ردك.......أشكرك وكان الله فى العون

بصراحة يا باشمهندس سمير مش عارف أشكرك إزاى

يا أستاذ /أيمن أحنا أخوات ولا شكر على واجب

مش عارف إزاى أقدر أشوف الشميز من الداخل هل اخده عند حداد وأقطعه ولا فى طريقة لفكه

أديها حداد.....وخليه يفور الجزء اللى بيلمع ده على الشميز من بعد القطمه.....وأسحب باقى الرود بالبستم ....وشوف أيه الأخبار برضه من داخل الشميز....................

تانى حاجة عايز أسئل سؤال ياترى لو الصامولة إللى مثبتة المساعد من فوق إللى هى جوة شنطة العربية كانت مهويه شويه أو إتفكت من الحركة ممكن تعمل مشكلة زى دى ..

أعتقد وضع رباطها كان باين مع العفشجى وقت تغيير الجداد......وعموما أعتقد لو كانت الصاموله محلوله.....كل اللى حيصل أن المساعد حيخبط مع المطبات وأهتزازات الطريق ....لأن كمان باين أن السن من عند الصاموله كويس وعدل........وممكن تعرف برضه أذا كانت مهويه ولا لا دلوقتى (لو بصيت على السن ولقيته متأثر برضه ....لأنها لو محلوله ممكن تعمل برطشه لجزء من السن ).......والسن أنت اللى حتشوفه أكتر على الطبيعه طبعا

بصراحة أنا نفسى أعرف سبب عشان خايف إن تكون عندى مشكلة ويتكرر إللى حصل ده مرة تانية .. مرة أخرى أكرر شكرى وتقديرى لك ..

بأذن الله مع المحاوله حتتضح الأمور .....وحاليا بنحاول ....وأشكرك لزوقك