عداد كيلو متر الرحلات والساعه

**M.Mostafa80** · 23-04-2009 01:20 AM

يا جماعه العربيه بتعمل حاجه غريبه جدا عداد الرحلات والساعه بيعملو ريست لوحدهم وكنت أتكلمت فى الموضوع ده قبل كدا المهم رجعت كل التوصيلات الكهرباء فى العربيه ومفيش حاجه هل كدا المشكله فى الجزئيه دى من العداد ولا الموضوع ليه علاقه بالكنترول بتاع العربيه الله يكرمكو لو حد أتعرض أو يعرف حاجه يقولى لحسن انا خلاص وصلت لمرحله الا

**umoussa** · 23-04-2009 02:26 AM

مش حيبان على فكرة يا محمد إلا لو ركبت عداد تاني وجربت لو حصل تاني يبقى في مشكلة في العربية لو محصلش يبقى العداد كان بيدخل في مرحلة الموت الإكلينيكي

**ahit** · 23-04-2009 02:57 AM

طب يا باشمهندس أسامة عشان أستاذ محمد يجرب عداد تانى لازم يشتريه و ممكن يطلع العيب مش منه زى مابتقول.
مفيش طرقة تانية أضمن و أرخص ؟
شكراً

**umoussa** · 23-04-2009 07:29 AM

عندك حق تماماً يا أبو حميد

بس علشان نقطع الشك باليقين لازم الخطوة دي، ممكن نشوف عن بيومي عداد ناخده تجربة وأنا حقول لمدحت حنرجعه لو العيب اتكرر

**M.Mostafa80** · 23-04-2009 10:29 AM

أنا عايز أخد رأيك فى حاجه طيب يأسامه قبل ما ناخد الخطوه دى هل لو وديت العداد لواحد متخصص عدادات ديجيتل ممكن يعرف أيه سبب المشكله

**M.Mostafa80** · 23-04-2009 01:25 PM

أنا وديت العربيه لواحد متخصص عددات ديجيتال محترم جدا فى الدقى وفك العداد وكشف عليه وعمله عمليه نظافه وقال أن فى بعض الحامات ضعفت نتيجه السخونيه عاد عليها ونظفه كويس ووضعه على جهاز خاص بالعدادات وقالى أن العداد ماشاء الله عليه زى الفل وقالى تابع وشوف وقالى فى الغالب أنت عامل توصيله حاجه هى الى عملالك المشكله دى فأنا قولتلو أنى لسه مغير أنذار العربيه وأنو فى وظيفه الغلق للسنتر دى متوصله مع الكونتاكت قالى لو حصلت معاك تانى بعد الى أحنا عملناه النهارده يبقى خلى حد يراجع مراجعه محترمه على التوصيلات الى تمت فى العربيه وخصوصا أن الموضوع ده ما ظهرش غير بعد ما ركبت الأنذار الجديد بس الى يجنن بقى أن الكهربائيه يقولو ملوش علاقه بالموضوع ده

**Ahmed Mubarak** · 23-04-2009 02:48 PM

اخى العزيز
حاول ان تذهب الى كهربائى تثق فيه وخليه يراجع على كل الوصلات لانه فى عربيه اخويا (فورد فيستا) كهربائى اشتغل فيها علشان المروحه بتاعه الريداتير ماكنتش مظبوطه المهم فجاه لقينا كل حاجة اتصفرت وعملت ريست وعمل وصله علشان يشغل المروحه ومشيت العربيه من عندة مسافه لا تتعدى ال 1 كم وقطعت خالص وكانت المشكله فى الكنترول يونت وكهربائى تانى قاله ان كان فى تحميل زيادة على الكنترول ودا اللى طيرة وحرقه
اخى العزيز ممكن ان تكون الوصلات سليمه بس ممكن تكون عمله لود زياده على الكنترول ودا السبب فى الريست ودا طبعا على حد علمى والكلام اللى كنت با سمعه من الصنايعيه
وربنا يوفقك وتجد حل هذة المشكله

**M.Mostafa80** · 23-04-2009 02:56 PM

ربنا يبارك فيك بس هل الموضوع ده يبان لو حطيط العربيه على الجهاز يعنى لو فى حمل زايد هيبان

**M.Mostafa80** · 23-04-2009 03:05 PM

أنا كلمت المهندس محمد على الى هو فى أمبابه وقالى على حاجه أن كنت شاكك فيها أن الأنذار فى وصله متوصله على الكونتاكت وقالى أحتمال كبير أن يكون دا هو الى عامل المشكله دى

**Ahmed Mubarak** · 23-04-2009 03:08 PM

والله يا اخى العزيز انا معنديش خلفيه بس ممكن تروح اى مركز خدمه محترم وتسال المهندس الموجود اكيد هيفيدك لان الكشف على العربيه بالجهاز فى حدود 150- 200 ج والله الموفق

الموضوع: عداد كيلو متر الرحلات والساعه

LinkBack

أدوات الموضوع

عرض

-

-

-

-

-

المواضيع المتشابهه

مؤشر البنزين ثابت و عداد الرحلات صفر من تلقاء نفسة

عداد الرحلات مش شغال

عداد الرحلات

عداد السرعة مأخر 20 كيلو

عداد الرحلات بيخرف

الكلمات الدلالية لهذا الموضوع

المفضلات

المفضلات

ضوابط المشاركة