الموضوع: عداد كيلو متر الرحلات والساعه

السلام عليكم

ازيك يا محمد أولا حاول تقوم بقياس كفاءة البطارية بهذه الطريقة :

--------------------------------------------------------------------------------

فيه طريقة بسيطة جدا لقياس كفائة البطارية بالآفو العادى، اولا تأكد من ان البطارية مش فاضية بسبب لمبة او مروحة منسية ثم قم بالآتى

1- خد قراءة فولت البطارية والعربية مبطلة وكل الاحمال مفصولة (12.5-13)
2- خد قرائة فولت البطارية والعربية مبطلة مع تشغيل الأنوار العالية ومروحة التكييف ان وجدت(11.5-12)
3- خللى حد يدور العربية وخد قرائة فولت البطارية لحظة تشغيل المارش(10.5-12)
4- خد قرائة الفولت والعربية دائرة بدون احمال(13.5-14.5)
5-خد قرائة البطارية والعربية دائرة وكل الأحمال شغالة(نور عالى-تكييف...الخ)(12.5-13.5)

لو قراءات التجارب من 1 الى 3 قلت عن القيم المذكورة بجانب كل تجربة يبقى البطارية ضعيفة وكل ما القراءات تقل كل ما البطارية تضعف
لو القراءات من 1-3 كويسة وقراءات 4 او 5 او كلاهما ضعيفة يبقى الشحن ضعيف

لو كل القراءات ضعيفة يبقى الشحن ضعيف والبطارية فاضية بسبب قلة الشحن او ان البطارية منتهية وفى هذة الحالة يجب الكشف عليها عند بتاع البطاريات

حذارى من استخدام قياس الأمبير بالآفو العادى مع بطارية السيارة لأنه هيتدمر لحظيا لأن السيارة تتعامل مع امبيرات عالية جدا عن اقصا امبير يستطيع الأفو العادى قياسه

ودي طريقة ذكرها الأستاذ سبعاوي في مشاركة هنا علي المنتدي وقلنا ايه النظام

شوف يا محمد باشا
موضوعك ده انا فسرته قبل كده وأكيد انت فاكر وانت مافيش عندك غير سقوط للجهد الكهربي في السيارة بسبب حاجتين مافيش غيرهم :-
1- Bad Connection وده بسبب اي وصلة من وصلات الأرضي في كل أنحاء السيارة بتسقط (ياعم راجع علي اي وصلة ولو حتي اللي عند الفتيس مع المارش أو اللي عند البوابة أو اي وصلة أرضي في جسم السيارة معلش بس دور تاني ).
2- قفلة خفيفة بين أسلاك اي وحدة تم تركيبها زيادة علي دفيرة السيارة مثل ( الزينون أو الإنذار أو اي حاجه تانية )

أخيرا مش هقدر أقلك غير انك تفصل اي حاجه ركبتها زيادة في العربية غير أصلية وبعدين شوف ومحتاج كهربائي بيفهم بيفهم بيهم عشان تقدر تحل مشكلتك دي وربنا ييسرلك الأحوال