جودة سيارات هيونداي و إعتماديتها

**alivara** · 16-08-2008 06:18 PM

المشاركة الأصلية كتبت بواسطة momoneer

جوده أعلى من فلوسها ازاى ؟.؟.؟؟؟؟.؟؟؟؟؟
الالنترا الفول اوبشن ب 127
127 تجيب بيهم
تيدا يابانى
رينو فرنساوى
لانسر يابانى
زود شويه وهات فورد فوكاس او اسكودا A4 H او تويوتا
ازاى بقى رخيصه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟
الرحمه يا رب!!!!!

الانترا ايه اللى ب 127 الف ؟ مين قال لحضرتك كده ؟ الانترا فول اوبشن مانوال glx ب 102 الف من غير فتحة سقف و سبويلر و جنوط و اظن الحاجات ديه اختيارية و كل واحد حر فى انه يحطها او لا

**MOHAMED ABD EL SHAFY** · 18-08-2008 04:18 PM

التيدا سيارة تحفة بجد ياشباب
لوحد ركبها وجربها هيعرف اللى بقول عليه

**alivara** · 18-08-2008 04:29 PM

المشاركة الأصلية كتبت بواسطة MOHAMED ABD EL SHAFY

التيدا سيارة تحفة بجد ياشباب
لوحد ركبها وجربها هيعرف اللى بقول عليه

حضرتك ايه دخل تيدا فى الموضوع دلوقتى ؟ احنا بنتكلم على اعتمادية هيونداى , على فكرة حضرتك ده مش اول رد ليك بالطريقة ديه تقريبا كل الموضوعات اللى حضرتك مشارك فيها نفس اسلوب الرد و كمان كل موضوعاتى اللى انا بعملها لازم تخالفنى فيها مش عارف ليه ؟

**MOHAMED ABD EL SHAFY** · 19-08-2008 11:09 AM

مش بخالفك ولا حاجة انا بقول رأيى فى حاجة بتتقال مش مظبوطة
واشمعنى انا اللى رديت عليه ما موضوع التيدا اتفتح من قبلى من الاخ momoneer وانا بس قلت رأى. اشمعنى معلقتش عليه هوا وعلقت عليا انا
انا فعلا بقول رأى عن التيدا عشان صديقى شريها من عام وزى الفل فعلا ممتازة
هوا حلال للناس وحرام عليا اقول رأى !!!

**Ramy_Ali** · 23-09-2008 03:32 PM

هى سيارة العامين او الثلاثة وبعدها تبدأ رحلة المعاناة

**Ramytoyota** · 23-09-2008 06:10 PM

مين ****اللى قال كده

انذار للعضو لاستخدامة الفاظ غير لائقة

مشرف القسم

**Ramytoyota** · 23-09-2008 06:11 PM

معلش يا جماعه اعذرونى المشاركه دى جت غلط

**الإداره** · 24-09-2008 03:31 PM

المشاركة الأصلية كتبت بواسطة Ramytoyota

معلش يا جماعه اعذرونى المشاركه دى جت غلط

تم إنذارك ولولا إعتذارك لتم إيقافك شهر كامل
برجاء التأنى قبل إرسال أى رسالة جديدة حيث سيتم تنفيذ عقوبة الإيقاف مع أى عقوبة جديدة بشأنك
ل ف م-1

**essa** · 02-12-2008 03:06 AM

الـ هيونداى بجد عربيه ممتازة ناعمه ومش قويه بس كلها حنيه
وفعلا الـ هيونداى الموديلات الحديثه هى دى فعلا هيونداى مش الـ هيونداى اللى بتقفل هنا فى مصر !

**ahmedsiyam** · 07-12-2008 02:34 AM

السلام عليكم

انا مستغرب جدا من ان نتيجة التصويت 60 % للواثقين من اصل 181 مشارك كنت متخيل انها ممكن تبقى اعلى من كده

احب اقول للاخوة الافاضل انا ركبت اكسيل موديل 98 مصرى 1300 عربية الصراحة فى منتهى الجمال و كنت شاريها عاملة 235000 كلم من اول يد ليها و كان الراجل عامل الكيلو متر ده سفر يعنى العربية مستريحة و كمان كانت فابريقة بالكامل و انا بعتها عاملة 276000 و حالتها احلى مما اشتريتها بكتير
العربية التانية كانت اكسنت مو1999 كاملة مانيوال 1500 و بصراحة من احلى و اجمل العربيات اللى انا ركبتها و بعتها عاملة 190000 كلم و ماشاء الله عليها تحفة بمعنى الكلمة
اللى عايز اقوله انى ركبت هيونداى و مصرى كمان و عربيتين فى منتهى الجمال و كنت شاريهم مستعملين و زياراتى للميكانيكى كانت بسيطة موش كل شوية اروحله يعنى بس ده حال السيارات المستعملة
انا باضم صوتى لاى شخص واثق فى اعتمادية هيونداى لانها فعلا شركة جديرة بالاحترام و بتبيع دلوقتى بنسبة عالية جدا على مستوى العالم

انا كمان اتمنى من الاخوة الافاضل مراعة عنواين المواضيع الاخ الفاضل عامل الموضوع علشان خاطر يبن مدى ثقة الناس فى الهيونداى موش علشان ناس تدخل تهاجم العربية او تبدى تقارن مابينها و مابين عربيات تانية

تحياتى للجميع و كل عام و انتم طيبين

مشاهدة نتائج الإستطلاع: هل تثق في جودة و إعتمادية سيارات هيونداي

الموضوع: جودة سيارات هيونداي و إعتماديتها

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

هل جودة سيارات هيونداي وصلت لمستوى جودة السيارات اليابانية؟

إستفتاء - هل تثق في جودة و إعتمادية سيارات بروتون

زيادات غير مبررة في سيارات هيونداي

زيادة في اسعار بعض سيارات هيونداي

الي كل المتخوفين من جودة سيارات بروتون و بالأخص الجين 2

الكلمات الدلالية لهذا الموضوع

المفضلات

المفضلات

ضوابط المشاركة