الموضوع: @ مشروعــات صغيــرة @

فعلا انا ممكن اسوق الشغل دا في الجامعه
لكن جامعة القاهره جمبها زي مكان مليان مكتبات وناس بتكتب رسايل علميه وماجستير وخلافه
ومن خلال تعاملي مع المعيدين والدكاتره
كل واحد منهم بيكتب الحاجه الخاصه بيه بنفسه
عشان ميضيعش تعبه لحد ممكن يبع الحاجات دي
بس ممكن في المدينه هنا ادور واسأل واكيد هوصل ان شاء الله
دي فكره
وان شاء الله متابع افكار تانيه

المشاركة الأصلية كتبت بواسطة kliken

منور بيك يا باشا و فكره حضرتك الجميله و مشروع حضرتك فعلا ممتاز بس عاوز واحد جد و بتاع شغل فعلا
و العمل الحر المخاطر اللى فيه بتحليه و بتخلى الواحد يقرب اكتر من ربنا علشان ربنا يكرمه

كلام حضرتك فكرنى بذكريات جميلة جدا
فعلا العمل الحر بيخليك تحس بربنا وتحس انه فعلا هو الرزاق وانه رزق ربنا واسع وكتير بس للى يفهم ويحس

المشاركة الأصلية كتبت بواسطة mobitic

واضح ان المجال ده عاجبك
بس بدون خبرة كافية ولا ماديات كافية
صح كده ولا أنا فهمت غلط

لو كان صح يبقى حضرتك تتعب وتبدأ بإمكانياتك المتوافرة ومفيش مانع انك تاخد خبرة عند أى ورشة سمكرة وتشتغل فيها مبدأيا ولو ببلاش لغاية ما تتعلم وتكون وفرت مبلغ صغير تبدأ تكبر بيه.
وربنا يوفقك

بص انا ممكن اقلبلك ال 128 اخليها فيرارى
عندى افكار وخيالات لو اتنفذت هتكسر الدنيا
عندى تصميمات ورسومات لو نفذت واحده منهم بس والله وبدون مبالغه مصر هتبقى من اكبر الدول المنتجه للسيارت الخارقه
انا عملت ماكيت كامل للونش التلسكوبى وبيعمل جميع الوظائف بتاعه الونش الحقيقى
هو يعتبر زى مشروع تخرج كده
وداخل بيه معرض يوم الاحد ان شاء الله فى 15 مايو
والمعرض ده هيكون فيه ماكيتات من جميع المدارس والكليات والمعاهد

ربنا يستر

المشاركة الأصلية كتبت بواسطة musiccairo

فعلا انا ممكن اسوق الشغل دا في الجامعه
لكن جامعة القاهره جمبها زي مكان مليان مكتبات وناس بتكتب رسايل علميه وماجستير وخلافه
ومن خلال تعاملي مع المعيدين والدكاتره
كل واحد منهم بيكتب الحاجه الخاصه بيه بنفسه
عشان ميضيعش تعبه لحد ممكن يبع الحاجات دي
بس ممكن في المدينه هنا ادور واسأل واكيد هوصل ان شاء الله
دي فكره
وان شاء الله متابع افكار تانيه

مهما كان حواليك ناس بتشتغل فى نفس مجالك متخافش
وما تقولش ماهو فى ناس كتير حواليا
اثبت نفسك وسطهم
عارف بإيه
بشغلك
خد مثال صغير
اعمل مذكرة او ملزمه من دماغك او من النت وحط فيها كل قدراتك بحيث كل اللى يشوفها يعجب بيها واعرضها عليهم كأنها بتاعة زبون عندك وانك بتاخد رأيهم بس مش أكتر
وشوف رد فعلهم ايه

المشاركة الأصلية كتبت بواسطة evoo90

بص انا ممكن اقلبلك ال 128 اخليها فيرارى
عندى افكار وخيالات لو اتنفذت هتكسر الدنيا
عندى تصميمات ورسومات لو نفذت واحده منهم بس والله وبدون مبالغه مصر هتبقى من اكبر الدول المنتجه للسيارت الخارقه
انا عملت ماكيت كامل للونش التلسكوبى وبيعمل جميع الوظائف بتاعه الونش الحقيقى
هو يعتبر زى مشروع تخرج كده
وداخل بيه معرض يوم الاحد ان شاء الله فى 15 مايو
والمعرض ده هيكون فيه ماكيتات من جميع المدارس والكليات والمعاهد

ربنا يستر

ربنا يوفقك وربنا يستر

المشاركة الأصلية كتبت بواسطة mobitic

على بركه الله نبدأ بأول مشروع وهو


- مشروع الكتابة والطباعة على الكمبيوتر -*

فى البداية المشروع ده أول مشروع أبدأه فى حياتى بعد تخرجى من الجامعة والحمد لله ربنا كرمنى فيه جدا وأخدت فيه سمعه كويسه .

- مزايا المشروع -

* المشروع دا ممكن تبدأ فيه بمبلغ بسيط جدا ( تقريباً) 500 أو 600 جنيه وممكن توصله لمبلغ أكبر من كدا بكتير وكل ما كبر المبلغ كان أفضل وأحسن طبعاً.

- مكونات المشروع -

1) مكان ( أى مكان يخطر فى بالك محل تجارى - شقة - ممكن حتى فى حجرتك الخاصة ).
2) جهاز كمبيوتر ( فى البداية لا تحتاج لجهاز مواصفاته عالية قوى ) يعنى لو عندك جهاز قديم يبقى تمام أو ممكن تشترى جهاز مستعمل أو جديد حسب امكانياتك المادية.
3) طابعة ليزر : ( ممكن الإستغناء عنها فى البداية - يعنى ممكن تطبع عند أى شركة بره لغاية ما تقف على رجليك وعلى العموم هيا سعرها متوسط يعنى لو استعمال اعتقد ممكن توصل 500 جنيه أو أقل مش متذكر بالظبط ).
4) اسكنر ( ماسح ضوئى ) : ودا له استخدام حلو جدا فى الشغل ده غير استخدامه فى سحب الصور .
5) خط انترنت ( ودا هاتحتاجه قوى لحاجات كتير )
6) كمية ورق طباعة . وزن 80 جرام - مقاس A4.






- تنفيذ المشروع -

* أهم شئ العزم والنية والاعتماد على الله عز وجل
وبعدها انك تكون عندك دراية ببرامج النشر المكتبى زى الوورد والإكسل .
كمان تكون بتكتب صح بمعنى انك تقلل نسبة الأخطاء عندك لأقل درجة ممكنة .
السرعة فى الكتابة بتيجى مع التعود وكتر الممارسة.

- مزايا المشروع -

- المشروع مربح ونسبة المخاطرة فيه ضعيفه جدا وممكن تكون تكاد معدومة .
- امكانية تطوير المشروع .
- لا تحتاج لعمالة أو أيدى عاملة فى المشروع ( يعنى ممكن تبدأ لوحدك )
- تكاليف الإنتاج إن كان يصح نسميها كده قليلة جدا ( زى حبر للطابعة أو ورق الطباعة .. الخ )

- أرباح المشروع -

* لو هاتكتب عندك وتطبع عندك تكلفة الورقة الواحدة حوالى من 15 - 20 قرش تقريباً ( سعر الورقة فى شركات الكمبيوتر من 1 لـ 1.5 جنيه تقريباً ) انما فى البداية حاول تكسب زبون وتخفض السعر ده شوية.
* لو هاتكتب عندك وتطبع بره الموضوع هايختلف شوية ( يعنى لو هاتاخد إللى انتا كتبته على فلاشة مثلاً وطبعته فى أى شركة هيحاسبك طباعة 50 قرش للورقة وعلى حسب تعاملك برده .
* لو الإمكانيات محدودة قوى – يبقى الأحسن انك تتعامل مع شركة من الشركات – بمعنى انك تتفق معاهم انك هاتكتب لهم مقابل اجر أو بالقطعة حسب الاتفاق .

- التسويق -

تسويق مشروعك مهم جدا لضمان نجاحه وشهرته ، فى البداية ممكن تعتمد على المعارف والأصحاب .
* الإعلانات الجامعية ومشاريع التخرج 0زى مشروع التخرج الخاص بكليات الهندسة وغيره)
* عمل الأبحاث وطباعتها وممكن تعمل الأبحاث دى بنفسك وتسوقها بمعرفتك لأصحابك.
* طباعة الملازم والمذكرات للطلاب والمدرسين .... الخ
* فكر ... هتلاقى مليون حته ممكن تسوق فيها مشروعك
والله الموفق

- ملحوظة أخيرة -أى استفسار آخر حول المشروع أنا فى الخدمة

بالنسبه للمخاطره هو فى ايه يتخاطر بيه دول شويه اجهزه مش هيعدوا ال2000 جنيه
فكره حلوه جدا ومشروع بسيط ومربح فى نفس الوقت

اممممممم جاتلي فكره جامده
علاقتي بالمعيدين في الجامعه كويسه
ممكن يفيدوني اوي في الموضوع ده
عموما ان شاء الله جاري التفكير في الموضوع
واذا بدأت مش هبدأ بالجامعه
عشان الدراسه قاربت عالانتهاء
واكيد محدش فاضيلي
وفي انتظار مشاريع تانيه وافكار تانيه

المشاركة الأصلية كتبت بواسطة evoo90

بالنسبه للمخاطره هو فى ايه يتخاطر بيه دول شويه اجهزه مش هيعدوا ال2000 جنيه
فكره حلوه جدا ومشروع بسيط ومربح فى نفس الوقت

هو بسيط ومربح طبعا
وطبعا عشان يكون مربح لازم يتسوق صح