الموضوع: @ مشروعــات صغيــرة @

evoo90 الونش التلسكوبى ده من اختراعك ولا بمشاركة بينك وبين زمايلك ؟
يا أخى سبحان الله يعنى انتا عامل الشغل الجامد ده وفى الآخر نفسك تفتح ورشة سمكرة ؟؟؟؟
نصيحة لو المشروع دا خاص بيك أو مشترك بينك وبين زمايلك أنصحك تحاول تسوقه فى المدن الصناعية الجديدة أو حتى تعمل عروض تطوير للأوناش الموجودة عندهم فى شركاتهم .
وربنا يوفقك لأنك واضح انك انسان مجتهد
تحياتى لك

المشاركة الأصلية كتبت بواسطة mobitic

evoo90 الونش التلسكوبى ده من اختراعك ولا بمشاركة بينك وبين زمايلك ؟
يا أخى سبحان الله يعنى انتا عامل الشغل الجامد ده وفى الآخر نفسك تفتح ورشة سمكرة ؟؟؟؟
نصيحة لو المشروع دا خاص بيك أو مشترك بينك وبين زمايلك أنصحك تحاول تسوقه فى المدن الصناعية الجديدة أو حتى تعمل عروض تطوير للأوناش الموجودة عندهم فى شركاتهم .
وربنا يوفقك لأنك واضح انك انسان مجتهد
تحياتى لك

اولا شكرا ليك على الكلام اللى مش عارف اوصفه بأيه
ثانيا ياباشا الونش ده انا كنت مجبر انى اعمله لانى فى سنه 5 فنى صناعى 5 سنوات وفى قسم وحدات نقل ورفع يعنى العربيات الملاكى مش تخصصى بس بندرس حاجات منها
بس كل تركيزنا من اولى لغايه خمسه كان على الاوناش والمعدات الثقيله والديزل
والسنه دى لازم نعمل مشروع تخرج ولازم طبعا يكون من اللى درسناه
فأقترحت اننا نعمل ونش تلسكوبى
احنا كنا هنعل دائره هيدروليكيه على ستاند كده
بس دى صغيره وبسيطه ومافيهاش مجهود ولا اى حاجه مجرد انك بتشترى شويه حاجات وتركبهم فى بعض
انا مغامر وبحب المخاطره وطبعا كانت فى ناس معايا وناس ضدى
بس فى الاول ماكنتش متأكد من نجاح المشرع لان فى اجزاء كان صعب نلاقيها بالحجم الصغير ده
زى الفلاتر والاسطوانات الهيدروليكيه لوبصيت لونش حقيقى هتشوف حجمها عامل ازاى
وصمامات التحكم برده كبيره بس جبنا صمامات شبيه ليها صغيره
اسمها صمامات solonaid valve 5/2 او اسمها صمامات هواء كهرباء
طبعا غيرنا اجزاء كتير واستعوضنا عنها بحاجات تانيه
واهم حاجه وكانت اصعب حاجه ان الدوائر الهيدروليكيه بتشتغل بضغط الزيت وطبعا عشان نشغله بضغط زيت هيتكلف جامد يعنى مضخات ومرشحات ومبينات ضغط ومراكم وانابيب ضغط عالى
ودى حاجات كتير على الحجم الصغير ده
فاأستعوضنا عن الزيت بالهواء (نيوماتك) (كمبيروسر هواء)
والحمد لله بقى بيعمل كل وظائف الونش الحقيقى طبعا موضوع كبير وجهد كبير والافاده من ورا ده كله
انى هاخد درجات عاليه ان شاء الله عليه واتكرمت امبارح فى المعرض اللى كان عامله السيد محافظ حلوان وقدرت اعرف ناس كتير مجهودى وقدرتى على الشغل والتحدى
والله انا نفسى نصنع الحاجات دى
كان معانا اختراعات لمدرس عندنا
عامل جهاز تحليه مياه البحر بطرق بسيطه وغير مكلفه وتوفر 4 مليار جنيه فى السنه
والوزير طلب مقابلته والموضوع اترفع للصحافه وكتبوا فى الجرنال بس ماحدش عمل حاجه كله كلام وبس
وكمان عمل الدفيره او البورده اللى بتشغل ماكينه ثقب وتشكيل الاخشاب اسمها c.n.c ودى مابتتصنع فى مصر
وكمان مشروع اسمه m.d.f وده مشروع لصناعه الخشب المضغوط (اللى بنستورده من بره) من قش الرز اللى بيتحرق وبيلوث الجو
والمشروع ده جارى انشاءه وان شاء الله هتسمعوا عنه قريب
وكمان بقى المفاجأه اللى ازهلت السكرتير العام للمحافظ وكل اللى كان موجود خليه هيدروجينيه تستعمل فى السيارات بدلا من البنزين
ميه عاديه بتتحلل بطريقه معينه وبتنتج هيدروجين نقى وفعلا جربناها وحطينا عود كبيريت قدام مخرج الهيدروجين وطلع نار
مصر مليانه مخترعين وعباقره بس مافيش حد فاضى يبصلهم
ليهم حق يخرجوا يبيعوا افكارهم للأجانب على الاقل لقيوا حد يقدرهم
معلش طولت عليكم متأسف

دى بعض الصور من المعرض والمشاريع
اللى اتكلمت عليها

............

....

....

....

....

....

....

....

....

....

بداية أنا بشكر صاحب الموضوع على الموضوع المفيد


ثانيًا : نصيحة لكل زميل
كل واحد مننا وله شخصية تختلف عن شخصيات الأخرين على سبيل المثال في شخصية نمطية لها ثمات معينة وفي شخصية إبداعية لها ثمات عكس الشخصية النمطية

علشان كده لازم أي حد ينوي العمل في مجال لاوم يكون مناسب لشخصيته

اي واحد شايف في نفسه موهبة معينة حرام يموتها لازم يستغلها أقصى استغلال ويحاول يستفيد بها على قدر المستطاع
ولما يكون أكل العيش أن بحبه علشان أنا موهوب فيه بيطلع إبداع

بلاش نختزل نفسنا في الشهادة اللي معنا . مش معنا إن واحد بكالوريوس تجارة إنه يشتغل محاسب لأ ممكن بشتغل حاجات تانية تناسب شخصيته لو المحاسبة مش مناسبة له

بلاش التكبر. بمعنى مش علشان أنا معايا بكالوريوس يبقى ماينفعش أشتغل إلا في شغلانة عالية. أنت ممكن تفتح ورشة نجار أو ورشة ميكانيكة وتكون فيها أحسن من أي بكالوريوس

المشروع الثالث

.
.
.
.
.
.

(( مشروع غسيل وتلميع سيارات ) )

أولا:- لنفرض أن إيجار المحل هو 1500 جنيهاً شهريا
ثانيا:- المشروع يحتاج إلى حوالي عدد 2 عمال براتب 500 جنيها = 1000 جنيها شهريا
ثالثا:- كهرباء شهريا 200 جنيهاً في حالة عمل عدد 1 ماكينة بخار لمدة 12ساعة يوميا مستمرة
رابعا:- مواد تلميع شهريا 600 جنيهاً فقط
خامسا:- تقوم بجمع المصاريف الشهرية 1500 + 1000 + 200 + 600 = 3300 جنيهاً
مصاريف ثابتة شهريا 3300جنيهاً
إذن أنت تحتاج يوميا تقريبا مبلغ = 110 جنيهاً لتغطية جميع مصاريفك ، أي تحتاج لغسيل حوالي4 سيارات 30.00 جنيهاً لتغطية مصاريفك اليومية
النشاط الذي يمكن مزاولته :
1- غسيل السيارة من الداخل والخارج 30.00 جنيهاً
2- غسيل الموتور 20.00 جنيها
3- تعقيم المكيف وأزالت الروائح الكريهة 15.00 جنيهاً
4- غسيل وتلميع السيارة من الداخل 50.00 جنيهاً
5- تشميع السيارة من الخارج لحماية الطلاء 70.00 جنيهاً
بالاضافة الى غسل السجاد والموكيت والاغراض المنزلية ولكن لن نركز عليها هنا.
إذا قمت بغسيل عدد 10 سيارات يوميا = 300.00 جنيهاً
غسيل وتلميع سيارة واحدة من الداخل يوميا = 50.00 جنيهاً
تشميع سيارة واحدة من الخارج يوميا = 70.00 جنيهاً
الإجمالي : 420.00 جنيها
قيمــة المعــدات
قيمة جهاز غسيل السيارات بالبخار = 8000 جنيهاً
(الجهاز يعمل بالبخار ويغسل السيارة الواحدة بلتر ماء فقط وهو صديق للبيئة وموفر للوقت والمجهود و الطاقة)
قيمة جهاز التعقيم = 1800جنيهاً
إجمالي قيمة المعدات بالنشاط = 9800 جنيهاً فقط =
إذن..المصاريف الشهرية هى 3300ومصاريف المعدات هى 9800
والربح الشهرى بإذن الله يكون 13500 بناء على هذه الدراسة إذن أنت تسترد أكثر من قيمة المعدات فى اقل من شهر واحد فقط.
ملاحظة : هذه الدراسة تعتبر تقديرية طبقاً لموقع النشاط ويمكن تغييرها طبقا للموقع وساعات العمل وأيام العمل والمواسم وعدد العمالة

المشروع ده منقول وملاحظ أن الأسعار مرتفعة قليلاً يعنى هنتعب شوية ونحاول نجيب أسعار الحاجات دى بنفسنا ونسأل عن أفضل الخامات والمعدات المطلوبة للمشروع ( أنا عارف إن سعرها مكتوب بس السعر دا تقريبى ومش مؤكد )

musiccairo
لقيت حاجه ولا لسه ؟؟؟؟؟


- ملاحظة -
من هنا ورايح هحاول أجيب لكم كل يوم مشروع جديد ( منقول ، مسروق ، ملطوش ) أى حاجه يلا ربنا يسامحنى وأهو كله علشان خاطر حبايبى ( قطيعة محدش بياكلها بالساهل ).
مستنى ردود أفعالكم وتعليقاتكم على المشروع :k40:

والله الموفق

يا سلام
مشروع جامد
شكرا ليك بجد
اما بالنسبالي ف انا اشعر بالاحباط والكسل الغير العادي
وبالنسبه للشغل ان شاء الله اخلص امتحانات واجري ادور على شغل
هانت مفاضلش كتير
ربنا يستر

جميل جدا انت كده بتحل اصعب ازمات البطاله وفعلا انا شايف انها مشاريع مربحه جدا
ربنا يكرمك ويكرمنا جميعا

المشاركة الأصلية كتبت بواسطة musiccairo

يا سلام
مشروع جامد
شكرا ليك بجد
اما بالنسبالي ف انا اشعر بالاحباط والكسل الغير العادي
وبالنسبه للشغل ان شاء الله اخلص امتحانات واجري ادور على شغل
هانت مفاضلش كتير
ربنا يستر

ربنا يوفقك فى امتحاناتك ويوفقك فى شغلك وبلاش كلام الكسل والإحباط ده
لأن أنا اصلا محبط جاهز والكسل دا أنا واخده احتكار
بالاضافة للتعب الشديد من أقل مجهود الظاهر انى كبرت وعجزت مع انى 30 سنة بس حاسس انى جبت آخرى . ما علينا
شد حيلك وربنا يوفقك

المشاركة الأصلية كتبت بواسطة evoo90

جميل جدا انت كده بتحل اصعب ازمات البطاله وفعلا انا شايف انها مشاريع مربحه جدا
ربنا يكرمك ويكرمنا جميعا

الكلام دا كبير قوى جدا خالص عليا يارب أكون 1 على مليون من اللى بتقوله وربنا يكرمك ويكرم كل الناس