جين 2 كيف وقعت فى حبها ولماذا اشتريتها

**meramor81** · 30-09-2009 02:38 AM

1- هل كنت تنوى شراء الجين 2 فى البداية ام كانت هناك سيارة اخرى ثم غيرت رايك.

ماكنتش اعرف ان فيه حاجه اسمها جين تو واول اختيارى كانت الاوبترا
وبعدين الجين تو

2- هل اثر موقع نايل موتورز على تغيير قرارك للجين2.
طبعااا اكيد ماشفتش الجين وعرفتها الا من خلال منتداى الغالى نايل موتورز

3- ما هى السيارة التى كنت تريد شرائها قبل تغيير رايك.
شيفورليه اوبترا 2008

4- ماهى نقاط المقارنة الاهم بين السيارتين التى درستها قبل قرار شرائك الجين 2.

الشكل والصاج والموتور والسعر طبعا الجين تكسب

5- ماهى النقاط التى تفوقت فيها الجين 2 عن السيارة الاخرى.
كل شىء فيها تفوق عن السيارت اللى فى نفس الفئه السعريه

6- ماهى النقاط التى تفوقت فيها السيارة الاخرى عن الجين 2 .

بالنسبه لى ولاشىء

7- كيف اتخدت قرار شراء الجين 2 بعد المقارنة هل بحكم عام جميع نقاط المقارنة ام لانك رجحت ميزة معينة فى جين 2 مثل الثبات مثلا ولم تهتم بباقى عناصر المقارنة.

نعم عندما قارنت بكل شىء الجين تفوقت بالنسبه لى

8- بعد شرائك للسيارة وتجربتها هل فعلا كانت المزايا التى اشتريتها من اجلها كما كنت تتخيل وكم كانت نسبة رضائك عن السيارة.

الحمد لله رب العالمين 100 فى الميه وربنا يحفظها من العين ويهدى التوكيل

9- ماهى اكثر ميزة عشقتها فى مزايا السيارة.

شكلها اولا
ثباتها وخصوصا عند اخذ اى ملف
صوت الموتور ماتحسش بيه
والباقى الكل عرفه

10 - ماهو اكثر عيب تكرهه فى السيارة وتتمنى ازالته فى الموديل القادم.

العمر الافتراضى لتيل الفرامل قصير <اعتقد ذلك)

11- ما هو اكثر ميزة تتمنى ان تضاف فى الموديل القادم للسيارة.

بصراحهه ولا شىء

12 - هل لو عاد بك الزمان مرة اخرى هل تود شرائها مرة اخرى ام ستختار السيارة الاخرى.

طبعاااا

13- اخيرا ماهى النصيحة التى تود ان تنصح بها اى شخص قبل شرائه السيارة.

اشتريها وانت مغمض

**DR_EMAD** · 30-09-2009 06:46 AM

1- هل كنت تنوى شراء الجين 2 فى البداية ام كانت هناك سيارة اخرى ثم غيرت رايك.

أنا مكنتش أعرف البروتون أساسا للأسف .. ولا أعرف يعنى إيه جين 2 ولا بيرسونا .. انا كنت ناوى على شراء حاجة تانية

2- هل اثر موقع نايل موتورز على تغيير قرارك للجين2.

جدا طبعا

3- ما هى السيارة التى كنت تريد شرائها قبل تغيير رايك.

ميتسوبيشى لانسر - تويوتا ياريس

4- ماهى نقاط المقارنة الاهم بين السيارتين التى درستها قبل قرار شرائك الجين 2.

السعر - عوامل الأمان - الثبات - الشكل

5- ماهى النقاط التى تفوقت فيها الجين 2 عن السيارة الاخرى.

نفس النقاط فى 4

6- ماهى النقاط التى تفوقت فيها السيارة الاخرى عن الجين 2 .

---------

7- كيف اتخدت قرار شراء الجين 2 بعد المقارنة هل بحكم عام جميع نقاط المقارنة ام لانك رجحت ميزة معينة فى جين 2 مثل الثبات مثلا ولم تهتم بباقى عناصر المقارنة.

أنا اهتممت بكل التفاصيل .. وحتى لو شافها البعض أنها صغيرة لا تستحق

8- بعد شرائك للسيارة وتجربتها هل فعلا كانت المزايا التى اشتريتها من اجلها كما كنت تتخيل وكم كانت نسبة رضائك عن السيارة.

الحمد لله .. السيارة كانت عند حسن ظنى .. وراض وفخور كمان بيها

9- ماهى اكثر ميزة عشقتها فى مزايا السيارة.

الفرامل (أنقذتنى بصراحة من كذا موقف) - ثباتها على الطريق ( تحس أنها راسية كدا وماشية واثقة من نفسها)
- كمالياتها

10 - ماهو اكثر عيب تكرهه فى السيارة وتتمنى ازالته فى الموديل القادم.

مكان فتح تنك البنزين .. ممل شوية

11- ما هو اكثر ميزة تتمنى ان تضاف فى الموديل القادم للسيارة.

مش عارف هو ميزة ولا لأ ... بس عايز الاطار الاحتياطى يكون اطار عادى زى اللى راكب فى العربية
وعلى فكرة .. ال bmw بتنزل الاطار الاحتياطى بتاعها زى البروتون

12 - هل لو عاد بك الزمان مرة اخرى هل تود شرائها مرة اخرى ام ستختار السيارة الاخرى.

الجين طبعااااااااااااا

13- اخيرا ماهى النصيحة التى تود ان تنصح بها اى شخص قبل شرائه السيارة.

لا تجعل أصوات غير العالمين بالسيارة تؤثر عليك
واتبع المثل البلدى المعروف .. اسأل مجرب ولا تسأل طبيب
اشترى البروتون .. وهتلاقى أنك كسبت صفقة محترمة رابحة
.
.
.
.
شكرا جزيلا لك يا أستاذ أحمد على الموضوع الجامد ده
وتستلم عربيتك على خير ان شاء الله

تقبل تحياتى ..

**د.محمد** · 09-10-2009 01:01 AM

بارك الله لكم جميعا فيها
انا والله نفسي اشتري برسونا نفسي حد يستلم دفعة 2010 ويقولنا علي التخفيض والامور وصلت لحد فين
والله نفسي ده يحصل بسرعة لانى فعلا من كلامكم حبيتها جدا وحبيت اكتر كل الاعضاء اللي هى معاهم لانى بحسكم عائلة واحدة ما شاء الله ولا حول ولا قوة الا بالله ونفسي ابقى واحد منكم
المشكلة فعلا انى بدأت اميل ناحية الاكسنت علي الرغم من انى عارف ان مفيش بينهم مقارنة لكن لو حجزت هستلم الشهر دة علي نهايته والبرسونا من مشاركات الاعضاء اللي حاجزين حاسس انه فيه مشاكل ومفيش استلام دلوقتى خالص وحتى كمان لو حجزت مش عارف هستلم الدفعة دى ولا هستنى الدفعة الجاية يعنى الموضوع شكله هيتاخر قوى

**ahmedfathy77** · 09-10-2009 03:11 PM

المشاركة الأصلية كتبت بواسطة د.محمد

بارك الله لكم جميعا فيها
انا والله نفسي اشتري برسونا نفسي حد يستلم دفعة 2010 ويقولنا علي التخفيض والامور وصلت لحد فين
والله نفسي ده يحصل بسرعة لانى فعلا من كلامكم حبيتها جدا وحبيت اكتر كل الاعضاء اللي هى معاهم لانى بحسكم عائلة واحدة ما شاء الله ولا حول ولا قوة الا بالله ونفسي ابقى واحد منكم
المشكلة فعلا انى بدأت اميل ناحية الاكسنت علي الرغم من انى عارف ان مفيش بينهم مقارنة لكن لو حجزت هستلم الشهر دة علي نهايته والبرسونا من مشاركات الاعضاء اللي حاجزين حاسس انه فيه مشاكل ومفيش استلام دلوقتى خالص وحتى كمان لو حجزت مش عارف هستلم الدفعة دى ولا هستنى الدفعة الجاية يعنى الموضوع شكله هيتاخر قوى

السلام عليكم ورحمة الله وبركاته

التخفيض تفاصيله مع ايمن هو عنده اخر الاخبار مع التوكيل

بالنسبه للحجز والاستلام مفيش مشاكل ولا حاجه الدفعة اللى نازله هى اول دفعه من 2010 وطبعا عليها ضغط كبير جدا ده غير ان كل الناس بيبقى عندها شغف كبير على استلام العربيه خاصة انها اول عربيه فى الموديل الجديد فبيبقى مفيش صبر اوى وده طبيعى بس الاستلام طبقا لاخر المعلومات هيكون فى خلال ايام قليله جدا حضرتك لو استنيت اسبوع هتلاقى الناس بدات فى الاستلام ان شاء الله واكيد بعد اول دفعتين مش هيبقى فيه اى مشكله ان شاء الله فى الحجز او الاستلام السريع .

ربنا يوفقك ان شاء الله

سلامى للجميع

**Osama.shihata** · 10-10-2009 05:42 PM

1- هل كنت تنوى شراء الجين 2 فى البداية ام كانت هناك سيارة اخرى ثم غيرت رايك.

كنت عايز اجيب نيسان صنى او فيرنا اوتوماتيك فل ابشنز او افيو

2- هل اثر موقع نايل موتورز على تغيير قرارك للجين2.
اه طبعا جدا جدا خصوصا مصداقية الزملاء فى عرض العيوب قبل المميزات والبرسونا شدتنى
خصوصا حجم الشنطة وازاى حفظه على جمال التصميم
بالرغم من زيادة حجم الشنطة

3- ما هى السيارة التى كنت تريد شرائها قبل تغيير رايك.
انا كنت خلاص هجيب النيسان مانيول ولما سعر الفيرنا نزل كنت هجيبها اوتوماتيك كاملة

4- ماهى نقاط المقارنة الاهم بين السيارتين التى درستها قبل قرار شرائك الجين 2.
القوة - المتانة - عوامل الامان - الثبات -وزن السيارة- جمال التصميم

5- ماهى النقاط التى تفوقت فيها الجين 2 عن السيارة الاخرى.
قوة الصاج - وزن السيارة- الثبات -جمال التصميم

6- ماهى النقاط التى تفوقت فيها السيارة الاخرى عن الجين 2 .
توفر قطع الغيار فى التوكيل

7- كيف اتخدت قرار شراء الجين 2 بعد المقارنة هل بحكم عام جميع نقاط المقارنة ام لانك رجحت ميزة معينة فى جين 2 مثل الثبات مثلا ولم تهتم بباقى عناصر المقارنة.
الحمد لله استشرت اصحابى واهل بيتى
وعملت استخارة وتوكلت على الله فى شراءها واختيار لونها

8- بعد شرائك للسيارة وتجربتها هل فعلا كانت المزايا التى اشتريتها من اجلها كما كنت تتخيل وكم كانت نسبة رضائك عن السيارة.
افضل مما كنت متصور ماشاء الله

9- ماهى اكثر ميزة عشقتها فى مزايا السيارة.
قوة الموتور - جمال التصميم

10 - ماهو اكثر عيب تكرهه فى السيارة وتتمنى ازالته فى الموديل القادم.
دهان السيارة بيتجرح بسرعة قوى مش عارف يمكن انا علشان عندى اطفال الجيران
بيلعبه جنبيها احتمال الله اعلم
بس الملاحظة دى انا متاكد منها
وهشوف حكايتها ايه

11- ما هو اكثر ميزة تتمنى ان تضاف فى الموديل القادم للسيارة.
مثبت السرعة - وحدة الرفع للزجاج عند الغلق

12 - هل لو عاد بك الزمان مرة اخرى هل تود شرائها مرة اخرى ام ستختار السيارة الاخرى.
اتعودت مدام عملت استخارة مندمش على اى اختيار
وفعلا البروتون سيارات تستحق الاحترام

13- اخيرا ماهى النصيحة التى تود ان تنصح بها اى شخص قبل شرائه السيارة.
اسئل كويس عنها الى مجربنها
اطمن كل مشكلة وليها حل فى التوكيل لو قبلتك مشكلة
العربية قوية جدا ماشاء الله
وادائها راقى
اللهم بارك لنا فيها جميعاً
-----

وشكرا لصاحب الموضوع احمد بيه وجزاك الله خيراً

**ahmedfathy77** · 10-10-2009 05:52 PM

المشاركة الأصلية كتبت بواسطة amecath