عضوية هليتون ....مطلوب رأيكم

**Moh.Fahmy** · 20-09-2007 03:09 PM

اتصلت بي انسة من الملحق الاداري لفندق النيل هليتون تدعوني للاشتراك في عضوية فنادق هيلتون العالمية التي تتيح لاعضاء النادي تخفيضات في الاقامة و دخول المطاعم الخاصة بفنادق و منشآت هيلتون
مثلا اذا اردت السفر الي شرم الشيخ فسوف تقيم في هيلتون ثلاثة ليالي منهم ليلة مجانية و سوف يتم منحك 50% تخفيضات علي المأكولات و المشروبات
ايضا سوف يتم منحك 35 كوبون تخفيضات منهم 6 كوبونات تستخدمهم في حجز جناح و سوف يتم حسابك علي غرفة
كل هذه المميزات في مجموعة هيلتون العالمية يعني في دبي و قطر و الدول الاوربية سوف تستمتع بهذه المزايا
كل هذا مقابل اشتراك سنوي 700 جنيه و ممكن ان تمنح الكوبونات لاي شخص آخر

هي اخبرتني ان هذا الموضوع ليس جديدا مع اني اول مرة اسمع به فهل من حضراتكم من اشترك قبل ذلك او يعرف احد اشترك ليخبرنا بمزايا الموضوع و سلبياته و هناك الكثير و الكثير اخبرتني به الانسة شيرين مسئولة التسويق للنادي

محمد فهمي

**mtema99** · 20-09-2007 03:19 PM

four seasons

**Ashraf A.Kader** · 20-09-2007 04:39 PM

الاستاذ محمد اسال حضرتك سؤال هل انت من هواة السفر الكثير (داخل وخارج مصر) ام مرة او مرتان في السنة؟
ثانيا حضرتك بتسافر لوحدك ام مع العائلة؟

**الريس** · 20-09-2007 04:53 PM

يا باشا اناعضو في الهيلتون بريميوم PREMIUMالموضوع مش وحش في حالة لو سعادتك بتصيف في اوتيلات 5 نجوم دايما
بتخرج تتعشى برة كتير في اماكن غالية
خاطب مثلا
بتظبط لشهر عسل
غير كده مالوش لازمة
و بالمناسبة الخصم على الماكولات بس مش المشروبات

**Dr Ahmed** · 20-09-2007 05:00 PM

بالظبط يا ريس:
لو بتسافر مرة كل سنة ولا أكتر يبقى سيبك ، لو سفرياتك كتير وبتسكن فنادق خمس نجوم يبقى تفكر.

**خالدابوالنجا** · 20-09-2007 05:06 PM

حتى لو مره واحده يا د/احمد
يعنى سلطان زى هينزل فين لو نزل القاهره فى الحسين ولا رمسيس
ان بايد الفكره يا استاذ/ محمد بس بشرط
انك تهدى السلطان كوبون ولا اتنين عشان لو نزل القاهره
ههههههههههههههههههههههههه ههههههههههه

**Moh.Fahmy** · 21-09-2007 11:43 AM

الاستاذ محمد اسال حضرتك سؤال هل انت من هواة السفر الكثير (داخل وخارج مصر) ام مرة او مرتان في السنة؟
ثانيا حضرتك بتسافر لوحدك ام مع العائلة؟

كتب اشرف خضر
نعم يا استاذ اشرف انا في حالة السفر للتنزه لا اسافر الا مع اسرتي لانني في حالة رحلات العمل تتحمل جهة العمل عملية الحجز في الفنادق و لكني اسافر مرتين او علي اقصي تقدير ثلاثة في السنة

يا باشا اناعضو في الهيلتون بريميوم PREMIUMالموضوع مش وحش في حالة لو سعادتك بتصيف في اوتيلات 5 نجوم دايما
بتخرج تتعشى برة كتير في اماكن غالية
خاطب مثلا
بتظبط لشهر عسل
غير كده مالوش لازمة
و بالمناسبة الخصم على الماكولات بس مش المشروبات

لأ يا باسم باشا انا متزوج و لدي مازن خمس سنوات و في كي جي 2 و مالك سنة و نصف لكن انا و الحمد لله رب العالمين في حالة شهر عسل مستمر بمعني انني من هواة التنزه الخمس نجوم و ان قل عدده لكني اهتم بالكيف لا بالكم حتي تظل عالقة ذكريات جميلة في ذاكرة اسرتنا لكن حضرتك متأكد من مسألة ان الخصم علي المأكولات فقط و ليس المشروبات يعني مثلا لو طلبت كباب و كفتة و بعد كده شربت كانز حيبقي الخصم علي الاكل فقط ..يا ريت لو عندك ايجابيات اخري او سلبيات تبقي تذكرها لانها حتتصل بي يوم الاثنين عشان اناقشها في النقط دي كلها

بالظبط يا ريس:
لو بتسافر مرة كل سنة ولا أكتر يبقى سيبك ، لو سفرياتك كتير وبتسكن فنادق خمس نجوم يبقى تفكر.

اوعدك دكتور احمد اني حفكر بجدية في ملاحظتك لاني بحترم آراءك جدا جدا

حتى لو مره واحده يا د/احمد
يعنى سلطان زى هينزل فين لو نزل القاهره فى الحسين ولا رمسيس
ان بايد الفكره يا استاذ/ محمد بس بشرط
انك تهدى السلطان كوبون ولا اتنين عشان لو نزل القاهره
ههههههههههههههههههههههههه ههههههههههه

خالد باشا السلطان اوعدك ان شاء الله لو خلصت في الموضوع ده حهديك كوبون من الستة بتوع السويت اللي بسعر الغرفة :mrgreen: :mrgreen:

**Dr Ahmed** · 21-09-2007 02:17 PM

لأ يا باسم باشا انا متزوج و لدي مازن خمس سنوات و في كي جي 2 و مالك سنة و نصف لكن انا و الحمد لله رب العالمين في حالة شهر عسل مستمر

بسم الله ماشاء الله..
يارب يديمها لك نعمة ويزيدك كمان وكمان.

**Ashraf A.Kader** · 21-09-2007 02:54 PM

استاذ محمد
في الحالة دي يبقي ملهاش لازمة لان اسعار الهيلتون بعد الخصم اللي حتاخذه اعلي من اي سعر خمس نجوم اخري في نفس المنطقة اللي حضرتك حتزورها0 ثانيا اعتقد ان حضرتك مع اهتمامك بالكيف مهتم ايضا بالتغيير (اقصد زيارة اماكن ومطاعم جديدة) وهذا لن يتسني لك في هذا العرض0 وحضرتك صاحب القرار في النهاية