الموضوع: رشحولي كتب للقراءة

بص لو بتحب القصص البوليسية .. بجد عليك وعلي الحجة اجاثا كريستي..
لو شايف نفسك هتبقي كدا شغل اطفال ولو انها مش قصص اطفال ..لأن بجد افكارها جمدا جدا

عندك بقي كنصيحة ..
لو عايز تتمتع بكتب وتكسب كمان ثواب وهتفيدك
اقرا مثلا في السيرة النبوية .. الغزوات .. وممكن لو تجيبها سيديهات او شرايط كاسيت تبقي افضل .. وانصحك بطارق سويدان .. بجد اسلوبة في العرض كويس
ممكن تجيب كتب فلك ..معجزات القران .. للعالم زغلول النجار.. بجد هتحس بزهول وانت بتقراها بجد هتفخر بدينك اوي..

لو سير .. عندك الخلفاء الراشدين .. خصوصا سيدنا عمر بن الخطاب .. انا بعشق هذا الرجل عشق بجد مقدرش اوصفوا .. بجد هو وسيدنا ابو بكر الصديق بالذات هتلاقي السير بتاعتهم مشوقة كمان جدا .. خصوصا سيدنا عمر عشان فترة الحروب كمان..

وعندك كتب المام الغزالي كلها جميلة ولو عايز اسامي كتب معبنة قلي وانا اقولك


بس هو كل م اعنيه ان انت مدام وقتك فاضي وعايز تقرأه .. فالافضل تقرأه حاجة تتعلم منها وحاجة تفيدك في دنيتك واخرتك ان شاء الله اللي هي الجنة.. وغير كدا الكتب اللي بقولك عليها دي مشوقة جدا جدا بأمانة ..
وتسافر وتجلنا بالسلامة

شيكاغو لعلاء الأسوانى جامده

اساسا خدم مصحف من اللي في جنبه تفسير كلمات و في هامشه اسباب النزول .
لو ليك في الروايات ح اقول لك على رواية تعيشك في عالم تاني . انا على فكرة قريت الروايات اللي الاخوة ذكروا اساميها و عشان كده بادلك على الكتاب ده: وكالة عطية لخيري شلبي .
لو متجوز يبقى التوب في المعاملة و فهم نفسية الطرف الآخر: الرجال من المريخ و النساء من الزهرة لجون جراي .

ده طبعا بالاضافة الى لو لقيت جنبك جيمانيزيوم و عملت فيه اشتراك الشهر ده و داومت عليه حايبقى حاجة جميلة