بخصوص النيو سيراتو , أرجو المشاركه من الجميع !!!

**ahmedel_rayies** · 26-05-2009 01:49 AM

مينفعش نحكم على النيو سيراتو إلا لما حد يقولنا أخبارها إيه بعد 50 ألف كيلو على الأقل، ومش واحد بس لأن طريقة القيادة بتختلف من واحد لأخر.

أنا شخصيا هتجنن على العربية دي، ومعايا لانسر 2008 أوتوماتيك بومة وبفكر أغير لسيراتوا بس مش عايز أتسرع وفى الأخر أندم.

**mr_safwt** · 26-05-2009 09:24 AM

عندك حق فى كل اللى قولتة

الا الهوندا دية حاجة تانى لانها عربية من عالم اخر

**jisso82** · 26-05-2009 10:31 AM

المشاركة الأصلية كتبت بواسطة hosam_optrawy

بس مش معنى ان انا مثلا بافضل السيراتو عن السيفيك وكورولا والشارك والمازدا والتيدا ان هى افضل منهم كلهم

لأ هى افضل بالنسبه ليا انا كشخص

طبعا أنا متفق معاك فى التوبيك بالكامل تقريبا بس أحب أحييك بشكل خاص على النقطة دى بالذات على أساس إن بصرف النظر عن الأذواق و عن فروق الجودة بين العربيات المفروض كل واحد يبص لميزانيته كام و هو محتاج إيه و طبعا لازم يفكر لقدام يعنى أسعار الصيانات و قطع الغيار و لولا إنى مستقر على عربية تانية أحلى من وجهة نظرى شكلا و أكتر تفرد منها فى السوق المصرى مش منتشرة أصلا (و طبعا أقل منها فى السعر و فى جودة الخامات) كنت اشتريتها ربنا يباركلك اختيارك و يجعلها خير ليك إن شاء الله

**Hosam_Optrawy** · 26-05-2009 12:04 PM

المشاركة الأصلية كتبت بواسطة jisso82

[/center]

طبعا أنا متفق معاك فى التوبيك بالكامل تقريبا بس أحب أحييك بشكل خاص على النقطة دى بالذات على أساس إن بصرف النظر عن الأذواق و عن فروق الجودة بين العربيات المفروض كل واحد يبص لميزانيته كام و هو محتاج إيه و طبعا لازم يفكر لقدام يعنى أسعار الصيانات و قطع الغيار و لولا إنى مستقر على عربية تانية أحلى من وجهة نظرى شكلا و أكتر تفرد منها فى السوق المصرى مش منتشرة أصلا (و طبعا أقل منها فى السعر و فى جودة الخامات) كنت اشتريتها ربنا يباركلك اختيارك و يجعلها خير ليك إن شاء الله

شكرا يا استاذ على كلامك ومشاركتك

**SAMEH_FOUAD** · 28-05-2009 03:12 AM

ياجماعة انا معرفش انتوا متسرعين اوى فى الحكم على العربية مع ان مافيش حد فيكوا جربها انا العربية كانت ماشية قدامى انهاردة العربية صوتها عالى زيادة عن اللزوم مش عارف لية والعربية شكلها ضيق من جوة الناس كانت قاعدة مخنوقة شوية
هو بصراحة شكلها حلو واجمل من عربيات كتير بس الشكل مش هيريحنى ومش هيدينى الامان ولا الاعتمادية ودة بصراحة اللى بلاقية فى الكورى بيديك شكل وكماليات مقابل سعر منخفض معرفش ازاى واعتمادية قليلة وضعيفة ومحدش يقول غير كدة
بس ياجماعة بجد اليابانى ثبات, راحة,نعومة,قوة,اعتمادية عالية,رفاهية,شكل كويس جدا,وكفاية انها بتعمر لحد 400,000 اللى متقدرش تعملة عربية غير الالمانى وبجد وعن ثقة ,
لكن الكورى مانكرش انة اتطور جامد جدا وبقى بينزل عربيات تقدر تخلى الناس تشتريها وتثق فيها بس مشكلتهم ودية اللى انا شايفها انهم بيقلدوا اليابانيين جدا جدا ,عربياتهم بتجرى حلو بس ثباتها واعتماديتها مش قد كدة ,عايز واحد يدوبك العربية تمشية سنتين وتبدأ تفتح بقها
وعشان يكون فية جودة واعتمادية عالية =سعر عالى حتى لو مافيش كماليات كتير
لكن عربية تنزل باوبشن مش موجود فى عربية اغلى منها ب65 الف جنية يبقى اكيد فى حاجة غلط او بمعنى اصح تعويض عن النقص اللى موجود فى الكفاءة وعمر التشغيل وتتم طرق الاغراء بالشكل والكماليات هو دة الكورى
وللاسف بعض الشركات اليابانية بدات تعمل كدة وتخلى عربياتها جودتها قليلة وكلنا عارفين مش محتاج اتكلم

**mo7a_mo7a** · 29-05-2009 12:09 PM

احيك علي ردودك يا دكتور احمد

بس انا رايي
ان التجربة خير برهان
بالنسبة للسيراتو الناس منقسمة جدا
في اللي مش مصدق عينيه ومتحمس زيادة عن اللزوم ومتصور انها سيارة العمر ومش حيجي بعدها ومبهور بالشكل والامكانيات

وفي ناس تانية غضبانة ومستكترة علي شركة كوري انها تنتج عربية كويسة وبيحاولو يفطسوها بدون دليل بغض النظر عن الناحية الفنية

وفي ناس بتشوف العربيات اسماء وحروف بس يعني بيعتمد علي الماركة وبلد المنشا في الحكم علي اي عربية وده مش منطقي وخصوصا ان مبقاش في تكنولوجيا معينة حكر علي حد دلوقتي ونقل التطور الصناعي سهل ومش مكلف
وانا ازعم ان بقي في شركات كتير ياباني وكوري زي بعض تقريبا من حيث التكنولوجيا المستخدمة

وفي ناس زي حلاتي كده بحسبها بالمعطيات
1- انا مش حشتري سيراتو مش لانها وحشة لكن لاني مقدرش امول مشروع شراء سيارة بالمبلغ ده وبالتالي بعتبر نفسي حيادي
2- الحكم الجيد علي السيارة يكون عن تجربة وليس علي اساس الاسم والا مكنش حد ركب دايو لما نزلت مصر ومحدش كان يسمع عنها
3- مقارنة اي سيارتين يجب ان تكون في نفس الفئة
5- الايام مفيش اقرب منها

تحياتي

**alisleman** · 29-05-2009 05:21 PM

المشاركة الأصلية كتبت بواسطة tutankhamoun

أول مرة أعرف أن السبكترا كانت بتتجمع في مصر !!!!!!!!!!!!!!!!!!

اللي أعرفه أن البرايد هي اللي كانت بتتجمع في مصر فقط ......

طيب أيه رأي سعادتك في عربية بي ام دبليو ألماني ......... و جابت موتور بعد 5000 كم و بعد الكشف عليه طلع عيب صناعة ؟؟؟؟؟؟؟؟؟؟؟؟؟؟؟

لحد أمتى هانعيب في صناعة بلدنا ؟؟؟؟؟؟
لغاية ما المصانع تقف و العمال تتشرد !!!
لازم يا جماعة نراعي الكلام قبل ما نقوله و نتهم الناس بحاجات مش موجودة .

ألمانيا ليه مصنعان في مصر زي
مرسيدس و بي أم دبليو ...... و كمان بيصدروا للخارج . و أهوه تجميع مصر .

كوريا ليها هيونداي بتتجمع في مصر ..... و العربية معقول و الفرامل مش بتسيب و لا حاجة و الشباب مفرتكين الأسفلت بيها .

النصر كانت بتعمل الشاهين اللي التكاسجية كانوا بيعملوها عربيات نص نقل مش عربيات صالون ومع ذلك بتعيش و تعيش و هي السيارة الجديدة المفضلة لكل مالكي التاكسي قبل موضوع الأحلال للسيارات القديمة .

النيسان صني ....... تجميع مصري و ما شاء الله عربية محترمة .

و نرجع تاني لكوريا
دايو ........ سيارة الشعب اللي شوارع المحروسة ....... غرقانة من عربياتها
لانوس ......... و نوبيرا
و عربيات محترمة و فراملها مش بتسيب .

و الكورية الأفيو ....... تجميع مصر و العربية زي الفل .

ليه ميكونش العيب اللي حصل عندك عيب صناعة ممكن تلاقيه في أي ماركة ؟؟؟؟؟؟؟؟؟

ليه على طول ....... تلوم مصر و صناعة مصر ؟؟؟؟؟؟؟؟؟؟

أشمعنى لو راكب ياباني مثلا و نفس العيب يحصل مش بنلوم التجميع و الصناعة الياباني و بنختلق ليهم الأعذار .......
و ليه بنسلخ صناعتنا ؟؟؟؟؟؟؟؟

على فكرة ..... أنا عمري ما سمعت أن كيا كانت بتجمع حاجة غير البرايد

معلش ما تزعلش مني ...... بس أي حاجة تحصل في حاجة مصري ...... أول حاجة نقولها ...... دي تجميع مصري و يبقى السبب وُجد .........
و مش بنعمل كدا مع أي حاجة مستوردة لو ظهر نفس العيب !!!!!

تقفيل مصرى مثلا زى عربية فيرنا لسه جديدة الردياتير يضرب لوحدة عادى نقول صدفة وعربية تانية الكهربا بتاعت الباب بازت فتح الراجل الباب لقى سندوتش فول ملفوف فى ورقة ورحتة قبر معلشى نقول عامل محشش ولما الدبرياج يتقل مرة واحدة يبقى اكيد عيب اللى بيسوقها وكمان الافيو اللى انتا بتقول عليها حلو ازاى انتا اكيد مجربتهاش مشوفتش الناس اللى بتحاول ترجعها علشان التقفيل الزبالة بص نصيحة لله اى حاجة بتتقفل برة مصر حتى فى ليبيا احسن من هنا بكتيرررررررررررررررررر

-

-

-

الموضوع: بخصوص النيو سيراتو , أرجو المشاركه من الجميع !!!

LinkBack

أدوات الموضوع

عرض

-

-

-

المواضيع المتشابهه

أرجو ايضاح العيوب دى واساسها من الصحة فى النيو سيراتو

أرجو من الجميع المشاركه

كيف تستلم النيو سيراتو ؟ (خبراء السيراتو أرجو المساعدة )

بخصوص الأسعار أرجو من الجميع عمل خطوة ايجابية

الكلمات الدلالية لهذا الموضوع

المفضلات

المفضلات

ضوابط المشاركة