احترسوا من طريق 6 اكتوبر

**3mr Farrag** · 21-09-2007 06:29 AM

طريق 6 اكتوبر اللي هو الواحات بقي معظمه ضالمه اوي لدرجه ان في حتت مش بتشوف الطريق ماشي ازاي......
غير انهم بيعملو تصليحات في الطريق و تلاقي نفسك فجأه و انت مش شايف لبست في حاجه عامله ذي المطب :shock:
و غير بقي ده كلوا ...و انت رايح في حوالي تلت الطريق في تصليحات علي الشمال و مش باينه خالص ...و في برضوا الناحيه التانيه.....فخدوا بالكوا للبيروح اكتوبر و احسنلوا يمشي من عن طريق مصر اسكندريه الصحراوي.....

**اسلام المصرى** · 21-09-2007 11:27 AM

شكرا يا باشا على التنبيه :) جزاك الله خيرا.

**mohamed_berlitz** · 21-09-2007 02:06 PM

انا عربية واحد صاحبى جابت شاسية بسبب الموضوع دة كنا ماشيين برضة فى نفس الطريق وواخدين سرعتنا واذ فاجئا ننزل فى حفرة بعرض الشارع وطولها حوالى 5 متر وارتفاعها حوالى نصف متر . وطبعا دخلنا فيها وطلعنا اللى حصل بقى ساعتها انى حسيت بهبدة قنبلة ذرية ولقيت الفتيس طلع من مكانة ودخل تانى الحمد لله وطبعا العربية ادمرت من تحت ومن ساعتها وكل لما صاحبى يدوس فرامل اسمع طقطة فى الشاسية .ولله الحمد
فيعيش احمد عراااااابى وتحيا الامة العررررررررررربية. :P

**tarekkasaby** · 22-09-2007 01:56 PM

+10000000000000000000000000000000000000000000000

**Dr Ahmed** · 22-09-2007 02:56 PM

فيعيش احمد عراااااابى وتحيا الامة العررررررررررربية.

البلد عايزه الناس تروح الجنة..
عارف طبعا الواحد لو انصاب بشوكة وحمد ربنا شوف جزاؤه إيه..
تخيل بقى لما يبقى طريقك كله كده : حفر ومطبات وأفخاخ وضلمة وأكيد مسامير وبلاوى وما خفى كان أعظم .. وبعدين تخرج من دا كله وتقول الحمد لله...وطبعا نحمده على كل شئ..
يبقى نزعل من اللى عملوا كده؟؟؟
إحنا كده إن شاء الله هنروح الجنة..
وهم هيروحوا:..............................##$%% $

**bassam nagy** · 22-09-2007 06:32 PM

الطريق من زمان وهو متكسر يدوبك بيفكروا يصلحوة دلوقتى وبقالهم يومين بيظبطوا الطريق ... ومن عند سوق الجملة لحد الماجيك لاند ساعت النور بيبقى منور وساعت اكتر بتبقى مظلمة وربنا يستر طريقنا

**Heshaam** · 22-09-2007 07:56 PM

البلد عايزه الناس تروح الجنة..
عارف طبعا الواحد لو انصاب بشوكة وحمد ربنا شوف جزاؤه إيه..
تخيل بقى لما يبقى طريقك كله كده : حفر ومطبات وأفخاخ وضلمة وأكيد مسامير وبلاوى وما خفى كان أعظم .. وبعدين تخرج من دا كله وتقول الحمد لله...وطبعا نحمده على كل شئ..
يبقى نزعل من اللى عملوا كده؟؟؟
إحنا كده إن شاء الله هنروح الجنة..

عشان ميبقاش حد يكدبهم أما يقولوا إنهم بيهتموا براحة المواطن عالآخر :mrgreen:

فعلا إحنا شعب ناكر للجميل

**أبو_حمزة** · 23-09-2007 11:16 AM

يا اخوانا
الحكومة عارفة اننا شعب ذنوبه كتير
عشان كده ماليين الشوارع كفارات للذنوب
و كل ما تاخد مطب تستغفر
شوفتوا قد ايه قلبهم علينا
بس احنا ما بيطمرش فينا

**محمدايهاب** · 23-09-2007 10:03 PM

طيب أنا من أسبوع كنت على الطريق ده و كنت تايه فجأة لقيت نفسي عند جامعة MSA و أنا كنت بليل و نفسي ألاقي حد أسأله إزاي أروح الحي المتميز المهم الجامعة راحت عيا دخلتها قلت أدخل عاكسي الطريق فاضي تماما و أسأل بتوع الأمن جاي أدخل فجأة لقيت مطب صناعي إلي هو اتجاه واحد و عند أخر ثانية تجنبته ده كان ممكن يبوظ الجنط تماما و ساعتها كنت هبات في الطريق المظلم ده بس ربنا ستر

**amir** · 28-09-2007 07:48 PM

الواجب علينا كشعب متحضر اننا نتصرف و نحل مشاكلنا, مثلا بدل ما نحط هوا او نيتروجين في الكاوتشات نجيب هيلليوم و نملا الكاوتشات بيه و ساعتها نعتمد علي علب بيروسول في توجيه العربيه او حتي بللالين سابقه النفخ و بكده نقضي علي الدبان و البللالين تفرح الاطفال و الكبار كمان
:lol: :lol: :lol:

الموضوع: احترسوا من طريق 6 اكتوبر

LinkBack

أدوات الموضوع

عرض

احترسوا من طريق 6 اكتوبر - انشر الموضوع فى :

-

-

-

-

-

المواضيع المتشابهه

مظاهرات علي طريق الواحات 6 اكتوبر

استهتار السواقين على طريق اكتوبر..الى متى ؟

استهتار السواقين على طريق اكتوبر..الى متى ؟

حصل على طريق اكتوبر

من 6 اكتوبر الى طريق الاسماعيلية

الكلمات الدلالية لهذا الموضوع

المفضلات

المفضلات

ضوابط المشاركة