الموضوع: النوبيرا vs الاوبترا

السلام عليكم
أنا ليا رأى فى موضوع المقارنة إللى انت طالبها ودى وجهة نظرى الشخصية بس ممكن تقتنع بيها أنا هتكلم على كل حاجة تمام
أولا الموتور فى العربيتين واحد بس فى الأوبتر الجير بوكس ممكن يكون افضل
ثانيا الشاسية واحد بس تصميم الأوبترا أختلف اكيد فى الشكل الخارجى والداخلى تقفيل كورى على أبوة
الثبات الأوبتر أحسن بكتير من النوبيرا
الوسع الأتنين زى بعض توافر قطع الغيار هتلاقى الأتنين موجودين بس هتلاقى النوبيرا منتشرة بشكل أكتر وهتلاقى فيها درجات سعرية مختلفة حسب بلد المنشأ مش عارف فى الأوبترا بقت كدة ولا لأ المهم الرأى النهائى من وجهة نظرى أن الأوبترا أجدد فى السوق من حيث الشكل النوبيرا بقالها كتير أوى وكمان فيها مشكلة فى البطاحات بتاعتها وكل الناس بتغيرها وبتشتكى منها الأوبترا عربية زى الفل وكل الناس بتشكر فيها وشكلها شيك أوى وتكيفها قوى جدا وأهم حاجة زى ما قولتلك أبعد عن التجميع المصرى الكورى أكيد لية الأولوية لو انت عندك أستعداد لتحمل الفارق السعرى وربنا يكرمك فى قرارك وأبقى طمنى وصلت لأية
أخوك مصطفى رسلان

صحيح بخصوص المطبات الاوبترا اكيد تكسب والفرامل برضوا الاوبترا تكسب لأن فرامل النوبيرا فى ناس بتشتكى منها وصاج الأوبترا أتقل بكتير ودهان الأوبترا أحسن بمراحل التوكيل بقى أنا متعاملتش معاه بس أحب أطمنك لما تخلص الضمان مع التوكيل هتلاقى ناس كتير أوى بتفهم فى عربيتك لأنها مش معقدة