بسم الله الرحمن الرحيم
اعضاء منتدي نايل موتوز الاعزاء

انا عندي مشكله من فتره طويله في العربية و بصراحة مش عارف اوصل لحل و المشكله دي من شهر يناير 2009

المشكله بأختصار العربية عندي اجي ساعات ادور كونتاكت ملاقيش اي تأثير علي الموتور و لا صوت مرش و لا حاجة ولكن العربيه وصلها كهرباء و كله تمام و صوت التوصيلات باين جداً يعني مافيش اي مشكله كهربائيه
و طبعاً انا مريت علي مراحل عديده علشان اعرف السبب ولغاية الوقتي و لا حياه لمن تنادي

بدايه الرحله
1-الكشف علي حساس النقلات ( العربيه اتوماتيك ) تم تغير الحساس علي حساب الضمان في التوكيل و برده العيب لسه معانا

2-تم الكشف الكامل علي الضفيره و اتقاست بالكامل و برده العيب موجود

3-الكشف علي المارش و اتوماتيك المارش بوصلات مباشرة و سليم 100%

طبعاً يا جماعه انا بصراحه بقالي 4 شهور في الحوار دا و مش لاقي حل ابداً ابداً
و مش عارف اعمل ايه و اتوجه لمين

و التوكيل بيقول العربيه مفيهاش اي شئ سليمه و الغريب في الامر ان العربيه لما بتدور و لا الهوا يعني لايوجد اي تأثير علي اداءها و لا كفائتها

و لكن هذا العيب ساعات بيظهر فقط في اثناء الكونتاكت زي ما قولت

ارجو من الاخوه الافاضل في المنتدي تبادل الاقتراحات لحل هذه الازمه

علي فكره يا جماعة العربيه بروتون جين2 2008
و تقبلوا تحياتي