الموضوع: هام لأصحاب A516 موديل 2009

إخواني الكرام

أنا على وشك شراء اسبيرانزا A516 موديل 2009 جديدة زيرو
وهي عاجباني بصراحة بس متخوف منها شوية بسبب كلام الناس ومخليني متردد بعض الشيء

طبعا انا اتفرجت عليها في المعرض لكن زي مانتوا عارفين المعرض مش بيسيب الواحد يتفرج بحريته أو يجرب أي حاجة في العربية (دنا يدوب مكملتش 5 دقايق حتى)

فكنت اتمنى لو أي حد من ملاك موديل 2009 يقابلني ويخليني اتفرج عالعربية براحتى ويشرحلى بعض الحجات اللي محتاج اسأل عنها ولو أمكن اني اعمل تجربة قيادة يبقى كتر خيره حتى ولو لمسافة قصيرة كيلو ولا اتنين بالكتير بس عشان اجرب كل النقلات واحساس العفشة والفرامل والملفات وكده (وطبعا العربية لسه جديدة مش هاقرص عليها ماتخافوش)
والموضوع كله مش هاياخد وقت كتير
نقول ساعة زمن مثلا مش محتاج أكتر من كده

ملحوظات هامة:
# المقابلة وتجربة القيادة هاتكون بمقابل مادي ان شاء الله
(ومحدش ييجي يقوللي انا مش عاوز فلوس، أقل شيء اعتبره تمن البنزين في المشوار بتاعك).
# يستحسن لو يكون صاحب العربية من سكان الهرم أو الجيزة أو المهندسين أو الدقي لسهولة المقابلة.
# يستحسن أن تكون المقابلة يوم أجازة.
# يشترط أن تكون السيارة موديل 2009.



ياريت اللي يقدر يقابلني يبعتلي رقم تليفونه على الخاص + المواعيد اللي يقدر يقابلني فيها وانا ان شاء الله هاتصل بالشخص اللي مواعيده تتناسب معايا وهانتفق سوا على كل حاجة...