الموضوع: ليه بنتجوز

انا اقولكم بنتجوز ليه
ساعات بيتضيق حلقات الدنيا علينا
وبنحاول ندور علي مخرج ومش بنلاقي
وفجئه بيظهر الفارس او الاميره علي الموتوسيكل الحلاوه الصيني علشان مفيش حصنه بيضا دلوقتي
هوب ظهر الشخص الغريب بكل صفاته الحلوه
نفكر ونقول يا سلام فينه من زمان
ونبدا نغذي عقلنا الضعيف الغبي بان لشخص ده هو المخرج من الازمه
نفس فكره الانتحار
مشاكل فكبت فانتحار
والكبت والانتحار من سمات المفكرين والمثقفين
متلاقيش واحد جاهل بينتحر الا في حالات شاذه
وتلاقي ان نسبه المشاكل اقل عندهم من اللي عندنا
المهم
يبدا فارس الاحلام ينسج خيوطه
ويبدا الطرف التاني يتلقي كل حاجه منه علي انها حلوه
لو مدمن حتقول مش مهم اهو بكره يبطل
والحلو بيوحش
والوحش حلو باخلاقه
وكلها مسكنات الواحد بيديها لنفسه علشان يسرب برميل العسل بس العسل علي الوش بس (اصل البرميل ده مش بيترج )
ويبدا يسرح بخياله عن الحياه والجو الاسري اللي بيه حيهرب من المشكل اللي حواليه
وفجئه يصطدم بحاجز الواقع المرير والبصقه المريره اللي تلوك له بين اشداق الزمن

ويخلص العسل
ويبقي عامل زي الفار اللي وقع في المصيده ولا هو عارف يطلع سليم
ولا عارف يغمض عينه عن الدنيا الواسعه اللي بره المصيده وسابها باختياره
يبدا يتمرد من جواه
والضغط يزيد
والمشاكل
يبدا يتمرد فعليا علي سجانه
تكبر المشاكل
وتزيد
ويتمني انه يرجع للسجن القديم والقرف اللي هرب منه
علي الاقل هو بيشوف القرف بس مش مجبر عليه بشكل كامل
ويا يحصل انفصال فعلي وهو لا قدر الله الطلاق
يا يحصل انفصال عاطفي
اكل وشرب ونوم زيه زي اي فرخه عايشه في عشه بس مش حيتدبح
ومهما كان العسل فوق كتير
فالزفت ات لا محاله
ويرجع يقول يا ريت اللي جري ما كان


دا تحليل صغنن من وسط شويه تهييسات بسبب قله النوم
اوعدكم لو افتكرت حاجه تانيه حقولها


محمد الشنوري