الموضوع: ليه بنتجوز

ربنا يهدلا الابهات والامهات واللى عاوز يتجوز يلاقى ربنا واقف معاة باذن الله

مهى النتية اكيد موجودة بس ظروف الحياة وهل الاتنين يقدروا عليها ولا لاء
وربنا يهدى اى زوجين ويبارك لهما فى عيشتهم ويبعد عنهم الشياطين

المشاركة الأصلية كتبت بواسطة zyadahmed

طبعا لازم الاب يتشرط جدا وما يرميش بنته لاى حد انا معاكى وانا هاعمل كده لما بنتى تكبر اكيد ان شاء الله ........
بس الفكرة هنا يتشرط فى ايه فى 20 الف جنية شبكة ولا فى قاعة للفرح فى فندق ولا فى موبيليا ب100 الف ولا فى شقة فى حى راقى ولا فى وظيفة دخلها خيالى
الاسلام ما قالش كده ولا انا هاعمل كده ولا اتعمل معايا كده من حماى ربنا يديله الصحة .......
انا هاتشرط فى خلقه ودى ما فيهاش فصال وفى اهله و سمعتهم مش رصيدهم فى البنك وفى وظيفته مش بتدخل اد ايه لكن حلال ولا حرام يعنى مع احترامى مش فى فندق بيبيع خمور مثلا وكمان مش هاختار واحد عاطل مهما كان خلقه العملية توافقية يعنى خلق ودين + وظيفة محترمة + شقة معقولة والباقى كله يهون ونساعد بعض

وعلى فكرة عمر ما الشروط المادية والقايمة والشبكة والحاجات دى أمنت مستقبل بنت من تقلبات زوج غير صالح والعكس هو اللى بيحصل ازوج الصالح والزوجة الصالحة خير ضمان لحياة هادئة والتوافق بين الزوجين هو الاصل

+11111111111111111111111
بجد و بدون أدنى مجاملة أحسن كلام اتقال لحد دلوقتى و يارب إن شاء الله يبقى كل الأبهات زيك انت و حماك

المشاركة الأصلية كتبت بواسطة black_ayes22

ههههههههههههههههههههه
لا دى خدعوك فقالو ان فى لسة جواز ياراجل هو حد لقى شغل علشان يتجوز بلا كلام فارغ

أول حاجة احنا مش لاقيين شغل بمزاجنا مش الظروف اللى فارضة غلينا الوضع ده زى ما الناس متصورة أنا كنت شغال فى شركة توظيف مشهورة و كان فى وظايف كتير بس الشباب اللى كان بيرفض مش لأن الوظيفة أقل من مستواه أو ماتستاهلش فلوسها لأ لأن ده مش طموحه و مش ال Career اللى هو عايز يكمل فيه. الحمد لله قدرنى أقنع بعضهم يغيروا فكرتهم و يشتغلوا.
الناس المفروض تضحى شوية و تسعى بأقصى قوتها و تبذل كل جهدها و ما تنتظرش نتيجة لحظية لأن الشغل ده رزق و نصيب و ربنا هو اللى مقدر هنشتغل امتى و فين و بكام و دايما ربنا بيكافئنا على اجتهادنا حتى لو ما كانشى فى نفس المكان اللى بنجتهد فيه ربنا بيكافأنا على اجتهادنا عموما.

عارف إنى علقت كتير من غير ما أقول وجهة نظرى أو أجاوب على السؤال الأساسى (ليه بنتجوز؟)
أنا عن نفسى إن شاء الله هتجوز عشان لقيت الانسانة اللى عايز أكمل باقى حياتى معاها و لأن وجودها فى حياتى هيبقى حافز أكبر لمزيد من النجاح و الجهد لتحقيق وضع أفضل سواء ماديا أو اجتماعيا و لأن الجواز هو أكبر سبيل يخليك تحس بقيمة اللى انت بتعمله فى حياتك من جهد فى الشغل و تحويش و احتمال مصاعب و قرف شغل و غيره. لو حد ما عندوش التزامات و لا مسئوليات تجاه حد تانى مش هيبقى مستحمل قرف الشغل و ضغوطه و أهيف مشكلة تخليه يسيب شغله بسهولة مش زى الانسان اللى حاسس بمسئوليته تجاه اللى حواليه و عارف معنى إنه يبقى مسئول بجد. عموما ده رأيى الشخصى و ده أنا إن شاء الله لما هتجوز هتجوز ليه مش مصادرة على رأى حد أو بقول إنه كلام عام.

ربنا يكرمك وتتجوز بس اوعى تعزمنا على الفرح وتحكلنا قصة زواج ناجحة باذن الله