مكونات الافطار ارجوا الرد سريعا اليوم-الجمعة او بحد اقصى غدا

**Powert** · 21-09-2007 04:54 PM

وانا مع الاخ AlmAhAtmA

واعمل اللي انت عايزة علشان كده ممكن محدش يتفق

بس ياريت لو تنوع السلطة بلاش خضرة بس انا مش عامل رجيم

لو عملت رجيم هختفي :D

**abo3bdolrahman** · 21-09-2007 05:55 PM

المشاركة الأصلية كتبت بواسطة AlmAhAtmA

اتكل علي الله يا كريم علشان ما تشتتش نفسك

يا ريت كل وجبه في طبق فويل علشان الحوسه بتاعت الغرف و الكلام ده
اخر اليوم النهارده بعد التراويح يا ريت تحدد لينا قائمه الحاجات اللي حتكون خارج الافطار علشان نشوف كل واحد مننا حيجيب ايه معاه

و انا شايف ان الوجبه متكامله

متنساش الحيتان اللي بيردوا عليك صايمين و عايزين كل حاجه

كده رضا الحمد لله و ربنا يبارك فيك يا كريم علي المجهود و يجزي الاخت الفاضله خير الجزاء
و كل سنه و انت طيب يا كريم عقبال ما نعمل عزومه كتب كتاب كنزي يارب

+ 1
و ما تنسانيش يا إسلام بعتك على الخاص و تنشطنى يا باشا :roll:

**Moh.Fahmy** · 21-09-2007 06:10 PM

اتكل علي الله يا عم كريم و الوجبة كده ممتازة قوي ..مشكلتك انك عرضت الموضوع ده قبل الفطار فكل واحد بيحلم عايز ياكل ايه و مش حتخلص :mrgreen:
اصبر شوية للردود بعد الفطار و حتلاقي ردود حكيمة جدا
طيب انا بالنسبة لي كفاية اني اتصل باسلام بس يعني و لا ايه .....

علي العموم انا اتفقت مع هاني ادم اتفاق مبدئي و نسقننا مع بعض او بمعني اوضح الراجل اللي نسق معايا لاني انا اللي مش عارف المكان و ربنا يسهل الحال
لكن عايز تصور للقاء حيكون ازاي يعني من حيث الميعاد و البرنامج بعد الفطار ..هل حيكون حد موجود قبل الفطار بشكل كافي بحيث اننا نقدر نقعد مع بعض لاني متهيألي ان الوقت بعد الفطار مش حيكون كافي قوي لاني كمان ما ينفعش بالنسبة لي اكون في اسكندرية بعد الثانية عشرة و النصف ( التصريح مكتوب فيه كده ) و ده كرم كبير جدا من النظام

ربنا يدينا طولة العمر ان شاء الله عشان انا متشوق جدا لرؤيتكم و الله
محمد فهمي

**Hossam_Hassan** · 21-09-2007 10:14 PM

كلام جميل و ياريت كل عضو لسه بيفكر ما يترددش و يكلم اسلام و ييجى و الأهم محدش ينسى السجاجيد

**Powert** · 21-09-2007 10:35 PM

عايزين نعرف مطلوب من كل واحد اية :?:

يعني غير السجاجيد مطلوب اية اطباق و معالق

ومفرش واكياس قمامة واية هنحتاجة تاني

وهل في فرق فلوس يترى ندفعة ولا بلاش :D

**temoo_110** · 22-09-2007 01:22 AM

معلش يا جماعة كنت عاوز اسائل سؤال
هو فى ناس هتيجى من الاسكندرية ولا
ولو فيه هيجو مع بعض ولا كل واحد لوحدوه وهيبعتوه اتلفلوس ازاى
ويجعلوه عامر

**Karim_Monir** · 22-09-2007 02:09 AM

تيمووو استاذ محمد فهمي واستاذ هاني ادم نازلين من اسكندرية
ممكن تنسق معاهم
يا جماعة كدة في شبة استقرار على الوجبة بس كل اللي هايحضر اخر ميعاد لتاكيد الحجز غدا السبت 22-9 عشان الناس تلحق تشتري الحاجة وتظبط نفسها
يعني اسلام باشا انا مستني منك كونفيرم نهائي بعدد الافراد بكرة عشان اروح ادفع الفلوس لمهندسة منار
الافطار زي ما هو مكتوب
كل فرد هايجي وجبتة في طبق خاص بيه عشان محدش يخم
الشوربة هيا اللي مشكلة عشان نقلها والبهدلة بس ممكن نحطها في كولمان ونصبها في كوبيات اول ما تيجي هانتصرف يعني
هاحاول اقولهم على بند سلطة الطحينة او الباب غنوج
اي حد ممكن يجيب كيلو مخلل بلدي برضه على نصين يتحط قدام الجميع
هانظبط مع كافتيرا الربوة ان حد يكون موجود يظبطلنا عصير مش هانغلب
المية اهم حاجة وانا هاحاول اجيب العبوات ال 6 لتر ساقعة بس لازم حد يجيب معيا عشان عربيتي هاكون بنقل فيها الوجبات
اسلام باشا من الفلوس اللي معاك اشتري كوبيات بلاستيك بعدد الحاضرين كوباية للشوربة وكوباية للعصير وكوباية للمية يعني 3 كوبيات لكل حاضر
لازم نشتري عدد 5 اكياش قمامة حجم كبير لان هاتكون مخلفات حرب قصدي افطار :lol: :lol:
اسلام باشا لازم برضه تشتي شوك وملاعق بلاستيك بعدد الحضور من نفس المحل اللي هاتشتري منه الكوبايات لو مش عارف سيبها عليا بس قولت عشان ماتنتهيش انهم ياكلو بايدهم مع انه سنة
كل واحد هايجيب سجادة الصلاة بتاعتة وهو جاي عشان نصلي عليها وغالبا الراي الجماعي اننا نصلي في الربوة ودكتور احمد سمير ما شاء الله حافظ القران كلة وصوتة رائع

استاذ اسلام باشا هانشتري 2 كيلو حلويات مشكل شرقي عشان الاكيلة اللي زي اسلام المصري ولا بورت :lol: :lol: مايكلوناش بعد الفطار
بكدة يا جماعة تقريبا خلصنا كل البنود وان شاء الرحمن يكون اشهى افطار باحلى صحبة في الله

معلش اخر حاجة احب اقولها وهيا اغلس ما في الموضوع
ان اللي هايحب يجي بعد كدة هايجيب اكلة معاه عشان احنا مش بنشتري اكل جاهز احنا بنظبطلكم حاجة بيتي عشان كدة يا ريت الكلام يبقي نهائي بكرة مع اسلام
يا جماعة اي حد مش هايقدر يجي من مكان بعيد ياكد على اسلام وانا هادفعلة لحد ما نتقابل في الفطار بس لو ماجاش واتدبست انا في الوجبة تبقي فلوسي امانة في رقبتة ويوريني صيامه هايتقبل ازاي :lol: :lol: :lol: :lol:
اما اللي بيحب يفطر على تمر ان شاء الله انا جايب معايا تمر تحفة لسه انتاج السنادي مش قديم ومتخزن زي اللي في السوق
معلش بقي انا قاعد في نت كافية لاني بايت برة البيت والابتوب مش لاقط نتورك هنا ومضطر اقوم اصل دخان السجاير عماني
مستني اخر كلام هاشوفة بكرة ورسالة اسلام شاهين بالعدد النهائي

اخوكم في الله
كريم منير

-

الموضوع: مكونات الافطار ارجوا الرد سريعا اليوم-الجمعة او بحد اقصى غدا

LinkBack

أدوات الموضوع

عرض

-

-

-

-

-

-

-

المواضيع المتشابهه

مقارنة الكبار 307 c4 ميجان وفوكس وامبريزا ::: ارجوا الرد اليوم

مكونات وتفاصيل الافطار السنوي الرابع للمنتدى

ارجوا الرد سريعا العلبه ده بتاعت ايه وتتعمل عند مين

الكلمات الدلالية لهذا الموضوع

المفضلات

المفضلات

ضوابط المشاركة