طبعا وقبل كل شيئ الحمد لله على كل شيئ

كنت راجع من الاسكندرية يوم السبت وكنت ماشي بالسرعة المعقولة 90 - 100 خوفا من الرادار ومشاكل سحب الرخص وغيرة
المهم في اخر تحويله على الطريق قبل مدخل 6 اكتوبر كنت ماشي في الحارة الشمال وعلى يميني مقطور وكنت باعدي منها بسرعة مش كبيرة عشان التحويلة وفجاة من الناحية التانية عربية نقل خبطت الحاجز الخرساني فخبط في عربيتي وحدفني على عجل المقطورة راح مرجعني تاني على الحواجز وبعدين على عجل المقطورة اليحدفتني التحية التانية وستر ربنا ان مافيش حد جاي في المقابل ووقفت في الرمل الناحية التانية

طبعا الحمد لله انا ومراتي وابني خرجنا بسرعة من العربية واطمنت عليهم ... والعربية بقا ربنا يعين على اصلاحها

نصيحة لكل المسافرين على طريق اسكندرية في مناطق التحويلات حاول تكون دايما في الحارة اليمين عشان الحواجز الخرسانة اليحاطنها خفيفة بالنسبة للنقل سهل يحركها من مكانها ويحدفها على المقابل.

والحمد لله على كل حال.