أمبير الحراره هيجننى

**wasta** · 28-04-2009 01:00 PM

السلام عليكم أنا معايا سويفت موديل 93 الأمبير بتاع الحراره لما بدور العربيه وسخنها بيقف فى النص المكان الطبيعى ليه ومفيش مشاكل المشكلة بقى إن العربية بتسخن والأمبير بيفضل فى النص لدرجة إنى كذا مره أمشى منغير مياه وأنا مش واخد بالى والعربيه تسقف وتبطل وبردوا المؤشر واقف فى النص ولا الهوى
إيه السبب

**emad2002** · 28-04-2009 11:41 PM

خير امبير الحرارة علشان كده هو فية مشكلة ديما امبير الحرارة فى السويفت بيقف عند المنتصف حتى لو المياه بتغلى وهو مش غالى حتلاقى محلات فى احمد حلمى بتبيعه من 20 الى 60 جنية حسب النوع وعايز تجربة بعد التركيب اعمل الاتى وانت ممكن تركبه بنفسك صباع الحرارة ده موجود خلف كوعه المياه بعد فك القديم ركب الجديد وبعدين دور العربية وغطاء الريداتير مفتوح واستنى حتى المياه تغلى لو رفع عن المنتصف يبقى تمام وانا ومتنساش تفتح غطاء الريداتير علشان وش السلندر مش يبوظ وسلام لك

**wasta** · 10-05-2009 12:10 AM

المشاركة الأصلية كتبت بواسطة emad2002

خير امبير الحرارة علشان كده هو فية مشكلة ديما امبير الحرارة فى السويفت بيقف عند المنتصف حتى لو المياه بتغلى وهو مش غالى حتلاقى محلات فى احمد حلمى بتبيعه من 20 الى 60 جنية حسب النوع وعايز تجربة بعد التركيب اعمل الاتى وانت ممكن تركبه بنفسك صباع الحرارة ده موجود خلف كوعه المياه بعد فك القديم ركب الجديد وبعدين دور العربية وغطاء الريداتير مفتوح واستنى حتى المياه تغلى لو رفع عن المنتصف يبقى تمام وانا ومتنساش تفتح غطاء الريداتير علشان وش السلندر مش يبوظ وسلام لك

ألف شكر يا غالى بس ممكن سؤال هوه صباع الحراره ده اللى هوه الترموستات ؟؟

**anwarnono** · 10-05-2009 05:00 PM

انا بالفعل أشتريته أمبارح من حلميه الزيتون بــــ 20 صباع حرارة الى بيعلم فى التابلوه وده اليابانى جديد،وان شاء الله هركبه بكرة علشان كان عندى نفس المشكله.
ألف شكر على المعلومه.