عايز أغسل موتور العربية

**nasroo** · 03-05-2009 01:23 PM

دي مشاركة كانت من عضو في منتدى الدايو

باشا مع كل احترامى و تقديرى لحضرتك بس الفوم ليه طريقة معينة للاستعمال مش اى حاجة تترش و خلاص
اولا بتضرب الموتور بالهوا كويس اوى علشان التراب اللى على الوش و فى المناطق الضيقة
ثانيا بتجيب فوطة من اللى بيقولو عليها زفرة يعنى مطرحها زيت او شحم بس خفيف تنضف بيها الحتت الفبر
ثالثا بفوطة مطرحها بنزين خفيف و تدعك بيها كل الحتت الالمونيوم او المعدن عموما لحد تحس نها نضفت نسبيا من الاوساخ اللى عمر محاجة تطلعها
رابعا تدور الموتور و تسيبة يسخن اوى يعنى عشر دقايق كدا
خامسا اطفى العربية و رش الفوم برحتك من غير متغطى اى حاجة و متقلقش من نسبة المية اللى قيه لانها قليلة اوى
سيبو على الموتور و هتحس انو زى ميكون بيغلى لحد متلافيه بدا يتبخر خالص و يروح من على الموتور
هات فوطة نضيفة و ناشفة و امسح بيها الموتور كويس و نشفو و صدقنى هتلاقى العربية زيرو فى الغرفة
هى اه متعبة شوية بس انصحك تعملها بايدك
م/محمد المصرى

**MohamedGafar** · 03-05-2009 01:52 PM

المشاركة الأصلية كتبت بواسطة nasroo

دي مشاركة كانت من عضو في منتدى الدايو

ألف شكر يا باشمهندس على النصيحة دي. فيه حد فى مصر الجديدة أو م.نصر أو ما حواليهم يعمللي الموضوع ده؟. مش عارف بس حاسس إنها حتبقي صعبة شوية بالنسبة لى.

**mexmarine** · 03-05-2009 04:17 PM

ممكن تغسل الموتور عند ميكانيكى فاهم شغله كويس

**MohamedGafar** · 08-05-2009 12:33 PM

تماااااااام. انا رحت لمحطة شل اللى في شارع النزهة وكان هناك عامل ممتاز إسمه محمد - هو أصلا بيغير الزيت - لكن كان ماشاء الله فاهم. عمللي الموتور وكان معايا الإسبراي بتاع غسيل الموتور راشه الأول وبعدين بخ بنزين وبعدين ميه. الحمد لله النتيجة مرضية.

تياتي

**yahyaelsirafy** · 23-05-2009 06:10 PM

غسيل الموتور مهم جدا ... مش عشان أداؤه ... لكن عشان لو فيه اي تسريب لأي سوائل تبان و تكون واضحة و تسهل معرفه العيب فين...
انا كل اسبوعين بغسل الموتور بالجاز لابيض .... و الجاز الابيض مش مضر خالص اي كاوتش او خراطيم او بلاستيك... فاكرين مسرحية المتزوجون لما نفيسه بتقول حنفي دا جاز... على شعرها يعني... عشان ينعمه و يسيحه .....هههههههههه ما علينا ...
انا بعمل العملية دي بنفسي... بجيب بلاور و انفخ الحوض كله كويس و الكبوت من جوا...
بعد كدة بجيب ازازة صغيرة فيها جاز ابيض و بنفخ الموتور بيه و كل حته في الحوض .... لو كانت وسخة اوي بجيب فرشة و ادعك بيها اماكي التراب و الطين و لو في زيت واقع كدة او كدة لما بغير زيت مثلا...
بعد كدة بنفخ الموتور تاني و ارجع احط جاز تاني باللاور ... بيكون في فتحة شفط الهوا بكب فيها الجاز بهدوؤ و ... بلاقي الجاز طالع رذاذ بيملا الدنيا... بفضل الغرقها جاز و انفخ لحد ما المكنة تبرق ... بسيبها تنشف براحتها .... بس مهما سبتها لما آجي ادور بلاقي بخار الجاز طالع من تحت الكبوت ... بس عادي مجرد ما امشي 100 متر كل الريحة و الدخان بيختفي .....
الجاز الابيض مستحيل ياكل في البوية و بيساعد على التخلص من الصدأ و بيسيب طبقة زيتية خفيفة بتحمي الحديد ....
بس جاز ابيض يا جماعة مش سولار زي ما بيعملوا في البنزينة....

**فادى محمد** · 23-05-2009 06:27 PM

مع احترامي الكامل لرايك يا ا يحيي بس انت ما اثبتش ان الجاز الابيض ما بيضرش الخراطيم . بالرغم اني مقتنع بفاعليته في نظافه الموتور وباستخدمه انما بعيد عن الخراطيم .

**yahyaelsirafy** · 24-05-2009 08:42 PM

مش عارف ...
بس ممكن حضرتك تثبت انه بيضر بالخراطيم و الكاوتش ...

**A.Saad** · 24-05-2009 09:35 PM

انا اعرف ان كمبيوتر الفيكترا فى الكبوت
وكان حد من الاعضاء اكلم انه لو جه عليه مية ممكن يبوظ
يا ريت حد يفيد اكتر من اللى معاهم فيكترا

-

الموضوع: عايز أغسل موتور العربية

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

عايز اسقط موتور لعربيه جوليت اجيبلها موتور ايه ؟؟

محتاج مساعده عايز اسقط موتور فى عربيتى الفليشيا اى نوع موتور اللى ينفع يسقط ع

أغسل موتور عربيتك

أغسل موتور عربيتك

عايز مكان أغسل فيه العربية فى اسكندرية

الكلمات الدلالية لهذا الموضوع

المفضلات

المفضلات

ضوابط المشاركة