الموضوع: بسبب اهمال المالك : عمرة لتريوس مو 2008

المشاركة الأصلية كتبت بواسطة tmedhat

واضح من الصور ان الزيت تحول الى شحم
ودة ادى الى احتراق بيلين باين من الصور
جالى عندى موتور نفس الحالة دى و كان سوزوكى فيتارا 2006الزيت كان اشبة بالشحم

+1
هو ده فعلا اللى حصل.

الصور اللى انا حطيتها دى فهى للشخص اللى مشى بعربيته 23 الف كم بزيت الفابريقة

اما اللى كان بيدى العربية للسواق يغير الزيت بتاعها, فدى لسه مش معايا صورها.

كويس طيب إنه كان بيزود بنزين الفابريكة عالأقل !

انا أعرف ناس كتير كدة .. فيه واحدة زميلتي إشترت نيسان صني و مشيت بيها بتاع 30 ألف كدة و هي متعرفش حاجة لا بتبص علي زيوت ولا بتتابع تيل ولا أي حاجة .. و العربية ولعت في الأخر عامة لأن سخنت و هي مكانتش عارفة إن اما مؤشر الحرارة ينور يبقي فيه حاجة غلط و فضلت ماشية عادي لحد ما العربية ولعت .. و طبعاَ معرفتش تطفيها و سابتها لحد ما ولعت خالص و إتباعت ب 35 ألف .

المشاركة الأصلية كتبت بواسطة MoToRiZeR

كويس طيب إنه كان بيزود بنزين الفابريكة عالأقل !

انا أعرف ناس كتير كدة .. فيه واحدة زميلتي إشترت نيسان صني و مشيت بيها بتاع 30 ألف كدة و هي متعرفش حاجة لا بتبص علي زيوت ولا بتتابع تيل ولا أي حاجة .. و العربية ولعت في الأخر عامة لأن سخنت و هي مكانتش عارفة إن اما مؤشر الحرارة ينور يبقي فيه حاجة غلط و فضلت ماشية عادي لحد ما العربية ولعت .. و طبعاَ معرفتش تطفيها و سابتها لحد ما ولعت خالص و إتباعت ب 35 ألف .

العربية لما بتسخن اوى الموتور بيقفش وبيحتاج عمرة..مش بيولع نار

المشاركة الأصلية كتبت بواسطة Ahmed20_08nubira

العربية لما بتسخن اوى الموتور بيقفش وبيحتاج عمرة..مش بيولع نار

و الله يا باشا مش عارف انا اللي عارفه حسب اللي قالته إن العربية ولعت .. و كمان ولعت من تحت مش عارف من إيه .

اعذرونى انا فيه بس كلمتين واقفين فى زورى، حكاية ان عربرية يتعمل لها عمرة لأن زيت الفابريقة ماتغيرش لمدة 23 ألف كيلومتر دى ليس معناها ان الموتور كويس ولا حاجة، لأن الناس برة بتغير الزيوت فى اعداد كيلومترات تقارب الاعداد دى، وياما ناس هنا زمان قبل هوس السيارات اللى احنا عايشينة كانوا بينسوا الزيوت مدد مقاربة لدى، وناس كتير هنا فى مصر بتنسى زيت ال عشر آلاف الى 15 و 18 الف كليومتر بدون ادنى مشكلة، صحيح ان ده بيقصر عمر المحرك ، لكن يقصر عمره دى معناها ان المحرك بدل ما يعيش نص مليون يعيش 300 ألف، لكن مش يفوت من اول مرة لأن الزيت مش بيحصل له انهيار فجائى لكن بيحصل له اضمحلال فى الخواص على مدى فترة طويلة، فالموتور اللى يفوت لان زيت الفابريكة اتنسى فيه كام الف كيلو زيادة يبقى لا كتر خيره ولا حاجة تتحط عليع الف علامة استفهام، لكن طبعا صاحب العربية مش هيفتح بقه لأن التوكيل هنا قيل له غير على 10 آلاف

ليس كلامى هذا هجوما على ماركة بعينها او انتقاد لمحرك بعينه علشات محدش يفهمنى غلط ، لكن كلامى محصور فى التعليق على هذة الحالة الفردية اللى امامنا