الموضوع: يا خبراء الميجان 2 أنجدوني بسرعة

أنا فاكر من فترة فى حد كان اشتكى نفس الشكوى....لكن مش فاكر المشكلة طلعت...تقريبا كان حساس سرعة....المهم ما تقلقش....روح بيها من غير عربية تقطرها و لا حاجة...أو لو حابب ...كلمهم على 16202 و احكى لهم المشكلة بعد ما يوصلوك لمهندس و هو هيقولك تعمل إيه....و ما تقلقش هما ناس محترمين و مش هيبتزوك فى الموقف و لا حاجة...و ابقى طمننا عملت إيه...و تطلع بسيطة إن شاء الله

المشاركة الأصلية كتبت بواسطة HSAM

السلام عليكم يا وحوش
معلش انا مش هطول عليكم بس رجاء أي حد يعرف حاجة عن الموضوع يرد عليي بأقصى سرعة لأني مش عارف أنام من قلقي على الميجان بتاعتي

أنا عندي ميجان موديل 2006 وبهتم بيها جدا بس حصلت حاجة غريبة معايا إمبارح جيت أول ماشغلتها حسيت إنها بتترج وعايزة تبطل بس مبطلتش ولما جيت أمشي بيها كان فيها رجة جامدة جداً وكأنها عايزة تقف بس لما أزود سرعة محسش بحاجة والعربية بتجري عادي كنت عايز أعرف إيه اللي حصلها ؟ وإذا فيها مشكلة تتصلح إزاي وبكام ؟ وهل لما أمشي بيها كده لحد التوكيل هيعمل فيها مشكلة ولا أجيب عربية تقطرها ؟

رجاء الرد بسرعة يا وحوش لأنها أول مرة ومخضوض جداً

ده أعراض الكويل
ودة سعره ٥٥٠ فالتوكيل أما برة التوكيل فسعره ببدأ من ١٢٥ لحد ٣٥٠ حسب النوع

المشاركة الأصلية كتبت بواسطة hsam

بس الغريب بأى قوي إن نزلت النهاردة الصبح أتطمن عليها ومشيت بيها عادي وجريت بيها كمان ومحصلتش أي رجة من أول التشغيل
فهل كانت حاجة معلقة ولا أجرب يومين كده أمشي بيها قبل ما أغير حاجة ؟

انا كان عندي الكويل في الميجان 1 بيعمل نفس المشكلة وكان احيانا بيفصل واحيانا بيشتغل واحيانا وانا ماشي بيها يفصل ويرجع يشتغل ومكنتش عارف المشكلة ايه وتأكدت ان المشكلة منه لما فصل تماما , رأيي الشخصي ان ما دامت المشكلة لسه مش واضحة اصبر لحد ما تتأكد انها من الكويل وبعد كده غيره بس يا ريت يكون في التوكيل لأنه الأضمن وبيكون عليه ضمان ,, وشوف رأي الوحوش الكبار ايه في الموضوع ده أكيد هيفيدوك اكثر مني .