[COLOR="DarkRed"]السلام عليكم
باذن الله هاعمل صيانه 5000 كم لجينا الأحد او الأتنين وكان فى شويه ملاحظات قلت اخد رايكم فيها قبل ما اروح اقولهم عليها فى التوكيل :
1- لما بروح امون اول ما لمبه البنزين تنور التانك مبياخدش اكتر من 36 لتر مع العلم انه المفروض على الأقل ياخد 42 لتر على اساس ان اللمبه بتنور من اول وصول البنزين الى 8 لتر فاقل.
2- النور عالى مستواه عالى اى انه غير موجه على الأرض حتى لما بغير موتور الكاشاف لأوطى مستوى فانه برضه بيفضل عالى عن الارض.
3- صوت غريب فى موتور الكشاف فى اوطى وضع له واضطر لتغيير الوضع لتلافى الصوت.
4- مازلت غير راضى عن الفرامل كل لما اجرب عربيه غيرها وده كمان بشهاده كل الناس اللى جربت عربيتى بالرغم انى قبل كده كنت قولتلهم عليها واخدوا الهوا منها وفعلت اتظبطت شويه بس مازالت مش واثق فيها ( الحمد لله انا لسه متعرضتش لموقف خطير منها بس خايف لو حصل).
5- نور الشنطه مش شغال.
6-العفشه بتزيق من كذا مكان لما بكون فى طريق فى مطبات كتير ( صوت بسيط).
7- الled اللى موجود حول الكونتاك اللى المفروض ينور علشان يبين مكان المفتاح للسائق مش شغال.
8- بفكر اجيب زيت امارات مصر على حسابى واحطه مكان الزيت اللى بيحطوه .
9-خبطه فى اخر مشوار الدركسيون يمين وشمال.
10-الدركسيون كان بيتهز بعد 100 كم /س ولما عملت ترصيص على الكمبيوتر (بره التوكيل) كان مازال موضوع الهزه مستمر بس اقل من قبل فروحت تانى للى عملى الترصيص فغير الجنط الأمامى مكان الخلفى فالعربيه اتظبطط فقالى الجنط ده معووج خليه دايما ورا وده بالرغم انى مافتكرش انى كلت مطب جامد ممكن يعوج الجنط.
11-صوت الكركره عند بدايه كل نقله وده مش من البنزين زى ما بيقولوا.
12-مجال الريموت قصير جدا لازم اكون جنب العربيه جدا علشان يشتغل وبيتهيألى مش من البطاريات علشان هى كده من ساعه ما جبتها وبيتهيالى المفروض يكون مجالها حوالى 9م.
13-المساحات حاسس انها بتتحرك بصعوبه نوعا ما حتى وانا مشغل الرشاشات.
معلش ياجماعه على الأزعاج . يمكن اكون حنتوف شويه بس بيتهيالى اى حد جايب عربيه جديده نفسه العربيه مايكونش فيها اى حاجه تعكر مزاجه , وشكرا
والسلام عليكم [/COLOR]منها
المفضلات