هى اللانسر الشكل القديم أسعارها زادت ليه؟!

**أبوسيف** · 22-09-2007 11:28 PM

أنا ملاحظ ان سعر اللانسر الشكل القديم زاد قوى رغم ان الكل كان متوقع انها ترخص بعد نزول الشكل الجديد ، إمبارح عديت على معرض جنب الشغل وكان عنده كذا واحدة معروضين ، قالى اللى موجود عنده كله 1600 أوتوماتيك وسعرها 103 ألف جنيه!! رغم ان فى واحد قريبى شاريها من شهرين بالظبط ب 97 ألف ، ولما قلتله كدة قالى أصل دى موديل 2008 وبعدين مفيش لانسر فى السوق كتير اليومين دول والأغرب من كدة انه قالى علشان نزول الشكل الجديد! يعنى نزول الشكل الجديد غلى الشكل القديم. :!: :!:
وبصراحة كمان مش مقتنع ان مفيش لانسر كتير فى السوق ، لأنى اى معرض عربيات بعدى عليه بلاقى على الأقل 3 أو 4 عربيات لانسر معروضين. تفتكروا الأسعار هاتفضل كدة ولا فى إحتمال انها ترخص.

وياريت لو حد يعرف معرض عنده 1600 مانيوال ويكون أسعاره كويسة يقولى عليه.

**Dr Ahmed** · 23-09-2007 02:38 AM

فى بنها سوداء مانيوال خليجى2007 ب 96 ألف

**أبوسيف** · 23-09-2007 05:30 AM

دى 1600 ولا 1300 يا دكتور أحمد وأردنى ولا كويتى؟.

**hazem_khidr** · 23-09-2007 06:08 AM

دا بيرجع لجشع التجار و استغلال الاسم الناجح و كثره الطلب علي السياره

**mohey** · 23-09-2007 09:36 AM

على فكرة أسعار موزعى مصريه الوكيل الرسمى فى مصر لموديلات 2007 فى الفترة دى أقل من الخليجى لأن الشركة بتصفى موديلات 2007 إستعداد لإستقبال موديلات 2008 من الشكل القديم

**wawoo** · 24-09-2007 06:51 PM

المشاركة الأصلية كتبت بواسطة أبوسيف

008 وبعدين مفيش لانسر فى السوق كتير اليومين دول والأغرب من كدة انه قالى علشان نزول الشكل الجديد! يعنى نزول الشكل الجديد غلى الشكل القديم. :!: :!:

ماهى مصر دى بلد العجائب , ازى لما موديل جديد ينزل القديم يغلى ,يامارة اية بقى حد يفهمنى , يعنى فرضنا انهم مش عوزين يرخصو على الاقل يحفظو على السعر و بعدين الدولار فى النازل و كل دة فى جيب التجار