عايز اركب ماتور ريجاتا 1500 لعربية 128

**mina_333** · 01-05-2009 04:24 PM

انا خايف من ان الماتور يبوظ شاسية العربية زى ما الميكانيكى قالى (هايفرتك العربية) كمان انا عايز واحد يكون مركبة يقولى عيوبة ومميزاتة على العربية مع العلم انى ناوى اغير الفرامل واجيب فرامل ريجاتا
الرجاء الرد بسرعة

**mina_333** · 01-05-2009 08:32 PM

هو مافيش ردود لية حد يرد عليا عشان عايز اشترية خلال الاسبوع دة

**magyver** · 01-05-2009 08:51 PM

هو طبعا ينفع والشاسية بيتعملة تقوية
بص انزل علي الحرفيين وهايظبطولك الماتور علي العربية

**mrghost** · 01-05-2009 09:24 PM

على ما اعتقد لازم تعمل تقويه للشاسيه فى الاول علشان تكون ماشى صح بس عموما ينفع
فى واحد معاه 128 مسقط موتور 1800 !!!!!!!!!!!!!!!!!!

**mina_333** · 01-05-2009 09:32 PM

الف شكر بس محدش يعرف التقوية دى تتكلف فى حدود كام والف شكر على الردود

**zastaffa** · 02-05-2009 01:08 AM

بلاش أحسن و علي فكره أنت حر عايز تجيبه هاته بس انا ليه واحد صاحبي ف الشغل جايبه وبيلعن اليوم اللي جابه فيه لانه دغدغله الشاسيه قد يكون هوه الشاسيه بتاعه مبهدل أصلا والماتور كمل عليه وممكن يكون عندك انت الشاسيه حالته كويسه ويستحمل بس بالعقل كده أذا كان شاسيه ال128 مش قادر يشيل ماتورها الاصلي يبقي هايشيل بتاع الريجاتا وبتبقي مواترنا بتاعه العربية الاصلية وعاملين تقويات بين البطاحات والارف ده كله وفي الاخر يقولولك امشي كأنك ماشي علي ازاز طب ازاي وأحنا بنمشي أصلا مش في شوارع دي مدقات في الصحراء بحيث انك تفادي مطب تخش في اخوه اللي جنبه ولو مدخلتش ف التاني فالمصيبه اعظم لأنك هتخش في الرصيف!!!!!!!!! أسف الظاهر اني خرجت بره الموضوع