تكييف التريوس

**shrafoo** · 10-06-2009 11:29 AM

انا معايا 2009 وعامله 4000 كم واحنا الايام دى هنا فى الكويت درجة الحراره بتصل ل53 ومش بتقل فى اى حال من الاحوال عن 45 والحمد لله عند تشغيل التكيف بيكون ممتاز بشرط تكون العربية مركونه فى حتة ظل اما اذا كانت فى الشمس فده بياخد وفت شويه على ماجو العربية يبرد وبيكون الهواء طالع من فتحة التكيف بارد بس جسم العربيه مولع فعلى مايبرد ياخد وقت بس بشكل عام يعتبر جيد جدا
فمن رأى افحص غاز التكيف وربنا يسهل

**MoMohsen** · 10-06-2009 11:44 AM

انت عندك اكتر من حل لتحسين اداء التكييف بس فى رأيى انك ممكن تركب ستارة خلفيه لفصل الصالون عن الشنطة وبالتالى تقليل المساحة اللى محتاج تتبرد الربع تقريبا

**moono** · 11-06-2009 11:38 PM

فعلا التكيف وحش جدا

وكمان بتاكل بنزين كتير جدا

حد يقولى هل ده طبيعى ؟؟ مش بتجيب 200 كيلو فى الصفيحه الا بالعافيه

وانا مش دفع رباعى

**hussein** · 12-06-2009 11:37 AM

المشاركة الأصلية كتبت بواسطة moono

فعلا التكيف وحش جدا

وكمان بتاكل بنزين كتير جدا

حد يقولى هل ده طبيعى ؟؟ مش بتجيب 200 كيلو فى الصفيحه الا بالعافيه

وانا مش دفع رباعى

هيا بتجيب معايا حوالى 230 كم فى الصفيحة (ال 20 لتر) ودا معدل كويس و هو اللى موجود فى الكاتلوج

**mohamedabdo** · 12-06-2009 07:13 PM

التكييف فى التريوس موش قوى وموش ضعيف
يعنى عاااااااااااااااااااااااا اادى
ومن الواضح ان التريوس اخدت اكتر من حقها
مع العلم ان عربيتى 2008
بافكر عملها تاكسى اجرة

**Imhotep** · 14-06-2009 11:06 AM

المشاركة الأصلية كتبت بواسطة mohamedabdo

بافكر عملها تاكسى اجرة

هههههههههههههههه
حلوة...... تصدق فكرة..... ما هو خلاص الروس اتساوت بين الملاكى اللى كان بيتنطط على التاكسيات اللى كانت ماركاتها معروفة و محددة....... دلوقتى خلاص اى عربية ممكن تشوفها تاكسى و اللى باقى فعلا و هيبقى مفاجأة هو تاكسى 4*4...... و تلاقى عليه اعلان بيقول رحلات سفارى خاصة باسعار مميزة بقى و كده....... و نوصلكم الى الاماكن المكسرة و المدغدغة بدون مشاكل.........ههههههههههههه

**Badrawy** · 14-06-2009 04:10 PM

انا روحت شحنت التكييف وبقي تمام اوي بس الراجل قالي احتمال المروحه تكون بايظه
انا استغربت لاني عارف انه المروحه فى التريوس 1 بتشتغل مع الموتور
لكن اتضح انه فى جهاز راكب على المروحه الراجل بيقول شغال بالزئبق وده بيزود سرعة المروحه لما الحراره تزيد
وقالي انه مؤشر الحراره عندي على النص علطول وده غلط المهم قالي انه دي لو اتعملت التكييف حيبقى افضل