الموضوع: ايه سبب ضعف سحب وتجميع العريبه

تسمحلي يا باشمهندس أوضح .... بعد أذنك طبعا .

بالاضافة لكلام الأخ الكريم المهندس أحمد .
بس مش ده لوحده السبب .
الموضوع ده حسب تصميم الموتور و حسب تصميم خروج عزمه

بمعني تاني .
فيه مواتير معمولة علشان تخرج العزم بتاعها بدري
يعني تخرج العزم على 3000 لفة .
و بالتالي المواتير دي بتكون الأفضل للقيادة على السرعات الصغير و تحت 100 كم - س
و أغلب المواتير دي من نوعية SOHC
فبالتالي لو موتورك من النوعية دي ...... يبقى طبيعي و مفيش مشكلة .

أما النوع الثاني من المواتير DOHC
ده أفضل في السرعات العالية و ممتاز على كل السرعات .
بس الموتور الأول أريح في سواقته على سرعات صغيرة .
المواتير دي أغلبها بيخرج العزم على سرعات عالية زي 4000 لفة في الدقيقة
و بالتالي أنت بتلاقي الموتور عمال يجيب معاك كل لما تعلى بالسرعة لأنك بتوصله لنقطة العزم الأقصى على سرعات عالية .

و دي بتكون مريحة قوي في السغر علشان بتلاقي قوة الموتور في أي وقت . والمواتير دي بتجيب سرعات عالية بعد 100 في وقت قصير .
على عكس النوع الاول اللي بيجيب سرعات و حتى 100 في وقت قصير و مريح .

يعني بأختصار
النوع الاول دايما تلاقيه في العربيات الصغيرة أو العربيات اللي تصميمها قديم .

و النوع الثاني بتلاقيه في العربيات الحديثة و ذات التصميم الكبير من أول 1600 سي سي .

مثال حي :

بروتون جين 2 ...... 1600 ...... DOHC
واجا قديمة ........ 1600 ........ SOHC

و أطلع في سباق .
هاتلاقي سواق الواجا .... من أقل دوسة بنزين الموتور بيستجيب معاه بكل سهولة ..... بس أول ما يوصل ل 110 أو 120 ........ هايبدا منحنى العزم يقل و العربية مش هاتستجيب بنفس القدرة و هي كانت تحت 100
و إنما هاتلاقي الجين 2 ....... فاقت من أول 60 و عمالة تستجيب لغاية 180 على الأقل .

ده مثال بعربيتن من نفس الماركة للتوضيح .

اي عربية فيها موتور DOHC زي
الجين 2
النوبيرا
الجيتز
الأكسنت الجديدة
الواجا الجديدة
الفيرنا
الالنترا
السيراتو
الأوكتافيا .

و غيرهم الكثير
هانيطبق عليهم نفس المثال اللي أنا قلته مع الجين 2 و الواجا القديمة .

أرجوا أني أكون أفدت

الاوكتافيا single مش double

المشاركة الأصلية كتبت بواسطة awazeer

الاوكتافيا single مش double

فعلا كلامك مظبوط
الأوكتافيا اللي موجودة في مصر موتورها SOHC

شكر على التصحيح ......